饗樂町

营业中

休息中

一個人想食日本嘢，但係又驚份量太多行行吓見到呢間喺悅來酒店地下嘅日本餐廳，價錢OK，所以就行入去試吓！滑蛋芝士豬扒定食 $52- 上枱嘅時候蛋已經全熟，左右兩邊嘅豬扒入面係完全冇芝士味道就不過不失啦，只可以話對得住價錢最中間嗰塊豬扒夾住嘅芝士份量都唔大口感都合格嘅，但絕對講唔上好食炸粉就唔算好厚，所以咬落去唔會好油膩但同時唔知係咪因為同蛋一齊煮，所以同蛋接觸嘅嗰一邊係冧哂的另外加錢要咗 三味三文魚壽司$20- 同埋期間限定嘅中拖羅壽司 $12- 埋單連埋加一 $100都唔使有湯、有前菜、有定食，仲有壽司價錢同味道係成正比，如果以抵食，或者食物種類去判斷，呢一餐合格！

滑蛋芝士豬扒飯滑蛋係煮到變熟蛋，芝士豬扒係入貨個隻，飯係偏軟，係食落正路，一定可以填飽個肚個類海鮮天婦羅烏冬：天婦羅份量可接受，天婦羅粉整得偏厚，但夠脆，內含略少調味，食個陣需要豉油配搭，烏冬湯底偏咸茶碗蒸足料，味道都係正正常常，無咩特別，唔可以話好好食，但又唔係難食牛肉反卷中意個巻上面的炸蔥，令到本身好油的牛肉無咁油膩，食落感覺岩岩好總結，食咁多野都唔洗200蚊，食物質素絕對對得起個價錢，作為平民和食，值得填飽自己個肚

今日放工，一個人去到悅來酒店搵食！見到門口menu 吾算貴，入面又幾多人食緊！就試試佢！個menu 都好多款式！ 有生有熟！見到有個原條鰻魚飯芝士蛋包飯都係68蚊，就試吓！一黎到，真係有成條，仲要唔算細！我食完係Aeon睇，都要賣$45/1條，而家加多20蚊有飯，有蛋，有芝士，有前菜，又有人整埋！真係幾抵！講返味道，其實真係一般，全部味道都係可以想像到，冇combine埋一齊既化學作用！即係所有食材就算放埋一齊，都係獨立味道🤣同埋食到尾，底既蛋已經硬哂！如果可以改善的話，就係入面D飯可以炒一炒，而吾係齋白飯，起碼會香D！同埋吾好預先將d蛋汁放係鐵板底！不過以$68蚊既價錢黎講，已經算過得去，起碼夠飽肚😂😂😂

本身想食壽司, 諗起呢個位本身係定食8, 黎到先知開左間新餐廳食既野差唔多, 所以都係決定入去試下我地2個人叫左2個定食, 再加多一碟刺身, 一碟壽司同一個茶碗蒸茶碗蒸係特價菜式, $12蚊, 好好食, 蒸蛋夠滑, 鰹魚味都好濃, D送放曬上面賣相都好好之後黎三文魚反卷, 6件32蚊, 唔算特別平, 味道還可以之後就係定食, 有"迷你" 刺身飯同埋5件壽司, 包埋湯同埋中華沙律 (圖入面北寄貝刺身係另外叫既)一黎到已經知道一定食得飽, 個"迷你" 刺身飯一D都唔迷你, 帶子好新鮮, 三文魚就一般水準, 但以$68蚊黎講絕對超值再黎就叫左個芝士鰻魚蛋包飯, 有段小插曲就係個店員落錯單, 雖然已經出左餐, 但佢地都換番比我, 幾盡責! (單個到佢都有同我講解番要補番$16差價, 所以會係原先張單到加多碟小食, 令到個價錢balance番, 態度幾好)條鰻魚好長, 好抵食, 可能就咁係出面買一條鰻魚已經差唔多錢不過個蛋包飯就失息左少少, 個蛋唔夠滑, 太熟, D飯就淨白飯, 冇咩味整體黎講性價比幾高, 行過附近既話可以再幫襯!

今日行足大半日街，去完outlet掃完貨，掃埋個肚裡面既野食，趁住唔洗等位，就拿拿聲行去隔離食返個定食，呢間原來係台灣既日式便當餐廳，我地叫左一個天婦羅定食同一份燒肉定食，天婦羅定食黎到仲好脆，而且仲有炸菜，雖然唔係咁健康，但總算有菜落下肚，燒肉定食既肉都新鮮唔差，份量夠大，$98黎講算係咁，每個餐都有前菜同湯，算叫做有湯有菜有主食，但飲品就要加錢叫，如果想飲野都有水機，可以去自取，最後仲加左個茶碗蒸，多料又豐富，呢餐埋單唔洗$200，真心抵食

午餐叫咗個鰻魚蛋包飯,來到啲飯濕到食唔出一粒粒,仲要好似水咁淡完全冇飯味,蛋熟過龍硬哂,鰻魚好似食緊軟膠咁完全食唔出魚肉組織,連個麵豉湯都衰過人,比一般麵豉湯淺色好多仲要真係冇味,好肯定所有食材貨源係最差嗰種級數,真係超級差

荃灣悅來坊新開嘅日本菜 店舖前身都係食日本嘢🇯🇵呢間價錢親民 新開嚟講 食物質素真係有待提升😥而家大致上中規中矩啦🙁❤️食物 5/10自選套餐組合可以從刺食飯/鰻魚飯/豬軟骨烏冬揀一個 再配搭壽司🍣以下兩個皆自選套餐組合🍱M1迷你海鮮刺身丼+炙燒壽司五貫 $68刺身丼有三文魚 吞拿魚蓉 北寄貝 帶子 雖然叫迷你 但啲刺食同飯份量比例都ok多😋魚生質素對個價錢都合理嘅🫣灸燒壽司飯都大舊🤔不過好易散開 感覺舊玉子暖啲好啲 而家似放左室溫一段時間🫡🍱N2迷你厚切鰻魚飯+升級壽司五貫 $68雖然叫厚切鰻魚 但一啲都唔厚😑好細塊 一食就知又係放左一段時間😓壽司質素同上面差唔多 魚生都冇話好新鮮 但呢個價錢可接受😳🍤A1 原隻軟殼蟹海鮮天婦羅盛合配烏冬 $68呢個餐最差😅天婦羅同湯烏冬係完全唔暖 又係一睇就知唔係即煮即炸 天婦羅外皮更加係超冧唔脆😓軟殼蟹質素都好普通 烏冬配左條獅子狗 賣相都好差 湯仲要唔暖🫠🤎服務 6/10半自助形式 自己斟水 但送餐好慢 可能因為咁啲嘢凍曬🥹🤍環境 7/10

同朋友去食下午茶嗌咗碗迷你丼飯$42,送熱飲加3蚊有凍飲,之後等咗20分鐘碗飯先到😰下午茶時段本身就冇乜人,唔明點解可以整咁耐,未裝修前都食過(前身定食8不過改咗個名),一樣係等咁耐,完全冇改善過!終於等到上菜,碗嘢係真。迷你,同平時屋企食飯碗冇分別。刺身有2塊三文魚同金槍魚,1隻蝦,隔離有啲魚籽,生薑咁,味道ok正正常常,不過有啲細塊,畀爭x厚少少咁。啲飯竟然係暖嘅😅唔太接受到要加一,水就自己斟,。個人覺得唔抵食😅

$58.Menu照片吸引，款式也很多，實際食物質素就一般。三文魚新鮮度可以，味道OK。蟹肉冇味。最可惜是，醋飯冇醋味，而且不是粒粒分明。.分量較細，有機會唔飽。送餐等候時間長。.總括而言，平價，同時質素也一般，但可接受。don’t expect too much 😂

未裝修之前巳經來過食下午茶都覺得幾抵，諗住裝修完有啲唔同，點知真係，令人意外係收加一服務費，下午茶時段同要飲用水仲要自己去沖，咁都有加一有點匪夷所思😅，味道方面熱咖啡不幸跑出，可能換咗新機，味道唔錯，拍得住cafe 機沖果啲。鰻魚壽司細件過箏X，但級數就差唔多，天婦羅飯天婦羅竟然無羅白蓉個汁去點，飯就好似冷飯加水叮返熱咁無珍珠米嘅味道，應該用最下價米煮，普通下午茶$60有好多選擇，味道又麻麻，啲單好混亂，早過我來都未有野食，如果仲要加一應該唔會有下次了

與同事經過荃灣悅來酒店商場，見到有間叫饗樂盯(前身舖位為定食8)的日式食肆，舖面不大但新開業所以地方都很乾淨企理。餐廳仍舊是採用畫紙仔入單，不過張單設計有點令食客難明🤔。今天點了迷你厚切鰻魚丼和迷你豬軟骨烏冬套餐，另加五款炙燒壽司🍙。鰻魚丼的鰻魚肉質可以，燒汁的味道也甜美，可能鰻魚不夠大條，雖說是厚切但亦不覺得怎麼厚肉，而飯底採用的珍珠米就不過不失沒有太過特出。🍲豬軟骨烏冬上枱時就覺得不太夠熱，但烏冬咬落都算彈牙，豬軟骨炆煮得很酥軟和入味，而隻蛋黄尚算做到溏心，另配上一小碗麵豉湯🥣、海帶味道很是配合。炙燒五寶是五款:三文魚、帶子、甜蝦，鯛魚和玉子燒。🍙壽司外表很精致，吃時帶點微温，和涼涼的醋飯一起吃，口感很好。🤗總結今個午餐，每人都只是七十元相當經濟，套餐的擺設賣相都很不錯;但出餐就要等20多分鐘，待下次再來時，看看這點有否改進。

今晚同屋企人諗唔到食乜，就黎試下呢間裝修完改左名既饗樂町😮其實我完全冇食過佢既前身，今次真係叫第一次黎體驗🤗呢度係要填紙仔落單的，但我喺填時係有啲迷惘的，因為佢有好多欄咁，唔知填邊好🧐🧐我就嗌左個M2($68)，係五色刺身丼+五件壽司+麵豉湯🥣個五色刺身丼既魚生大致上都冇乜問題，係個北寄貝有一朕有啲奇異既怪味，但返到屋企就冇屙既😂😂個醋飯係有啲微溫，我就有少少唔慣🥲🥲五件壽司平均個size都唔大，但啲醋飯都幾明顯係有啲失色，好容易就散開咁😶另外仲嗌左個炸蝦壽司，個size就有圖你睇——真係好大！上面啲汁就係甜甜地咁，都OK好食👌🏼👌🏼呢個芝士焗帆立貝幾有趣，芝士有鹹味就當然啦，但我地發現其他野都冇乜鹹味🤯🤯即係你食完啲芝士就會得返一兜冇乜味既帆立貝+薯仔+紅蘿蔔+洋蔥🥔🥕🧅屋企人就嗌左個A1軟殼蟹天婦羅盛，佢話啲炸野有啲過油，食食下會好膩🥹整體黎講，呢個價錢真係冇得要求咁多，但我覺得大鴻輝同一集團既Magic Touch好食好多💪🏼💪🏼

悅來酒店新開饗樂町🥳（前身為定食8）新開都幾多人排隊，入座照舊填紙仔叫野食，等左差唔多20分中先有得食😅🥢我叫左迷你五色海鮮丼配貝之五貫一份，另加左一份火灸牛肉，加埋100都唔使找🤭壽司咁既價錢都ok，可接受同好夠飽🍣🍣🍱