飯聚點小館

营业中

休息中

本身係三餸飯既愛好者，貪佢快靚正夠方便，唔洗放左工又返去煮一大輪。今日第一次黎到飯聚點小館，係門口隔住玻璃睇，佢啲餸賣相都好吸引，而且仲有例湯送添。兩個人分別叫左生炒骨，咕嚕魚，炒蟶子，椒鹽豬扒，豬腸同肉餅。然後失望就開始黎啦，豬扒好鞋好乾，係會攝牙個隻。豬腸有雪味，咬落去一陣鹽水既味道。生炒骨炸粉大過舊肉好多。最致命既係個肉餅，明白呢個價錢唔會比原舊肉你，但佢既肉餅係入口即溶，唔洗咬，完全冇肉既感覺。其實平時都見到好多人排隊，可能個晚我去咁岩唔好彩啦，希望下次再去唔係咁樣。