香河越南餐廳 (已結業)

星期六lunch諗唔到食咩, 又咁o岩行到呢度, 記得openrice食評都唔錯就入左黎囉...叫左三樣野兩個人shared:1)扎肉雞絲撈檬- 檬幾滑, 食完唔口渴!(好少加完魚露唔口渴) 所以我覺得幾好! 2)金邊河- ok, 料算夠, 河粉口感唔錯3)椰汁粟米($8)- 如果你合埋眼食會以為食緊「綠豆沙」, 因為味道同綠豆沙一樣, 而且好「蓉」, 如果椰汁味重ｄ會好ｄ. 不過咁凍當食下熱糖水都幾好, 食完好滿足.我地叫住一碗椰汁粟米, 睇下有幾大碗, 如果好細碗就叫多碗, 點知waiter好醒一上就分左兩碗, 值得一讚! 不過兩個人分都夠喇. 仲有上菜都幾快!埋單兩位$75, 算好抵啦!p.s. 如果唔係怕熱氣我一定叫春卷!因為見到成日都有人叫有春卷o既野…

尋晚同男友食越南野，入到去，只有兩張枱有客人光顧．五，六年前食過都覺一般，尋晚食完就”唉”．Ａ．海鮮粥：有好多魚片，一隻蝦，都OKEY．Ｂ．雞絲扎肉凍檬：檬粉變米粉都算，無咩肉食．Ｃ．酸甜軟殼蟹：炸到油淋淋，個名就好好聽喇，點不知原來係點酸甜醬黎食．總括黎講都係唔好，又多一間俾我Blacklist咗喇！

之前去已經覺得佢退步架啦, 最近再去, 由於銅鑼灣區的確無咩vietnam餐廳,所以都係幫襯佢叫左個生牛肉湯粉絲, 個生牛肉上枱時都熟左九成半啦, 又好鞋好硬個隻, 個d粉絲又痴埋一pat的, 唯獨係個湯依然好清好好味, 不過service又的確係好差, 坐得唔舒服同無裝修都算啦, d人叫極都無人理, 鋪內近門口位又有一大堆人係度等位, 又嘈, 食得好唔happy

三個字可總結這一餐：唔好食；四個字是我的建議：唔好去食。二人餐$98+10%蒸粉卷的粉卷皮黏著碟子，很難不弄破而夾起完整的一件。<img vspace="3" hspace="3" border="3" src="http://www.imagestation.com/picture/sraid211/pc54742c0d48def3462bf99283d43e40b/ed9c849b.jpg" alt=""/>生/熟牛肉河兩碗，湯頭不夠味也不計較了，反正香港也沒有那一間的湯頭做得好！河粉不夠幼滑，且很肥膩；牛肉有點羶。<img vspace="3" hspace="3" border="3" src="http://www.imagestation.com/picture/sraid211/p82bfd52c676a1e1e65773f159040e1dd/ed9c849c.jpg" alt=""/>春卷賣相不俗，但卷皮又厚又韌。生菜不新鮮又偏黃。<img vspace="3" hspace="3" border="3" src="http:/

2個人去左香河...都係第一次黎..唔知叫咩好...就叫左一個二人餐一碗生牛肉湯河一碗雞絲濛粉蒸粉卷春卷碗生牛肉湯河係唔錯既..湯底都幾甜..碗雞絲濛粉唔同平時食開既濛粉..依度既比較粗..似食緊米線..蒸粉卷既皮太薄...一夾就爛..味道一般春卷即叫即炸,,,十分香口..連埋生菜一齊食就好好味..坐位比較迫..而且冇咩服務可言..

三人飯聚，多處食肆要等位，而且等頗耐。來香河都是剛好有位，對於上回的印象也不錯，今次又叫了三人餐，各自點湯粉。1)牛肉檬粉算是中上，檬粉加魚露花生碎、生菜等不錯，但牛肉就一般般，鞋口而且沒有牛肉香味。2)越式沙律同樣的大碟，正不正宗不太重要，最重要份量大，而且味道得宜，酸酸的很開胃。3)蔗蝦份量又是大，一人一支，熱騰騰出爐，蝦的肉質爽彈，加上蔗比上回做得更腍，更方便一口一口的咬。4)牛油雞翼原本對頭三道菜都滿足非常，不過最差的事情發生了，等了雞翼很久才出來，吃畢再等了二、三十分鐘，而且在追單時，女侍態們態度很差，最後怱怱上檯的牛油雞中翼就是剛剛熟，雞肉沒有味，明顯沒有落鹽！5)甜品跟餐的甜品有栗米糯米，一句講哂唔好食，配搭也很奇怪。頭三道菜都令人很滿足，差在臨尾香，侍應態度差劣，竟當眾說食客麻煩，不能接受。今時今日的銅鑼灣，越南菜多的是，未有充足理由再光顧香河。

同傻鬼約埋食lunch...2個人叫左一碗生牛肉河, 香茅排骨檬(即係豬扒)同埋蝦餅.生牛肉河好正...食到傻鬼連湯都飲埋, 佢話啖湯無咩味精好清甜...牛肉亦剛熟好正.個檬都ok, 我比較喜歡佢有足夠既醬汁俾我...蝦餅明顯係用左好多蝦打成膠, 無用其他材料撈埋做成...所以食落都好彈牙...樣樣野都好有水準, 傻鬼亦會不久既日子再來臨此店.

行家想問我攞料，於是約我食飯，話餐飯佢攪掂。我見佢要既料其實唔係咩confidential既野，亦想同番ｄ行家交換吓行情，於是應邀出席。約在銅鑼灣等，雖然銅鑼灣有好多野食，但反而會眼花撩亂，唔知食咩，行行吓就入去香河。一睇佢咁多人，知間食店差極有限。本來想叫一個二人套餐，但見有大頭蝦，而我又對蝦敏感，所以決定散叫餸食。揀了香芧排骨湯檬、菠蘿雞粒炒飯及腐乳通菜。香芧排骨湯檬唔會太濕，酸酸地但又唔怕過酸，幾開胃，感覺唔錯。菠蘿雞粒炒飯好足料，唔會飯多材料少，而且味道幾好。腐乳通菜又係正，好耐未食過咁正既菜，想叫多一碟。找數當然唔係我負責，不過知道都唔係貴，食得過呀！

The food at this place is average and ok but it is quite a greasy restaurant and some of the plates need to be more clean.The upstair mezzanine floor is even worse. Require some heavy clean up actions.

我同女友叫左一個生牛肉湯河, 一個生牛肉粉絲, 一碟蝦餅, 同一碟蒜蓉雞翼牛肉湯底雖有少許味精, 但仍然不俗, 可以一試, 不過粉絲係住定, 一pat野咁, 而蝦餅都幾彈牙, 點甜酸醬一流, 個雞翼先至犀利, 好正呀!!熱辣辣新鮮炸出, 而且好多辣椒蒜蓉, 好有避風塘風味, 但係唔知點解可以係越南餐廳食到呢d野?? 服務尚算不錯, 亦沒有黑面情況, 不過對鬼佬遊客係好一些...不過呢度食物的價錢係銅鑼灣來說算是便宜了....

叫左蝦球炒紛絲, 椒鹽軟殼蟹, 燒豬肉沙津椒鹽軟殼蟹: 好味到不得了, 個皮好脆, 我以為係炸粉, 但原來係個殼, 真係好出色, d肉重好有鮮味, 一d都唔dry~好正蝦球炒紛絲: 唔係好大碟, 但都好好食, 好多蝦, d蝦重大大隻, 抵食~燒豬肉沙津: d肉硬左d, 但個汁好開胃~

三個人食晚飯但朋友開出了Budget價錢所限惟有將貨就價見呢間野開左好耐依然屹立不倒誓要一試究竟內部裝修較舊環境可謂一般餐牌也爛蓉蓉不過價錢一啲都唔貴最後叫了三人餐看餐牌時還以為很少三人一人一碗粉主打生/熟牛河粉同料可加錢任轉牛肉肉質算幾好d河粉其實都OK不過同金邊粉的奇薄同窄身仲有距離個湯雖然有味精但都飲到用牛煲的原味生菜雞絲沙律份量很大三個人都食唔晒d汁變左湯底太多汁而且稀生菜絲同雞都可以蔗蝦三條一人一條份量岩岩好蝦肉唔夠彈牙(不過依家都幾難食到彈牙的了)牛油蒜蓉雞翼只有雞中翼但有大量我最愛的蒜蓉味道不錯有脆皮仲有蒸粉卷!已經很飽了...個粉片做得非常薄而且個餡好飽滿不過唔夠熱魚露對於東南亞菜非常重要但呢到d魚露就比較差冇咩料味道單調好多間越南菜館都有呢個毛病d侍應服務呈個別發展有d阿姐OK 但有d就黑面賦氣

食品味道好又如何?一間好的食舖...除了色、香、味三大要素外...好的員工、良好的服務態度是必須的...亦是顧客決定會否再次光臨的很基本條件....與友人坐了約5分鐘...仍得不到任何招呼...荼也沒有一杯....連menu也沒有....這是對工作熱誠的態度嗎?我絲毫也看不出..點菜也待了十分鐘才有人接應!這點可卻是不能容忍的…..而且當時並不是太多客人….樓上坐位空空如也…香河店的員工只顧交頭接耳…完全漠視客人的存在…因為沒有供給青檸及指天椒…當詢問之後….店員立變黑面神…..而之後的態度更是不能接受的…不知何顧….菜落台時…不是輕放…而是好像為了出氣而放的…嚇得我與友人也呆若木雞..!食品味道不俗…..可是亦因為這店舖的員工工作態度差劣....散漫..注定了沒有下次的可能!

<img src="http://www.lomographyasia.com/pictures/34146/505015.jpg" width=240 ><br>今日食越南野..幾好食丫..<br><br><img src="http://www.lomographyasia.com/pictures/34146/505016.jpg" width=180 ><br>札肉,小白菜同椒粒加青檸<br><br><img src="http://www.lomographyasia.com/pictures/34146/505017.jpg" width=240 ><br>生牛湯河..個湯幾清不過d牛肉差少少肉味..<br><br><img src="http://www.lomographyasia.com/pictures/34146/505019.jpg" width=180 >

都去咗香河好多年啦!! 間食肆如果差又點會有班回頭客呢?!味道真係好好... 好多款我同朋友家人都試過, 味道都滿意. 咖哩煲+蒜蓉包!! 好正! 炒菜又入味, 牛粒炒紅飯又唔太油, 湯粉份量足, 味道夠, 春卷同粉卷做得靚, 其他各樣都幾好.乾唔乾淨就見人見智, 但係某幾個係度做嘅態度就有待改善.但係去得過!!