香港仔冰室

营业中

休息中

附近返工，之前都有同同事食過，今日早餐入去搵位，諗住睇吓有冇同事喺度所以行咗入去之後望下望下，跟住個四眼男伙計大大聲指住張8人卡位講：先生呢張夠你坐未呀？…嘩心諗我鍾意坐邊咪坐邊晨早流流比你寸一嘢真係不爽，搵個位坐低之後叫完嘢等咗一陣見未有單（因佢哋係手寫落單後四眼男再入機印單，之前已試過漏單）咪問聲四眼男，佢又再好不滿大大聲講：要印單要輪住派咖，等陣啦！但之後見到一啲入嚟應該係識得佢嘅就笑哂口，仲成日企喺度同佢哋吹水，當時心諗可能佢係老細，咁巴閉以後都唔幫襯，但剛睇到另一個身受其害嘅post佢應該係揸住雞毛當令箭嘅阿頭，真係替佢老細請著咁趕客嘅伙計傷心…

風味菜膽雞飯，菜心一條、切脾加隻雞翼跟一碟白飯，午市套餐54價格合理，脾位唔鞋口都算有肉食下，雞冇雞味。個芡稀稀地唔太鹹。食完飯都好似冇食飯。雪菜火鴨絲炆米，顏面香味都有，米粉唔會碎晒同埋唔會濕濕笠笠，火鴨絲連皮炒又帶d油香，的確唔錯。

今日同同事來食這間新開無耐的茶餐廳聽說與隔離大頭蝦是同一老闆大家都有午市套餐呢間價錢ok 50-52蚊 有飯有野飲我哋三個各自叫不同午餐另有一個叫常餐上菜都幾快 最快落單後5分鐘就有午餐大部分的汁比較多雞扒煎得幾好，飯係暖的 不過不失紅蘿蔔牛肋條食落味道都唔錯 $52 幾抵食，係汁太多炆米炒得ok 但配料較少餐飲方面奶茶沖得幾滑檸檬茶就茶味濃 都ok常餐叫左沙爹牛肉米粉米粉份量足 味道正常但黑松露炒蛋無咩黑松露味其他味道正常總結這店是快食之選

人生第一次在這裡寫食評，因為不吐不快！第一次幫襯，蔥油雞飯得少到得半隻雞髀還算。乾炒牛河普通貨色！中午放學和兩個小朋友吃午餐，12:20入去，小朋友吃完還有飲品未飲已已執嘢趕客：多謝幫襯帶齊嘢，我話未飲完。轉頭飲完小朋友在睇手機，已聽到侍應大大聲不停讚其他走的食客：呢啲咪醒目囉，呢啲咪好客囉等等說話...我當然即時走人，當時1:15，前後不到1小時。其間看見食客還未食他已經想執走人碟飯，食客即刻說未食完。聽聞該侍應是餐廳最大粒啲，老闆很少落鋪。

堂食同外賣個份量相差好遠以下係外賣既份量茄汁豆得幾粒，牛扒明顯細左之後係堂食份量茄汁豆明顯多好多，牛扒份量亦大左而早上叫外賣請比耐性，待應們會一直派堂食餐先，外賣會等到最後。等包外賣等左成個字先開始慢慢開始包。待應們在中途會幫客一直洛單唔會出餐先。呢間餐廳味道唔錯，牛扒味道亦都唔錯，堂食份量亦算大份但外賣同堂食個份量實左相差太遠，而且外賣要等既時間亦都好耐，如要食的話又有時間可以坐係到盡量堂食會比較好。

今日經過食茶餐， 環境乾淨，價錢ok，新開張 入去試下 ， 叫咗個豬扒蕃茄湯麵，豬扒有煎過ok, 麵普通冇特別, 問題喺個湯底, 蕃茄湯底甜到好緊要, 甜都我食完有啲頭痛， 請改善下個湯底， 加埋杯凍奶茶少甜， 唔知道以為我食緊甜品。

已經試過呢間餐廳好幾次，很不錯。試過早餐、常餐、炒粉麵。早餐/常餐味道正常，炒粉麵比較吸引，夠鑊氣之餘又唔太鹹，岩晒我口味。如果係set lunch就仲抵食。呢間餐廳會喺我嘅常食List中😁