影片
港铁天后站 A2 出口, 步行约1分钟
继续阅读
营业时间
星期一
全日休息
星期二至日
07:00 - 19:00
以上资料只供参考，请与餐厅确认详情
剛過去的星期六一家四口去到呢度食午餐， 店內地方不算大， 但環境總括來說清潔企理。 可能較早到嘅原因所以唔使等位就入咗去坐。 食物種類選擇唔多但係樣樣都經濟實惠， 叫咗鵪鶉蛋燒賣、 蝦餃、 馬拉糕、 xo醬炒銀針粉(稍為油咗啲)、 北菇滑雞蒸飯 加埋兩杯熱飲。 樣樣嘢都幾好食， 只可惜中午時間冇甜品供應，同埋當日可能人手唔夠老闆娘有少少噪噪地。。。依餐午餐幾抵食四個人埋單160蚊
继续阅读
舖頭細細，坐就麻麻地舒服，就勝在企企理理同啲同事食左好多野，除開都只係每人40幾蚊😆燒賣好特別地加左花枝，好彈牙👍🏼👍🏼蝦餃爐粒晶瑩剔透，啲餡唔錯最驚喜係蝦多士，外面又薄又脆，入面蝦好彈牙，成件事好好味😍好足料👍🏼另外有蒸飯冇影到，啲飯粒粒分明，唔係爛飯好索豉油😋😋會再幫趁😇
继续阅读
去維園藝趣嘉年華，好醒地由天后去，打算吃個飯就去玩。但原來都很多人，所以見這間店沒有人排隊就不作他選。叫茶餐廳，但似新式茶居格局，吃的也是中式點心。原來想吃蒸飯套餐，但假日沒有，變了散叫。但都超抵吃。煎蛋牛肉飯，$28。大大盅，一個人吃不完。肉餅好腍，弄碎和煎蛋鼓油拌著吃味道不錯。家姐要了籠仔馬拉糕，$20。花膠四寶雞扎，$28。上菜時看見個份量，好懷疑她吃不吃得完。怎知她吃光了。雞扎真的有花膠，而且算大塊。講了三次馬拉糕很好味，她說甜度適中，鬆軟得來似入口即溶。原來有報導，而且這間店聞名香港仔，我是九龍人，不知道，不過看家姐吃清光都有幾相信了。
继续阅读
今日放Lunch跟同事黎食，聽佢地講天后個到有間性價比高既點心餐廳，就一大班人突登走過黎食。我地有7個人，入到去餐廳內，空間幾闊又夠位坐。雖然睇落餐單啲點心既選擇真心唔算多，但必食蝦餃，燒賣既點心都一定有。落完單之後，出餐都好快，野食又熱辣辣，最緊要係每樣野都好足料!!!!!燒賣蝦餃大大粒，啲點心幾好食，唔會話太膩，而且員工服務態度好，感覺今次搵到好野食介紹，我諗我一定會想再帶朋友嚟食!!!!!希望餐廳會加多唔同款既點心。
继续阅读
今日諗住試下既心態黎到，估唔到性價比非常之高，點心用料非常之扎實，價錢公道，食物用料會比坊間酒樓還要好，總之黎過都讚好！！至於環境方面，咁熱既天氣食熱辣辣既點心冷氣夠一定好緊要，呢度都做得到，要加分！！地方坐位寬敞，就算前後坐滿人都唔會有背脊掂背脊既情況出現，氣氛舒適，一家大細或一班朋友黎都可以傾到計！！唔會好似係酒樓同其他人鬥大聲先聽到！！見到餐牌你就會好自然樣樣都想試，因為價錢真心唔係貴，款款有驚喜，試過都話抵！！
继续阅读