香港達人 (H.A.N.D.S)

营业中

休息中

豬牛雞當中，🐂當然係貴啦！所以好多茶餐廳嘅早餐午餐已經冇咗牛扒啦依家香港達人嘅早餐仲有牛扒30幾蚊講真,都算唔錯!雖然唔算高質,但係唔會接過yip龍，都有牛味嘅，呢度嘅熱咖啡仲係即磨架

Hk diner成日食佢個早餐🥣，最吸引係碎蛋沙律牛角包，配麥皮，加埋即磨咖啡就冇得彈啦😋😋😋牛角包烘到脆卜卜，麥皮用咗蛋白同牛奶煮過，熱咖啡係即磨嘅，不過奶少咗啲😅縱觀係正嘅

放假梗係慢慢嘆個靚早先啦！！食你食去都係嗰啲冇乜好多選擇，近排俾我發現咗喺HANDS有間連鎖茶餐廳個早餐都算唔錯👍👍豬扒米粉仲推埋腸同蛋🤭🤭杯奶茶係合格嘅！咖啡係即磨嘅👍👍

又到左食下午茶嘅時間，今日又係同屋企人去友愛H.A.N.D度揾野食！見到有間連鎖餐廳叫香港達人，價錢合理，一於食呢間！我地加埋叫咗3個下午茶餐，個人最中意就係9號鮮茄碎蛋牛角包！大家見唔見到d碎蛋有幾咁澎湃！直頭係要用叉食咗部分先，牛角包都好大隻，分量太有誠意啦！牛角包好脆，食到成檯都係碎碎。脆皮豬排包，烘得幾脆，正常水準～星洲炒貴刁。餸都頗多，但太油，食完碟底積咗好多油。餐廳部分位置裝修幾靚，呢個角落就夠曬隱蔽，私隱度高！

同媽咪兩個人黎呢度撐枱腳❤️晚餐時間黎唔使等位即入即坐😙門口位置就有餐牌，可以睇啱先入去特飲一般我都唔試，最主要係唔想飲咁多甜野😝除非好特別好吸引，否則我跟餐都只係會叫熱檸水💪又係懶健康🤣叫左兩個餸呢個係咖哩牛根腩煲🍲味道唔錯，腩就有啲好腍有啲就鞋鞋地未至於咬唔爛要吐出黎既🤭薯仔好腍我最鍾意😍羅漢齋扒西蘭花上素👇呢個味道相對淡啲，正合我意食哂😂😂唔係第一次黎呢間有時啲菜式都會令人失望今日都真係唔錯😉可能我識叫😜價錢唔算非常抵，但以今日生活指數應該周圍差唔多架喇🤔普普通通咁啦😝

9點幾入去食早餐 ，叫完後等左成20mins都未到，但隔離枱遲入過我遲叫過我反而到早到過我, 同個侍應講個早餐好耐未有想幫我睇睇，個侍應係無禮貌到極點,夠膽死答我又唔係我煮我點知 關我咩事 ,即刻著左,問佢咩態度可以完全唔理我走左去，完全離譜

侍应無礼貌，唔專業，乱落单。一家4口食早餐，侍应竟然落咗5个早餐…叫佢改番赈單，佢全無反应，毫无悔意！还有，一次食餐等咗卄分钟还未到，催伙記追單，佢話要過卄五分钟才可追單，厨房係咪做嘢…過卄五分附近d食客都食完走哂…效率極差！

今天到安定邨探個老友，約咗一齊去下午茶，安定，友愛的商場，真的很多歎下午茶的餐廳，我們就揀咗HK達人，因見到好多人，估計應該都幾好食，那裡的座位都好舒服，下午茶有多個配搭供選擇，我就揀咗雞翼配奶油豬仔包，雞翼不是炸的，是用醬油煮的，烹調很特別入味，豬仔包香脆，再配奶茶，非常滿足，收費便宜，抵食。

約咗朋友想搵個地方坐下，見環境都ok，隨便叫咗幾個餸。魚香茄子煲，點可以煮到茄子一D都唔入味，失望，番茄滑蛋蝦仁同羅漢齋，家常便飯。豉汁蒸倉魚，西檸脆炸雞還算ok，只可以講，好普通嘅一餐。

晚餐品嚐梅菜蒸鯇魚，上菜前服務員通知需時30分鐘，30分鐘後準時上菜，驚現菜式以日式料理方法烹調，外熟內生。及後要求服務員把魚生再度加熱，一名女服務員一聲「哦」作回應後不了了之。有感反映無果，決定離去。結帳時再度向收銀員反映菜式問題，收銀員表現冷靜向我回覆一聲「哦」，本人頭上驚現問號，深感她答非所問的能力出色，我無地自容的離去。另附上魚生鯇魚圖除以上食品及服務員問題外，座位舒適未有壓迫感，環境開陽沒有侷促感覺。格局整潔，但餐牌上有少許食物殘渣未有清理。價錢一般梅菜蒸鯇魚$84，美式雜扒餐$88。

食物唔錯，服務亦好好。唯獨是家中有老人家去問收銀位姐姐，廁所起邊？佢竟然話：唔清楚。我果刻幾震驚下，立即上前帶老人家去廁所。收銀姐姐日日起商場返工，廁所就在對面，真係唔明點解會答唔清楚。老人家急起上來唔係講笑。

服務極差，舉左成十分鐘手都冇人黎，要自己行去搵人，見到我哋舉手就扮睇唔到，從來未試過咁差既餐廳😐😐 仲要水都冇杯憑心而論野食有六分 中上既但食個冬至飯食到成家成肚氣 下次唔會再黎🤤所以野食相都唔想upload 了

同長老近近地去左友愛H.A.N.D的香港達人食午飯。平日經過都見有人等位，裝修光鮮而價錢相宜，所以今日就黎試Set Lunch 。先排隊拎号碼，等位，可能屯門餐廳唔算少，前面的號碼已經放棄，所以只要等15分鐘左右。入座睇餐牌，所有餐具已放枱底的抽屜裡面。水亦要自取，因為侍應太忙，舉哂手都冇人理，所以自取。叫左兩個Set Lunch ，Set Lunch 包餐包、湯及飲品而凍飲加$3。叫左黑椒汁牛仔柳跟薯菜、羅宋湯、凍檸茶($60+$3)先講羅宋湯，暖的唔熱，微辣，個人鐘意微辣羅宋湯，不過小朋友應該飲唔到。上菜亦好光速，黑椒汁濃杰而帶辣有黑椒味，可惜全碟都唔熱，牛柳只是將薄片牛扒重疊，所以其實應叫黑椒薄牛扒餐。牛扒太熟但少筋。粗薯條唔熱，但外層幾脆，如果係新鮮炸的熱薯條就好了。卡邦尼亞汁燴魚柳飯、白湯、熱好立克（$57）卡邦尼亞汁似粟米汁加杰，欠芝士味，魚柳肉雪白而滑，冇雪味，飯粒乾帶硬，味道不差但又係唔熱的。可能侍應太忙，牛柳餐跟薯菜就比意粉，反映後就換回薯菜。叫白湯但上中式例湯，不過因為都是例水，所以就冇反映。整體價錢平，雖然冇服務，店內食物有中式也有西式，選擇多元化，所以都會係唔錯

見新開業，今日放假就同家人去試下佢早餐，皆因媽媽話好想試👀我地10點左右去到，都幾多人食緊野，好快坐低左，我地坐門口位，個個位好fit 放埋部BB車👶🏻我地叫左三個餐，一個牛扒餐、一個雞扒餐同一個雞翼米線配炒蛋、腸仔、餐包。這份是我的，雞翼同米線都屬於ok既水平，炒蛋幾滑算幾大份，成份早餐都唔錯，三四十蚊真心覺得係岩數。爸爸既牛扒餐，有一隻煎蛋、厚多士、一件正常size既牛扒同一pat 茄汁豆。早餐黎講都夠飽，食左爸爸半件牛扒，爸爸話食唔落😂都覺得唔錯，唔痴牙，係正常茶記級數牛扒，叫凍飲就加3蚊，屋企樓下黎講，算係有質。呢份就媽媽既，評語都係不錯👌🏻可以繼續支持..

叫左個扒餐先來麵包餐湯，點知20分鐘後都未上個扒，侍應姐姐再追追都一直無來，直到45分鐘再追個經理先上到菜重要黑口黑面，一句sorry 都冇，真激氣。雖然新開張但昨日是平日都無可能這樣，下次吾會再幫襯P.S. 個經理超無禮貌，見有客入座後等成個字都冇人幫落單，以為佢埋去安撫啦，點知重同個客人嘈，最後，個客都吾食直接走，呢間野都系趕客的