香港達人 (黃大仙中心南館)

营业中

休息中

現時新式的茶餐廳，餐廳不單價格比較高，而且都有主打的套餐和菜式，例如東南亞菜、燒味等。這家香港達人裝修和形式都比較接近傳統的茶餐廳，而令我最印象最深的不單止是菜式，還有他的常餐。他的常餐不是老香港吃的常餐，而且價格相對比較便宜。茶餐廳的內容不就是雞蛋火腿多士和通粉等等，跟早餐差不多。所以我今次吃的還是茶餐廳的午餐。午餐有這個蟹柳火腿，白汁焗意大利粉，味道剛好，再加上傳統的港式奶茶，味道完全合適香港人。

今日中午去食晏 叫咗個「特色粉麵」餐牌圖有豬扒有菜 牛腩麵有牛腩有菜 但嚟到之後才發覺豬扒米粉 牛腩麵 一條菜都冇，問過職員點解會冇菜 佢嘅態度好差 （ 係呀係冇菜㗎）食完之後出去俾錢 又係剛才答我嗰個女職員我再反映 點解啲食物同餐牌嘅嘢唔一樣 一碗48一碗 一碗52 冇嘢飲 仲要菜都冇一條女職員話（好高好瘦嗰位）係㗎係冇菜㗎喇 咁你下次唔好嚟食囉！之後我同佢講 唔怪得啲香港人上晒大陸食嘢 因為太多你哋啲咁嘅職員 經過，今次以後都唔會再幫襯😡😡😡（

今日經過黃大仙，去黃大仙中心南館嘅香港達人食午飯。午飯時間好多人，等了一會才能入座。我叫了鮮茄芝士焗豬扒意粉，午餐包湯、餐包同飲品。豬扒肉嫩，配上芝士和茄醬味道好夾。意粉有燴過，幾好味。

夜晚黃大仙搵食，呢間比較少人就入咗去。見到餐牌有個芝士龍蝦汁撈麵，幅相又好似幾吸引，所以揀咗芝士龍蝦汁吉列豬扒撈公仔麵。但現實總是殘酷的，佢係首先嚟個“汁”，係好似雲吞撈麵果碗湯，我就奇怪咩嚟係咪畀錯，同放低個阿姐講我哋冇叫呢樣嘢，但佢話呢碗係龍蝦汁。完全o哂咀畀個餐牌佢睇話龍蝦汁係張相橙色咁架喎，跟住佢搵咗另一個阿姐嚟，阿姐話不嬲都係咁，龍蝦汁直接撈咗落碗麵度。其實係人都知龍蝦汁冇龍蝦，但你都唔好當人儍嘅先得，好地地芝士汁撈麵咪算，係要話加龍蝦汁，遲早有人報海關。

位於黃大仙中心商場內的一間連鎖茶餐廳，早餐選擇都多，價錢唔算貴，叫了一個豬扒蛋米粉+奶茶，這裡的奶茶味道算濃，茶味都算高，豬扒都算大塊，餐廳座位數都算多，一定有位

同媽咪行街行到攰，見到個朋友兩母女喺呢間餐廳行出嚟，我估應該都會幾好食，於是我同媽咪就入咗去試媽咪胃口唔好，見到餐牌有個小食拼盤，個賣相都唔錯，價錢都合理，於是叫一個，另加西多士，同兩杯咖啡個拼盤嚟先我已經O哂咀，乜同張相個賣相差咁遠嘅？？？（其實差少少都冇所謂嘅，但呢個又真係得意咗少少。。。）洋蔥圈乾嘅，雞翼未熟！！！（當然我可以同員工講話雞翼未熟，正常佢會換過，但我冇做到）（張相冇Ｐ過，只係第一身睇到）西多士冇乜特別，唔可以叫好好食咖啡比較淡，味道唔算好突出，可以接受嘅我知下午茶我唔係畀咁多錢就唔好咁多要求，但我真心失望！結論係：下次我唔會再去！！

呢間餐廳每日都有唔同嘅精選套餐，你可以按照自己嘅喜好去揀選。精選套餐包括餐湯、餐包同埋飲料😋😋。⭐️ 蒜蓉汁雞扒紐倫堡腸配薯菜佢嘅雞扒相對厚身，唔係好大塊，大概一隻手掌嘅size。佢配上兩條紐倫堡腸，可以明顯咁嚐到佢煎香嘅味道。而佢嘅薯條係細身同埋薄片狀，類似急凍薯條，上面灑咗啲味粉🤔🤔。我覺得味道有啲濃郁👀，蒜蓉汁有啲鹹😳😳，而薯條上面嘅味粉都有啲濃郁，有啲過份。如果你偏好清淡口味嘅話，可能唔太啱😛。佢嘅餐包附上牛油，都算係一般水準。⭐️ 熱咖啡係正常即磨咖啡嘅水準☕️☕️，無特別驚喜🧚‍♂️見到其他人試佢嘅鐵板餐同埋炒公仔麵，下次嚟嘅時候都可以試下😋🍄 總括嚟講我覺得食物嘅味道相對濃郁，份量都唔錯，性價比都算可以😇😇📍 香港達人(黃大仙中心) HK Diner (Temple Mall South)黃大仙正德街103號黃大仙中心南館L1樓122B號舖Shop 122B, L1/F, Temple Mall South, 103 Ching Tak Street, Wong Tai Sin

以往餐廳既嘢食都可以，好多時候，我地都會叫餐廳既外賣拎走，完全唔會擔心質素既問題，今晚，我地一如以往喺餐買叫外賣返屋企食，我地今次試吓未試過既食物，就叫咗個排骨炒米粉，一大開，見到碟米粉既樣已經唔想食，所謂炒米粉，佢似炒米餅，完全唔會揾到一條條既米粉，完全唔想放入口，令人好失望，建議大家到呢間餐廳食飯既朋友，千祈唔好叫炒米粉，以免浪費金錢。

已經係第二次幫襯，下午茶時間叫左乾炒牛河，一上枱聞到超香，河粉炒得透有焦香味，牛肉亦唔會靭，加埋辣椒醬食真係絕配，熱奶茶亦好香滑，下午茶時間唔太繁忙，可以好舒適咁坐足一小時亦唔會被趕走，作為打工仔嘅我有個地方比我放飯時間抖抖店員服務態度好有禮貌

呢日下午3:50先食lunch，叫左個下午茶餐瑞士汁豬扒炒公仔麵連熱奶茶$42，因為晏食lunch好餓，開頭都擔心下午茶份量會好少唔夠食🤭上枱見到份量同正價差唔多豬扒唔會炒到好乾，公仔麵炒得乾身，配埋橙色辣椒醬食好正👍🏻食到見底都唔會有油浸住呢到D員工都好有禮貌，就算見你食哂D野都唔會趕你走，啱晒上班一族放飯一小時可以坐多陣抖下，我最怕果D一放低隻义就趕住收哂你D嘢催你走嘅餐廳

今日放工好攰想來食下其他嘢見到個收銀本身黑口黑面 問佢野唔想應都算嗌過外賣等30分鐘想話問吓佢幾時得 只係第一次問唔該都未講完就俾佢打斷一句未有就算好似得罪咗佢咁 比錢受氣

Drm123 昨天17/11去黃大仙(香港達人)叫了一份下午茶 餐(豬扒公仔麵),熱飲上枱後,足足等了25分鐘個麪 先上枱(当時3点左右己好少坐上客都要咁耐,己覺 不对勁),点知上枱的麵仲离谱,全碟只得3條好細 少好薄)的豬扒也不是全肉有骨,加埋等于(不夠正 常半塊扒)的size,40元一個餐不是这样吧,大家看 相片就知,我相信沒有客人会接受这個份量,我沒有 吃,向侍應投訴這個份量(少得驚人),最後不用我付 費,然後去过第度食好过,真係從未见过可以份量少到咁給客人食的餐,又耐!!

失望。難得入嚟黃大仙，見這茶餐廳客人多、選擇多、圖片靚、價錢平，便試吓，誰知道大失所望，浪費我的吃好西配額😡。初頭是幾好的。點了兩個茶餐，餐飲要了羅宋湯，夠熱夠辣好滿意。但之後就中伏了。夏威夷雞肉薄餅（$38），賣相甚差，好似掟過再執番，餅底雖不硬但也不脆似隔夜麵包，餡料最多是青椒，主角菠蘿和雞肉都不多，味道普通。最後上枱的是下午茶四重奏（$38）：蝦角、雞槌、蜜糖腸和紫薯餅。這碟東西完全是室溫，不知放了多久，碟底仲要油淋淋。味道正常。

因為約了友人去行山臨出發前先搵間餐廳醫肚但黃大仙中心真的超級勁多人不少餐廳都大排長龍但這間香港達人反而沒什麼食客其實都幾擔心中伏但只是醫肚故要求不高啦點了SET LUNCH是雞扒配司華力腸加薯菜份量比想像中多啊而且雞扒煎得剛好肉質不鞋口醬汁味道不錯真的不過不失,唔算中伏既而且要讚的是碗羅宋湯幾好味成碗都係菜真材實料飲不出有味精成份

未食過咁難食既野，餐廳算乾淨，但係野食就係唔得，自問已經無乜要求，諗住番工食個lunch都係hea食，係呢頭咁耐都未黎過，就入來試下，點知一食難食到死。 點左個牛肝菌汁煎牛扒，聽個名好似好好聽，點知上菜仲衰過街邊茶記，舊牛扒又乾又細又薄又老，食落咬橡膠咁，問員工配既沙律係咩沙律，點知答唔出，諗住係有菜既沙律啦，原來係水果沙律，難食到飛起，一啖都無食過。總之以後唔會再黎，平時都會食下茶記，無諗過睇上去都係普通一間茶記，但食物難食到咁。