香辣屋 (已結業)

尋日我爸爸生日, 諗住帶佢去試o下喇, 叫o左出名"炭燒豬頸肉" "炸蝦餅" "沙爹串燒", 味道唔錯, 另外我o地仲叫o左"馬拉炒通菜" "泰式炒雜菜" "印尼咖哩雞" "黑椒牛柳粒" "原個菠蘿炒飯", 味道一般, 通菜就好味, 必叫~如果未試過o既都值得一試, 我o地5 個人去埋單$480, 價錢都ok 啦~

本身以為和New Town Cafe地方各佔一半，但原來Cafe只佔不足三份一的地方。餐廳面積大，坐位不會太擠迫，即使兩個人吃晚飯都唔迫，兩人吃了：蝦餅($45)-夠彈牙，蝦味都幾重！唐人街魚翅($78/例)-有炒炒翅和蟹肉，清淡左啲，但係平！清邁米線($55)-以為係湯米線，點知係一些由蕃茄肉碎和豬紅煮成的汁伴米線來吃，味道一般，好油和好咸呀！糯米雞翼($45)-意外地最難食係呢個，雞翼炸得老，味道好似屋企整咁。係頭盤黎但係就好飽肚！仲有青檸梳打($25)，埋單($272),合理。都算唔錯！起碼唔駛像意粉屋、元氣等等位等咁耐又唔係太好食。

星期六四個人吃晚飯，有人有張渣打信用咭的coupon，食滿三百減五十，所以就來了幫襯。叫了串燒雞、串燒豬各半打、豬頸肉、青咖哩牛、菠蘿炒飯同貴刁。串燒與豬頸肉是炸不是燒已是意料中事，但卻炸得過火又非常油膩，減低了吃的意欲。其中以豬頸肉最好吃，但廚房刀工一流，片到D肉好薄，又幾細塊；青咖哩牛夠辣，但牛肉太韌，所以都係點左D naan去點來吃，牛肉反而無點食過；炒飯及貴刁都唔錯。甜品有十幾款選擇，五蚊一件唔算貴，但就以紅豆糕較好食，煙煙韌韌。埋單三百幾，減左之後唔使三百，幾平但食物質數卻又普普通通，記憶中好似銅鑼灣店或赤柱店都比這裡好。

Quite a lot of people waiting outside at dinner time...but waiting time is only about 30 minsGood environment and service...but food quality is fair...豬頸肉is good, 春卷is awful!As for the quality of food, u can find many Thai restaurants which are much better than this one....but overall speaking, worth a try!

平時去食晚飯都幾多人等,仲要唔平,如果布心想試,都係去食lunch set抵。lunch平就唔係話好平,都要70-90蚊,不過好多野食,佢個沙津用外國生菜,唔係cheap野,份量夠大,食得滿足。我最鍾意佢個羊,食過番尋味!辣野有水準,對於鍾意食辣既人黎講,好吸引。

This one is just OKthere is nothing special in this resturant. Many places can find the same thing you eat here.

媽媽好鍾意食呢度d野, 佢怕辣, 但係都要食!! 因為佢呢d咖哩都幾重手架!! 個人推介係咖哩炒蟹, 好夠味, 辣~~ 撈飯同點薄餅一流呀!! 不過得好少蟹咋, 唔多夠喉!! 另一推介係燒豬頸肉, 好香, 好'林'. 而且d汁好正, 辣辣地!! 有一個鹽燒魚都幾好食.不過好多時都要等位, 訂位會穩陣d. 雖然佢d侍應好多都係賓賓, 但係唔會溝通唔到.6個人食晚飯, 約$600-700, 我覺得都ok.

四個人去…個裝修唔錯架…泰國feel….點了釀雞亦，肉蟹，炸蝦波，炒菜和牛尾。除了個雞亦凍o左之外，樣樣都好好味…推介個肉蟹，佢有D粉絲在底，給哂D味…..正…。D服務唔錯….唔駛叫就加水….埋單三佰六有找………抵食

一定要試豬頸肉, 好好味.

裝修都不錯,很特別,食物都很好食,好多款菜都非常美味,真係食過番尋味,不過D 侍應的態度就麻麻了.仲冇乜笑容潻!

這裡有一道菜叫"辣豬肉碎"伴生菜(忘記了正確名稱),味道少酸少辣,十分醒胃.亦是極少數能使我感到'好食到毛管動"的菜色...不妨試試

我同bf 兩個人去食，叫o左炆牛月利、芒果牛柳條、炒菜同豬頸肉。我bf 就好鍾意呢度o既炆牛月利貪佢夠“林”，d汁又好味。芒果牛柳條我覺得麻麻，芒果酸，牛柳味道一般。而豬頸肉呢，我就嫌佢唔夠爽口香脆，不過只係42 蚊碟，算係咁。埋單二百幾，都幾貴。不過我地o個次用某信用咭簽賬，有芒果黑糯米送，但你地記住要主動問佢地你地張咭有乜著數呀，佢地唔會出聲提你o架…個waiter 遞張單埋o黎，見我地食滿二百蚊，都唔出聲話有o野送，好彩問聲佢，如果唔係我地幾乎埋單走人o架喇。

食物可謂係色香味俱全，但價錢則貴了些....... 要再去多一次，我睇要儲下錢先!

It is a very nice restaurant with attractive price. The branches in Food Street, Causeway Bay and Festive Walk in Kowloon Tong are both excellent. I saw Do Do and Lui fong eating there happily also.

A very outstanding restaruant in Causeway Bay with attractive price. Do try the mushroom with snails. It is real delicious.