馬姐重慶麻辣燙(老字號)

营业中

休息中

係我樓下好近一間餐廳，其實同車仔麵好似都係揀送揀麵，特別之處係真係四川人開既一間麻辣燙。我不朽食開覺得佢okay主要係佢個湯底好獨特，非常香但唔會太濃烈或者太咸。配送我覺得蓮偶、娃娃菜、肥牛都好夾佢個麻辣燙。自己覺得麻辣燙(紅色個張紙抵食D)，藍色個張係酸辣粉揀一樣送已經30幾蚊。仲有佢D小菜係大部份都幾好味不過價錢多數都30幾蚊起跳一碟。平時夜晚呢間好多人企係到等外賣宵夜，佢個隻又辣又麻既野食幾適合宵夜買翻去食。我係帶過Fd去食過，佢話好食過譚仔，我自己覺得就佢係好食不過呢D都係見仁見智。利申:我算係間鋪老細個親戚，間唔中會俾人免單個隻，但我有嘗試客觀咁評論呢間餐廳架。

夜晚十點半叫一個外賣都要等45分鍾真系想食要自己預早半個鍾落定我已經講左湯吾夠 要多湯同分開上同埋可以加錢 佢仍然吾加 只系分左湯 加多一兩羹真系咁難咩 又吾系吾肯加錢仲要加多句 我地吾咁樣做架呢碗野吾值得用45分鍾去換取 個人意見

已經好耐冇幫襯，因為之前幫襯過一次外賣叫麻辣燙，但係返到屋企比漏一樣餸，算！今日收工搭車諗食咩，諗諗下想食辣，就比多次呢間野。嚟到門口剔完紙仔入去比錢，叫左薯粉、肥牛、雞腎、豬脆骨、豆腐串同蓮藕，總共$52。係門口等咗成3、4個字都未到，之後入去睇原來擺左係張枱到好耐，又唔出嚟比外賣，連通知聲都冇！好，算。返到屋企打開食食下，發覺好似少咗樣餸，少左肥牛！之後自己計返哂價錢，佢冇落漏單，錢就收齊，餸就比漏。比多次機會呢間野，又一次比漏餸！真係唔值得再比機會！

第一次遇到這種舖頭。放工夜想食完麻辣燙回家休息。點知食咗先發現價值$10.-既牛柏葉，只有4片葉，問服務員，佢話有呀就走開，完全唔覺碗內只有4片葉係問題。收人錢，請俾合適份量既食物人…同枱另一位見我咁，佢就先檢查自己碗麵，一檢查，發現雙份金菇無俾，加完後。人哋又檢查，一查又發現無娃娃菜。其他食評話，價錢平份量夠，嗰啲人係打手？定係睇人俾份量。原本無打算打食評，但我覺得有必要俾人知，店內既生意手法。起碼各位食前先檢查好自己叫既餸係齊同有適中既份量先好食第一口。未食起碼可以唔食離開，希望大家唔好好似我咁慘。

🔅馬姐重慶麻辣燙（老字號）呢間食過2-3次到，每次都係食米線多，因為個重點唔係佢d配料，係佢湯底出色，紅薯粉同米線岩岩好索哂佢湯汁‼️🏆麻辣湯底 + 蒜味重💂🏻‍♂️胡迪警長就唔食得辣嘅 所以就叫BB辣！聞落去就重辣味，但食落去唔辣嘅，相反就蒜味重D。如果唔食得辣/只可以食三哥十少辣嘅人呢，可以叫BB辣🤩🚩自選5款配料麻辣燙 肥牛+午餐肉+牛柏葉+芝士腸+豆腐串+紅薯粉=$63🏁成碗野正常分揮咁另一碗我就試咗新麵底🏴‍☠️肥牛+午餐肉+牛柏葉+茶葉蛋+龍蝦丸+刀削麵=$68🏳️刀削麵偏硬兼完全索唔到個湯❌下次都係叫番米線/紅薯粉穩陣麻辣燙嚟講算係唔錯🍲不過就建議揀番米線同紅薯粉‼️咁如果想去堂食嘅人就要留意啦，因為佢座位就較逼既，咁疫情期間呢我都係叫外賣多😎咁佢每個配料都略略要加（$3-$10）嘅，咁要睇番你叫咩配料。咁價錢我就覺得中規中矩既🤩算係平民街坊價🙂

突然想食辣野，去揾左間接近ge川菜，跟住地圖揾左輪原來係斜路啱啱開舖所以無咩人但好彩我黎得早～一座落黎就佢個電話就響不停，一個人負責曬聽電話、落單、出菜我望住佢都覺得辛苦環境就無咩好講因為都開左一段時間。我點左豬頭肉萵筍伴面同紅油炒手，黎到估唔到都幾大碗，個伴面都幾好食最好食係萵筍，豬頭肉都係用黎送酒適合D但主要係夠大碗；個紅油炒手味道係ok ge但我係覺得餡同皮ge比例唔太好。走個時門口已經有人龍如果唔係早黎都有排排隊

這間麻辣燙真心正宗、好味道蒜味濃、麻辣度適中（可選）菜款多、出色！！試過就知我在天津、南京、北京、深圳、廣州食過好多次麻辣燙，麻辣燙是我最喜歡的大陸菜式之一。這間做的麻辣燙不是楊國福果類濃濃的骨湯味那種，反而像在天津、深圳吃的地道非連鎖味的那種，非常正宗！

看到評論貌似有一些差評～但作為一個大陸妹絕對要為這間麻辣燙平反，深知這間麻辣燙的地道與美味，湯底的味道跟我在大陸習慣吃的味道簡直一模一樣～很熟悉～絕對是深夜覓食的絕佳去處，除了麻辣燙，還有涼拌土豆絲等小菜也是非常好吃～值得一試

小弟就幾中意食川菜嘅見返工附近有麻辣燙就一定try try ga lah疫情外賣就基本見到佢外賣有折扣9折買$30 涼皮 折返只不過係 $2x 覺得可以一試去到店內落單 一碗涼皮 埋單竟然依舊$30店員就話消費低於$35 只會減去外賣盒嘅收費但出面告示係有寫但係好細噤囉同埋店員態度極不耐煩Okay唔緊要$30 姐到食評價...我叫小辣...但一丁丁辣味都無........感覺只有一陣紅油浸住有限嘅涼皮...而沒有什麼額外香料只此一次 下不為例我只能透露到噤多 bye

在裕民坊一帶有不少食店，這次選了每次經過都有食客的馬姐重慶麻辣燙。既然主打麻辣燙當然就試試這款麻辣湯底的車仔麵，有六種麵條可選，食料也有廿，三十款可以選擇。因為怕辣到肚子痛，所以只點了少辣湯底，不會過辣到食不下去，和譚仔辣度標準差不多，湯底不錯順口，香料味重，但吃完需要喝很多杯水。配料選了南瓜和炸香芋是吃得比較安心，也好食的。但午餐肉和豬腩片就有點伏，正常午餐肉起碼會有一點點肉絲口感，但這店的半點也沒有，比平時更軟像調了味的麵團。豬腩片雖然沒那麼奇怪，但吃到最後幾片，有些部分像柴掉的肉乾，讓腦中飄過內地如何處理肉類的畫面，就吃不下去了。

今天經過觀塘馬姐麻辣燙，進入店内感覺非常狹窄，店子小小安放了约20餘張座位，但見很多人幫襯即管試試其食物質素，坐低後，見是劃紙型式的，有米線、河粉、红薯粉等選擇，再加餸每款5至10元不等，有云吞、牛展、牛丸、肥牛、鱼片頭、鸡亦等等，味道非常不錯，有小辣至大辣選擇，還有很多麻辣小食選擇，店内員工非常繁忙，因為除了堂食還接了很多外賣，，我們叫了2碗3餸粉，1碟麻辣牛展，大约等了十分鐘，2個人埋單约17o 元，唯一比較差是芫茜要另外加錢。

食左幾次先寫食評 就係想試多d先寫😂好似中肯d呢間鋪 d嘢食款式多到傻呀😂鐘意食辣就一定要試下呀🙆🏻‍♀️🙆🏻‍♀️🙆🏻‍♀️佢有麻辣燙 又有涼拌 又有重慶酸辣粉 仲有好多麻辣小食我試過 土豆絲 雞腳 皮蛋既小食黎配白飯 🍚又試過麻辣燙 配搭係 粉絲娃娃菜冬瓜等等......好啦 講有咩好食啦呢間d辣都辣架 怕辣就嗌小小辣好啦就算好食得辣 都唔好亂叫大辣我食過次搞到胃痛😂😭😭😭不過佢d麻辣燙既辣好香好正 又唔算好勁味精個d又熱辣辣 所以通常都揀麻辣燙食 是我首選😎之後d小食我就覺得中上啦 唔夠食就搭多個小食會好d呀

之前去完成都旅行 真係好掛住四川菜的味道 不過香港似乎好難搵到相似的味道（通常香港四川菜都係死辣，但成都的四川菜係香辣的）呢間舖頭的格局、員工（講四川話），感覺好似返回四川，而食物都有濃濃的四川味道 😌

環境乾淨，服務態度幾好既馬姐麻辣燙店舖餐具特別，係用木筷子餸菜選擇多，特別係紅油抄手比較吸引（$10有5粒）我個人中意食豬紅，呢度既豬紅完全唔會有腥味，算一般！今次仲有叫到佢地既雞絲，但唔算入味，普通水平。今日叫左麻辣燙既三個餸，服務員落單快，而且會主動問你想食咩，呢點值得一讚。等左大約十分鐘，唔算太耐。中意食辣既我揀左小辣，但佢小辣既標準好似碗碗唔同，我朋友叫既小辣相比起我個碗就無咁紅，但都保留到香同麻既感覺米線係比較幼同淋，個人十分中意呢種口感份量唔會好少。最後，唯一有小小唔同既係飲品無奶茶咖啡只有豆漿，可樂等其他既紙包飲品選擇。

我地叫咗2碗酸辣粉+2餸。1碗轉麻辣，佢只係麻辣燙既湯加少少辣醬係面。辣味有但完全冇麻味...另一個係酸辣粉+餸，食食下就覺得有d 怪，點解同我上次食個麻辣燙一樣味？問職員佢話我叫左麻辣燙，我再俾張單佢睇我係要酸辣粉，佢就即刻話係酸辣粉😡。咁點解唔酸既？佢答我個湯同麻辣燙一樣，個酸係醋，要自己拎支醋落...個味完全唔係酸辣粉‼️咁麻辣燙同酸辣粉有咩唔同呢？係酸辣粉多左一茶匙既肉碎同榨菜。咁價錢呢，麻辣燙就$5 or $8 餸+麵$10.酸辣粉就係個麵+一茶匙肉碎+榨菜$28, 另加$5 or $8 餸。我碗麵叫麻辣燙就$23, 叫酸辣粉（只係多左少少肉碎同榨菜）就$41.