馬德里餐廳 (已結業)

我兩個人今日中午等位時已經取了票等位兩位，跟住我後有兩組三位取票，職員叫位時只叫三位入去，我問我兩位，職員冇回應，等一會兒，職員見我後面三位客人（拿了票的客人）想走，職員跟住再叫位都係叫三位，跟住我比番張票職員。我覺得攞票冇乜用，職員完完全全唔係跟張《等候票》叫位，到先攞票等位都係唔俾位，我知道大家都係食完lunch就返工，點解完全沒有理會客人等候心情，只顧做生意賺多啲錢，去第二間餐廳等位好過喺度等，我唔會再去！！

同朋友行香工， 行到肚餓咪搵到呢間食個 lunch啦， 因為1:30pm嘅關係， 所以一問就已經有位喇， 好快服務員就遞上餐牌畀我地， 我地掛住睇都唔記得影相㖭， 其實佢地 lunch set都幾多選擇嘅， 而且 set lunch正常都係有餐湯同餐飲， 因為我同朋友都唔係好肚餓， 所以都揀咗 午餐G - 日式芝麻醬燒雞沙律， 午餐 G咁即係有成7款 set俾人揀啦， 另外其實佢地仲有其實食品選擇嘅， 價錢由$56-$78左右。先嚟餐湯有雜菜湯同忌廉湯， 當然我都係唔記得影相嘅， 我就飲忌廉湯， 比較淡， 但都飲到忌廉香味。跟手服務員就好快咁上我地嘅主菜~燒雞 胡麻 醬沙律， 燒雞都算幾多， 但我就覺得燒得有 d乾， 沙律菜新鮮， 仲有菠蘿㖭雖然係沙律， 但都飽肚㗎， 我呢個 set就$56, lunch time無加一小費， 整體都 ok啦。

時不時都會黎食下早餐，都唔錯既我都幾鐘意黎。坐得舒舒服服，杯茶幾好飲夠提神。不過間唔中都會見到有個staff有少少黑口黑面又無乜禮貌寫個野食姐不過其實都係會繼續黎食，貪佢就腳嘛

平時lunch路過馬德里, 總是門口好多人等位. 今日早左食lunch, 經過見有位, 就入去食.羅宋湯: 微微辣，少少酸夠開胃，但湯料不算多意式茄醬大蝦芝士飯: 蝦肉彈牙爽甜，但得兩隻,無其他主食, 孤寒左d喎...飯係意大利食, 唔熱，只係暖 , 飯粒夠腍，煙韌有咬口，有菇片，洋蔥片，可惜茄蓉太少，如多點茄蓉茄肉會好d，見到有少許芝士絲，但無咩芝士味 整體茄醬飯既味道較單調，或者加點辣，或加香草胡椒會可增加色香味另杯凍檸茶有點苦有梳化卡位，坐得都舒服，電視不會太大聲太嘈, 但食完時人流開始多, 已有人係門外等位, 食完埋單走人.

岩岩寫呢個食評時post錯左相…又無得修改 要重新寫過…成兩個幾三個月無黎食呢度的早餐結果一食就出事今次食既係間間茶餐廳都有的沙嗲牛麵 腸炒蛋 牛角包+3蚊轉炒蛋佢話要+2蚊 但只係換個方式去整隻蛋都要加錢？ 但都算 可能內有乾珅 結果黎到的蛋係細細份的炒蛋 蛋無蛋味 連咸味都無…至於沙嗲牛麵最難頂 一上黎時已經聞到一陣羊騷味 食落無野 但係騷味勁重 食左一半已經無食。。熱奶茶無茶味 好似都有少少怪味 餐具一拎上手 已經覺得油笠笠 叫職員拎左杯熱水黎 放落去浸後 杯水水面已經浮左d油上黎埋單時feel到有少少肚痛 連同我一齊食的同事都話肚痛到底係我地諗多左定係間野真係有問題…以後唔會再幫襯

今日午餐去左馬德里食午餐, 我同朋友都不約而同叫左烤肉眼牛扒拼吉烈炸蠔(黑椒汁), 份量足夠, 牛扒煎都岩岩好, 吾好太韌, 牛味都幾香, 夾埋落個黑椒汁, 十分美味, 炸蠔亦都炸得好香脆, 咬落去好juicy, 值得讚係個雜豆, 多數我都放係到吾會食, 但係佢處理得幾好, 咸香十足, 我竟然可以食哂之不過價錢就有有小小貴, 轉埋凍飲要$65蚊, 但係翻左成個星期工, 獎勵下自己都應該既

今天來了馬德里餐廳用餐，午餐價錢於同區來說算是中等，選擇也算多。等侯大約五分鐘便入座，我點了蒜香白酒汁蜆肉意粉，同事則點了意式茄醬大蝦芝士燴飯。上菜的速度很快，十分鐘內全都到齊。我點的蒜香白酒汁蜆肉意粉味道一般般，白汁不夠多，意粉有點乾；蜆肉也合格，沒有腥味。也嘗了同事的意式茄醬大蝦芝士燴飯，水準不錯。意大利飯軟硬適中，很有口感；醬汁調得剛剛好，不會太酸，又不太稀，很開胃。總括而言，午餐來說算是不錯，價錢也合理，會再來。

是日。下午茶吉列魚柳配沙律 (下午茶)當侍應把這道沙律端上檯時, 我真的嚇呆了 ! 心想, 這是下午茶餐嗎 ? 賣相精美, 魚柳竟如手掌般大, 而且有相當之厚質感 ! 魚是用龍利魚柳, 炸得金黃色, 火喉剛好 外層鬆化脆口, 魚柳肉質細緻嫩滑, 有魚味但不會腥! 沙律的蔬菜帶有雪藏味, 個人感覺這還有改進的空間 ~餐飲 凍咖啡點了凍齋啡的, 但侍應卻端來了有奶的凍咖啡 ....  冰粒下得重手了, 但咖啡的濃度以及酸度是非常適中, 使我頗為滿意 ~本篇完 ~

因為鍾意依間D下午茶多款式，果日又咁啱嚟開依頭，專登約個FD去依度T，結果令人失望，仲攪到我FD好嬲添。原因係叫咗個Ceasar Salad下午茶餐，結果嚟咗碟菜碎，又有菠蘿，又有粟米，仲有提子乾同蕃茄，完全唔係Ceaser d料，叫個女經理過嚟同佢講，佢竟然答話：係呀，我地依度果個係唔正宗既Ceaser Salad嚟架...Ceaser就係Ceaser，邊有得唔正宗，一係你MENU淨係話沙律，唔好話係Ceaser，根本就係廚房冇料就求其整，又唔換，好過份！

今日去左荔枝角做嘢，過左午飯時間先落到去食嘢，但係呢一帶有九成以上的食店都係茶餐廳，真係好悶……行左一陣見到呢間馬德里，睇裝修擺設應該唔係一般的茶餐廳，咁我哋三個人就坐底左，雖然係下午茶時段但係都全場爆滿，利害！利害！睇黎啲出品應該幾好食我哋叫左三個都係下午茶餐，吉列豬扒蕃茄醬意粉、豬頸肉炒螺絲粉同埋會沙嗲雞扒麵。個吉列豬扒炸得啱啱好，咬落個豬扒度重有啲肉汁流出黎，意粉同蕃茄醬配合必定冇問題，重點係個醬好夠蕃茄味，一啲都唔馬虎。豬頸肉炒螺絲粉就一般般，個汁唔夠味之餘啲豬頸肉只得幾片，啲螺絲粉就炒得ok 但都係食唔哂，事關真係麻麻哋 好彩個會沙嗲雞扒麵有番啲驚喜，啲麵係炸脆左的生麵再响上面加上沙嗲汁同埋雞扒，呢個就極之好味，似咁嘅價錢食到呢個會沙嗲雞扒麵就真係超值。其實佢下午茶都有成20-30個選擇，真係從來未去過有咁多 choice 的餐廳，不過就唔係個個都得，我估都係揀啲個名正常啲的食物會好味啲。下次都會再試過第二啲餐。

可以用不知所謂嚟形容d員工. 今次係第2次嚟呢間野. 兩次都覺得d 侍應態度有問題. 但係今次有突破啦. 今日同朋友食早餐. 我同朋友都叫咗個E 餐係白菌菴列. 點知送嚟嘅係火腿炒旦. 問果個全店唯一女侍應. 佢話已經將白菌炒埋一齊. 我地new 嚟new去都搵唔到d 白菌. 佢都唔知係咪將d 白菌磨成蓉. 如果佢話白菌賣哂, 煮錯咗或者個餐轉咗我都無咁嬲. d 男侍應好似未訓醒咁. 人地坐底只係放底份餐具就走開. 都唔識比個餐牌嚟. 我地都係問收銀攞咋陰公, 我仲話呢間野唔識比餐牌只係識比餐具. 個女收銀聼到都係傻笑, 無反應.. 慘... 佢都已經習慣咗d 同事咁做野...唔該呢間餐廳老闆陪訓吓d 員工啦.. 咁嘅態度完全不能接受. 佢地又好難得咁個個都係咁. 唔通個老闆鍾意請呢d 人?

很多朋友說馬德里的食物水準不錯，但我吃過幾次，不論是深水埗還是荔枝角的分店都可以用不濟去形容，或許是我不懂欣賞吧，反正我個人是不會選擇來這裡的。是日老總指名要來吃石頭飯，是不願意，卻也要遵命。罕有地各自各叫，隨便點一個和風牛肉滑蛋石頭飯，有湯和飲品奉送，凍飲則要加兩蚊。上次喝過羅宋湯，結果中伏，今回揀番白湯好了。忌廉湯尚算濃郁，也不會淡茂茂，且有幾粒粟米粒，說不上很好喝，是一般cafe水準吧！石頭飯上檯時，熱辣辣，「沙沙」聲響，最基本的要求做到了。馬上撈一撈，免得下面的飯燒焦。牛肉以外，還有紅蘿蔔、翠玉瓜和蔥花，當然也少不了滑蛋，材料挺豐富的。飯本身幾硬，但撈埋生雞蛋後，又中和了一點，不算太差，只是紅蘿蔔及翠玉瓜硬而不爽甜，牛肉是稔身，質感卻甚假，明顯經過化學處理。這樣的石頭飯，未到應有水準。那杯凍檸茶，不說也罷。沒有一次令我滿意的cafe，為何身邊有咁多朋友喜歡，是我愈來愈奄尖嗎?

由佢開業開始已經成日幫嚫佢. 但最近一個月水凖有明顯下跌既跡像今日叫左焗芝士火腿厚多士跟凍奶茶, 點知塊芝士唔熱唔溶完全唔似以前係焗出黎既樣. 奶茶亦都差左, 又冇茶味又冇甜味.今次黎openrice講講, 希望佢地改善返啦..

每日要在荔枝角搵位食lunch係一件好麻煩既事，搵到位咩但坐多陣又會有幾十對眼盯住你，仲有兩啖飯未扒就有服務員想收你d野，所以我喜歡外賣回公司吃喇~~平時見到佢出面既餐牌是日午餐要$38-$48，凍飲加$2；$50一個lunch都米話唔貴。再望真d，哦...外賣一律$32好似好抵咁，好我就試下買一個set 吃喇。我試既係 "文也豬扒拼蒲燒鰻魚配燒烤汁"再跟薯菜同羅宋湯我本身唔喜歡吃豬扒對佢無咩期望，哈點知一打開個盒豐富得佢呢薯菜係成個盒都滿既，有好多件薯角、紅蘿蔔、翠玉瓜，上面有一塊厚厚既鰻魚同兩塊豬扒，我就立即試下個豬扒先，哦...竟然係軟棉棉味道適中好容易咬好好味喎；再試下塊鰻魚先，有少少鯹同魚骨之外都唔錯喎；薯菜就又多又好新鮮唔係隔夜貨，再飲埋個羅宋湯(無特別)，嘩...超飽呀~~平時在附近既平價茶餐廳食個lunch都要$30，仲要好難食，反而今次用$32就可以享用一餐勁豐富同滿足既午餐，物超所值囉~~仲有呀，佢地個是日午餐係每日唔同既，記得攞定外賣紙睇清楚。