駿聯會

营业中

休息中

今晚，一班好友去食飯，見天氣凍咗，所以都諗住大邊爐，但好多火鍋店都冇房，或者要房，就要有最低消費，都唔係好抵😭😭咁我就打電話去駿聯會，問吓有冇得打邊爐啦？點知真係有，仲要有一間房，仲唔使最低消費😱😱😱經理雄哥問我哋想食咩，當然都想食下海鮮啦，佢就幫我哋準備，仲要係生猛，仲要識郁，真係相當新鮮。仲有肥牛，仲有好靚嘅餃，我哋食到飽晒🥳🥳🥳其實真係冇諗過，聯誼會都可以打邊爐，其實我覺得駿聯會已經唔止係聯誼會，仲要係一間好出色的餐廳，相信呢度會成為我哋嘅飯堂👏🏻👏🏻👏🏻

又黎到我既飯堂，今晚喺度同一班朋友食飯😍😍今晚駿聯會既大厨大口哥繼續保持水準👍🏻👍🏻八樣餸加埋糖水甜品，食到個肚飽哂🍛🍛大閘蟹成八両一隻，d膏多到出哂黎🦀🦀特別既係隻鴛鴦雞，炸雞加豉油雞既配合，一絕👍🏻👍🏻仲要有個正既綠豆沙，真係飽到上心口。最重要係招呼好，員工友善。當然個場整理下會更好。但以聯誼會黎計，係已經好不錯。我覺得這不是一個只煮鵲局飯的餐廳，是一間真正的中餐廳👍🏻

早兩晚有朋友帶我黎食飯，叫駿聯會，開頭以為黎打牌，原來真係有飯食😱😱仲要係圍菜，條魚整得好鬼正原來可以帶料加工又可以叫佢地幫你設計菜單或者叫佢地既套餐，都好抵有間大房，最啱大家吹水飲酒，仲唔會趕你走想打麻雀可以黎，私穩度高值得推介