影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
每次出深水埗，遇到媽媽要自己行街，兩個小朋友跟我的時候，他們就是最開心的了。因為他們知道，我一定會帶他們食好西。這次，一家四口既團隊在黃金商場附近解散，而我就帶兩個小朋友在食肆林立的福榮街找地方食中午飯。問了兩小孩的意向之後，決定鋸扒，於是，我們就來《馬得里餐廳》吃一個港式西餐。食港式既扒房，餐湯一定係紅湯同白湯。白既餐湯就是忌廉湯。有時叫忌廉粟米湯，也有時叫忌廉雞湯。而我們飲的，是比較甜美的出品。所以，應該是一個忌廉粟米湯。香甜，香滑，好味道。我就鐘情羅宋湯，這店的羅宋湯算是夠香辣，不過就欠缺了少少牛肉香味。而我就習慣落好重胡椒粉來喝這一個羅宋湯。因為，自我既感覺就係，落重胡椒粉，增強羅宋湯既辛辣感，才是羅宋湯的最美妙食法。午餐，當然一人一份扒啦。仔仔要的一份是西冷牛扒拚吉刑炸蝦。這雖然是一個非常港式的薄牛扒，但加了黑椒汁之後，把牛肉同豉油的味道變強了。蝦夠香脆，薯條也夠香脆，大人小朋友吃上此物，都會十分開心。我的是香煎雞扒配脆皮腸，配的汁，就是燒汁。雞扒是無皮的扒，純肉得黎又食得出雞肉的嫩滑。腸仔香脆，薯條當然也是香脆。而且，薯條沾燒汁吃，比起沾茄汁，更是可口。給阿女的餐，是瑞士雞翼配炒滑蛋飯。雞翼的確是啖啖香，啖啖甜豉油的甜美味道。而炒蛋也是非常的香滑。飯底雖是白飯，但吸收了瑞士汁同蛋黃汁，變得非常之甜美。食港式西餐，我唔會飲咖啡。同去茶餐廳一樣，餐飲會是一杯熱奶茶。而這店的奶茶，無論是凍或是熱的，都香滑可口，水準算是一流的。幫阿女叫飲品，而身為大哥哥的兒子就幫手點了一杯凍阿華田。這是一杯夠甜美的朱古力。小朋友飲品，夠香甜，已經是滿足。整體上不錯，牛扒雞扒都好，湯也夠美味，飲品也充滿香港的味道。之不過，這餐廳又同 Madrid 有什麼關係呢? 我唔覺餐牌上有西班牙菜啊。
继续阅读
出開深水埗，梗係要去試吓呢度嘅名店，晏晝12點幾呢度已經人山人海，想嚟試吓嘅就要好好預時間啦！見到啲鐵板餐都幾抵，一於試吓！每個餐都有跟餐湯同飲品，我哋先叫咗一個紅湯、一個白湯，佢個紅湯都幾足料了，白湯就十分Creamy主食方面，我哋先叫咗一客「鐵板美國肉眼牛扒」（$98），牛扒我哋嗌咗五成熟，用咗黑椒汁底，牛扒真係超大塊，完全對得起佢個價錢，切開完全唔覺得韌，啖啖肉食得好爽！而我跟咗薯菜，薯條份量都極多，記得要問侍應攞茄汁！層次會再昇華多一級！令一盒同我哋嗌咗「鐵板香煎龍脷魚柳配雞扒」（$88），呢款就更加抵食，龍脷魚柳超大塊，再加埋雞扒，海陸都食晒！卜呢款我哋跟咗燒汁，味道冇咁濃，就更食到食材嘅味道呢款一樣嗌咗薯菜，真係食到好飽啊！跟餐我哋加咗一客「法式牛油薯蓉焗田螺」（+$18），估唔到呢個價錢可以食到田螺！而且都有四隻，份量一啲都唔輸蝕！田螺好有咬口，再加埋薯蓉個配搭都好好。另外我哋有加咗一行「瑞士汁雞中翼六隻」（+$38），呢個價錢可以有六隻雞翼都幾誇張，瑞士汁葉得好入味，識落又唔會覺得鹹，甜甜地咁十分開胃，真係會一隻接一隻食唔停口！跟餐我哋嗌咗一杯凍奶茶（+$4），奶味會比較重啲，茶底就中中挺挺。另外我哋嗌咗一杯凍檸檬可樂（+$8），天氣咁熱食鐵板再飲埋可樂真係一絕。食咗咁多嘢都仲係二百幾蚊，喺呢個時勢都真係好難得！
继续阅读
放lunch 時間，同同事想鋸扒，記得之前食過馬得里扒，記得當時覺得唔錯，想回味一下當時既味道。午餐時間，都幾多人排隊，等左一陣先有位，我地等位期間巳經睇定餐牌，決定食是日午餐既肉眼牛扒配煙鴨胸，一個配飯，一個配意粉。肉眼牛扒配煙鴨胸：食物上枱既時間都幾快，牛扒肉質食落唔鞋口，有牛味，煙鴨胸煙熏味幾香，㨂左黑椒汁，調味適中。涷奶茶夠金𣲙涷，奶同茶既比例剛好，香滑濃郁。🔎馬德里餐廳 (深水埗)📍深水埗福榮街120-122號地舖
继续阅读
2個人叫了2個dinner set, 有沙律伴飯、有扒、有煎雙蛋、有餐包、有餐湯，還有餐飲。碟飯好大碟，每人只吃了一半，食剩打包，第日返工帶飯食。套餐$88一個，加外買盒$1一個，每人$89，抵。
继续阅读
肉眼拼牛舌：果然係牛魔王，份量好多。港式鐵板風味，試菜時有燒汁 或 黑椒汁比你揀，鍾意重口味、惹味d既就當然要加生蒜啦。肉眼比較軟熟及厚身，牛味唔錯。牛舌無腥味，口感彈牙。大蝦拼西冷：份量亦是十足，西冷牛味濃d,厚身有咬感，配埋薯菜其實都好夠食，十分滿足。食落唔會覺有梳化粉 或那過龍既口感，恰到好處。餐湯：紅湯白湯 當然都要一試。白湯足料，唔會太稀，creamy 口感。紅湯味道比較豐富，各有特色。焗田螺薯蓉：即叫即焗，熱辣辣上碟，薯蓉口感幼滑。總結：份量十足，價錢親民，港式風味濃郁，勾起兒時回憶。
继续阅读