高街麵霸 (已結業)

今午有點肚餓，突然很想食煎腸粉，一向對此店之食品觀感不錯，於是先打電話落去叫定稍後攞，到夠時間去到，好聲好氣同個疑似老闆既阿叔講話攞外賣，開頭佢好似聾左咁冇反應，於是我大聲小小話攞外賣，佢突然好大聲咁同我講(攞外賣呀！我以為你叫外賣，吾駛咁大聲同我講，依家好忙你等等啦)當時佢D語氣真係衰到冇人有，忙大晒呀，忙就可以對客人大聲喝駡，我响依家店幫襯多次，從來冇遇過咁既服務態度，我以後真不再幫襯，尤其見到呢個大叔，簡直冇晒食慾

今日同閠蜜一齊去西環搵野食，無意中搵到間車仔面，就一於試下先😝一入到去，原來都有唔少明星幫襯，有：Iron man 夫婦、師兄.... 🤩由於張menu太多野食，我地都揀左好耐先揀到野食😆😆懷舊蛋花炒腸粉🍳閠蜜超鐘意食炒腸粉，點可以唔叫呢？😈賣相好靚，我地除左辣醬，咩醬都要😋腸粉唔會炒到好乾、好硬、唔會有燶邊，最重要係啲醬唔會太多👍🏻👍🏻（我去過某一間鋪頭啲醬係蓋曬腸粉🤣）✨雞亦麻辣芽菜豬紅米粉（清湯）好少見車仔面有麻辣芽菜，多數都係食拉麵先會有😎雞亦：係鹵水雞亦，幾入味😊豬紅：無特別，唔會一夾就散🤣麻辣芽菜：芽菜的份量算多，而且夠辣！👍🏻👍🏻✨雞亦麻辣芽菜咖哩魚蛋油面 (清湯) 咖哩魚蛋：入味 & 魚蛋好似陳皮魚蛋 😌

朋友介紹下，加上看了一些食評，從上環走到這店，滿滿期待著蛋花炒腸粉 100分!!! 腸粉滑而香，醬料多而不膩，必吃之選！佈滿芝麻，多士很脆口，可惜蝦膠偏軟身，不夠彈牙。刀削麵口感偏淋，如果追求煙靭口感，建議到正宗XX刀削麵。另外，豬紅真的太～～～鹹了，不拌著麵，真的吃不下。滷水坑腩感覺像罐頭五香肉丁，不太合我胃口。不過！！！重點推介滷水溏心蛋 非常入味，蛋黃又黏又濃郁，已經很久沒嚐到這麼美味的溏心蛋了！雖然地點不在商業區，但幸好離mtr出口不遠，可以一試。

西環多好野食成日都想試，今日終於有機會到西環行行食食，要選擇邊間都有啲困難，實在間間都想食！見當日天氣熱辣辣，又唔想食太多，就來到這裡食撈面腸粉吧！秘制豬手撈粗——放低已經好香，食落就更好味，豬手夠稔夠入味，有點麻辣，好開胃醒神，碗湯通想我都唔飲，但呢個好鮮甜令我飲多幾啖！葱花蛋煎腸粉——這個order時可選擇落咩醬，我們選了混醬，即係花生醬、甜醬、芝麻、豉油。同樣一放低就好香，食落都係好好味！又唔會太油膩，真係好想再去食過！

睇到標題，都知我對呢間野係極度不滿㗎啦，喺網上見到好多小編係咁推，就諗住佢應該都真係唔錯呀，再望埋佢啲相，啲蔥花腸粉好似真係好正咁喎，專登搵一日來試，食完失望到我呢...首先,佢啲腸粉煎得一啲都唔香,勁淋，又冇乜味,超難食。好啦，咁就諗住俾個機會試吓佢啲車仔麵啦喎,好多餸可以揀咁,諗住車仔麵應該唔會差得去邊啊，但係食完之後勁口渴，好明顯又係味精嘢。不過佢哋嘅服務態度係幾好嘅,只不過啲嘢唔好食得來又貴囉。

西營盤好多西餐都唔平, 呢間食港式野, 亦平少少。覺得佢D 車仔麵太普通又唔平, 所以叫左炒腸粉同撈麵。雞蛋炒腸粉: 煎得幾香口, 撈埋D 醬OK GE, 但腸粉唔夠滑, 加埋雞蛋係豐富D GE, 不過無D BLOGGER介紹咁好食。豬手撈麵：　反而呢個有驚喜，　豬手都幾多，有３，４舊，　幾多肉，「老水」好入味但唔會咸。個撈粗麵都唔少架，佢個汁係辣辣地ＧＥ，　我地叫佢唔好太辣，　少少辣幾惹味啊！STAFF幾好有, 有講有笑的

懷舊蛋花炒腸粉$32在西營盤工作要找午餐吃，找到高街麵霸。香滑腸粉加了蛋花之後，份外惹味。而且有點脆皮的感覺。另外蔥花、甜醬、辣醬、花生醬同芝麻都可以自選加入。配撘得剛好，加分下次要試車仔麵，都好吸引啊3餸起，麵底($9)每款餸($9)，有4種湯底、7種麵，32款餸任選！仲有滷水糖心蛋

今日一早5點45分老早就去菲臘牙科排隊睇牙，睇完牙已經11點。肚已經餓到打晒鼓，又眼訓又攰，淨係想快D坐低食野。一路行一路就Search下附近有咩好食，好多鋪頭都未開。甘岩就見到依間新派車仔麵檔，個名又好型「高街麵霸﹞，就決定入去睇下佢有幾霸氣。入到果時仲未正式開檔，就膽粗粗問問老闆可唔可以收留下我地。老闆好好人甘收留左我地，又叫我地睇住想食咩先，仲提早幫我地落埋單。雖然老闆好好人，但老實說話都係要講…我地一行二人就叫左三樣野食：小編又貪心又餓又唔想用腦既情況下，當然來番碗  “八寶麵霸(轉刀削麵) )($68+5) ”究竟依八寶有邊八寶呢？八寶就有(次序按小編喜好而定)：(1)滷水豬頸肉、(2)溏心蛋、(3)滷水雞翼、(4)咖哩魚蛋、(5)酸齋、(6)豬紅、(7)蘿蔔、(8)海膽包心丸講一講最好果兩樣，一陣又講講最差果兩樣啦！第(1)名：滷水豬頸肉係我覺得成碗入面最出色果樣餸，滷左甘耐既豬頸肉仲保留到佢果種脆度，同埋個滷汁甜度咸度都剛剛好。仲比左厚厚兩塊我！第(2)名：溏心蛋都算做到溏心既效果，但甜度同軟度都唔及拉麵果粒甘鬼正啦，但就多左一點香港味。第(7)名：成日食車仔麵都會叫蘿蔔

小編係hku學生、有陣時都會落西環、西營盤呢帶覓食，今日去左幫襯高街麵霸，聽就聽得多、但冇機會去試、見今日禮拜五冇咁忙就12:30去左幫襯啦！一坐低當然係剔紙仔揀麵餸湯底啦。湯底可以選擇腩汁、咖喱、麻辣、另外有好多餸可以選擇、小編剔左生根、酸齋、咖喱魷魚、溏心蛋、魚片頭和麻辣酸菜，湯底就要腩汁，麵就要刀削麵、碗嘢一黎嘩勁豐富呀！我好like個刀削麵（要加錢的）好有咬口，不錯！魚片頭和溏心蛋都係出色既！好可惜個湯底和其他餸就比較失色尤其係個酸齋，同車仔麵之家真係冇得比呀！下次我想試埋佢地既腸粉和花枝丸！

上網搵下西營盤有咩好食，見到有條link講呢間食店，睇落好yum就第二日等佢開門十一點去幫襯。早上南瓜素湯未ok，都聽到清湯都未ready，叫左豬大腸、酸齌、豬手、糖心蛋河粉加底、小辣，小辣要加$2、見到都係俾左辣油我、其實唔知同台上既免費辣油有咩分別。食落每樣送都正wor，唔記得條link定有食評話糖心蛋超班正過日本拉麵店d蛋，我覺得都ok但都唔係超正，同埋香港太多拉麵店d蛋有進步空間姐，（豚王、一幻都唔好；風雲丸、周月既蛋ok)，但如果每樣料多少少再開心d，加左底既關係好大碗，咁樣都$66，係平價車仔麵既double 但味真係唔錯！

五一勞動：步走太平山、龍虎山，直落香港大學再到西環高街。走到腳仔軟，找個吃的兼休息一下，驚見一間叫‘麵霸’的字号，當然要去會一會。1. 金華火腿碗仔翅：香港出名稱為平民魚翅。加入了金華火腿，檔次馬上提升了，另外材料十足，味道調較得吾錯！2. 秘制坑腩撈麵：秘制在於加了蒜粒和辣椒，略带一点麻，但又吾會覆盖了原来牛腩味，味道有其獨特之處。牛腩用了肮腩，但只有两毎件如相中大，其如都是小塊。牛腩炆得夠腍，粗麵條沾上腩汁，好吃；可惜少了一点。是否是霸？就見仁見智！

夜晚晚唔知食咩好，又唔想食咁飽，啲舖頭又就關門，見到呢間咁有霸氣既麵家，無都無諗就走左入去🕴🏻今晚朋友饑民上身比較大食，點左一碗八寶麵霸$68好大碗，呢碗應該就係傳說中個碗霸氣麵🍜朋友話都ok，碗麵份量都合理同埋夠食，最尾仲食唔唒添😂 哈哈而我就唔太肚餓，抱住試下呢間新店，只是點左三餸麵黎食: 豬頸肉 紫菜 雞中翼配粗麵 $38 個湯底比較咸，岩唒香港人既重口味，啲雞中翼都滷得算入味，食車仔麵我一定點雞翼黎食，必食動作而店內就比較新興既裝修設計，坐位間都比較狹窄，同埋食完就要埋單走，都係做附近學生哥同街坊生意。

一看店名，就被吸引。店铺装修的满怀旧的，食物更是惊喜连连。最推荐怀旧蛋花炒肠粉和招牌金华火腿碗仔翅。肠粉加入了葱花、甜酱、辣酱、花生酱、芝麻，想不好吃都难。碗仔翅因为有了金华火腿丝，格外咸鲜。主打的车仔面味道反而被比下去了，不过面中可以加入各种卤味，也是非常丰富营养了。

食咗呢間車仔麵咁多次，終於的起心肝寫一寫向大家推介！喺西營盤呢啲地方食晚飯閒閒地人均都要幾百蚊，但好彩仲有高街麵霸呢個糧尾精選，食完仲可以散步落西環碼頭，簡直一流！講返車仔麵，大家食車仔麵普遍都會著重d餸入唔入味，因為大家都對慣左味精湯。但係呢間既湯不含味精之外，加埋麻辣汁就將成件事帶去另一個層次！以下就係個人食過最好嘅配搭五花腩 車仔麵少見嘅配餸，滷得非常入味，唔會太淋有少少質感，滿分！牛腩最欣賞就係牛腩係大大舊之餘仲好夠味，唔會似坊間果d咁薄到似肥牛之餘又「鞋」口！豬紅呢個係必點嘅，爽彈係基本啦，最特別嘅當中有點點嘅甜味，帶嚟驚喜！舀一啖湯+麵再一啖一件餸，絕對會顛覆你對車仔麵嘅體驗！唯一要挑剔嘅就係係鋪頭面積唔大，坐得唔太舒服，否則加埋店面嘅懷舊裝修會係一個會係一個好好既體驗。

午餐去高街搵食時間！呢間雖然店唔多位，但都坐滿哂人。車仔麵大家都知係食d咩架啦但佢個味道係配得上佢個價錢，唔會覺得唔抵食。好少地方會有響鈴同唐心蛋！我揀感刀削麵底，好特別！鹵水嘅都幾入味，襯哂牛腩湯底，一定會再去試！