影片
电话号码
91026252
营业时间
今日营业
11:00 - 21:00
星期一至二
11:00 - 21:00
星期三
全日休息
星期四至日
11:00 - 21:00
以上资料只供参考，请与餐厅确认详情
🌷05.11.2023🌷 晴空萬里☀️是日入咗長洲遊山玩水 沿途消耗好多體力ovo入夜落到大街漫無目的 選擇跟openrice食評搵地方坐低 最後揀咗依間無咩comments嘅打算試伏🍽️ 行到門口 同行嘅害羞大哥見到入面無枱客 竟然表示無所畏懼 當然立馬拉佢入去😈 和風帶子拿破崙意粉🍝同行嘅害羞大哥表示意粉嘅醬好濃味 而且啲材料都畀得幾足 不過自稱金舌頭嘅佢表示帶子係烚完再煎嗰種 略有挑剔意味 偷咗兩啖口水尾覺得的確幾香口 意粉都做到彈牙掛汁 可能人哋碗入面嗰啲好食啲掛ovo北海道奶油野菌意大利飯配香煎三文魚🍽️本害羞鬼點咗呢款極邪惡嘅飯 入口係好creamy 奶油同意大利飯都融合得幾好 三文魚亦煎得恰如其分 保留到啲肉汁唔會太乾 美中不足係奶油嘅配搭略顯單調 如果可以略調整三文魚嘅調味 可能會更加match🦭不得不提嘅係餐湯係非常之好飲 層次幾豐富🍲 唔是hea嗰種 而加配嘅嘢飲都大大杯 唔係用紙包或者轉杯上 係感受到誠意的 我哋嗰日仲點咗碟榴連炸彈 大哥賞賜咗兩粒畀小弟我 炸得都脆口而流心 非常之有榴連味 不過小弟我討厭榴槤T^T 拒絕幫佢留倩影🦭食到一半都仲係得我哋一枱 臨走再有街坊家庭客幫襯 可能因為算新開未有好多食評(?) 真心覺得依間小店值得更多🌟 祝生意興隆🎏(p.s. 下次可以搵定榴連先🤣🤣🤣)
继续阅读
其實我咁啱就係book咗住樓上嘅B&B上次入嚟長洲已經留意到依間食肆，不過當時行程已經非常緊密，所以未有時間去今次入嚟決定咗一定要嚟依度試吓💪🏻晏晝嚟咗試佢哋嘅午餐揀咗佢哋嘅西京燒三文魚定食😋首先一定要讚吓佢哋嘅服務，真係好細心好好👍🏻一般嘅日本餐廳或者食肆跟餐嘅湯水準都唔會好高但係佢依個麵豉湯就算係要俾錢，另外叫我都會我同佢講，因為我鍾意飲好熱嘅湯仲專登幫我返滾到好熱❤️因為本身我係好重口味，成日啲湯都要另外加鹽不過佢依個湯真係好足料😋入邊有好多海帶，仲有菇同蜆肉好鮮好香好濃不過因為飲晒，所以就冇影到跟住個三文魚超級入味，仲好滑😋😋😋食完呢個真係非常滿足，諗住夜晚再去食試吓其他嘢，但係夜晚佢個場真係全部滿坐😭咁冇辦法啦，諗住死咗條心下次再嚟食過點知我朋友話原來佢哋星期六日係開埋lunch 我仲特登打電話去問清楚佢哋仲好好咁WhatsApp埋餐牌俾我見到好啱食，我就立即落樓下食啦😋我揀咗A餐加咗個火腿通粉，揀咗吉列魚柳佢哋嘅服務真係好好，因為我話凍，所以佢先上咗個通粉俾我叫我食住等食啲熱嘢會好啲仲有俾咗杯暖水，我真係非常之窩心❤️個通粉湯底，竟然係濃厚嘅豬骨味🥰你唔好睇佢細細碗依度，其實我已經食咗一半入邊係超多通粉同埋火腿我肯定起碼兩塊火腿以上跟住個魚柳外脆內軟，熱辣辣真係好好食，係新鮮整俾你㗎，絕對唔係返熱牛角包就普通啦粟米係我鍾意嘅味道薯蓉好滑不過我就唔鍾意依隻炒蛋，我鍾意炒滑蛋，不過可能到到做法唔同因為實在太多火腿，我將啲火腿拎出嚟同蛋一齊食，加埋牛角包又好好食喎😋我好少會寫咁長嘅食評不過依間小店，我覺得真係應該多啲人識依個價錢呢個質素，真係超級滿意❤️
继续阅读
嘩！今日食咗個好正嘅鯖魚便當同麵豉湯喺長洲嘅鬆一Zone！來到呢度真係有少少熟悉，好似幾個月前同啲朋友嚟過呢到嘅。點餐過後，大約等咗十五分鐘，我哋就收到咗啲食物。上餐速度算快。鯖魚便當啊，話說呢到嘅份量真係幾足料。鯖魚嘅味道好新鮮，啲魚肉亦都夠鮮甜，真係令人咁感到滿足。另外仲有啲醬汁配合魚肉，醬汁本身都幾香，令到整個餐點多咗啲層次感。除咗魚之外，仲有啲滑嫩嘅蛋皮，飯都煮得幾恰到好處，每粒飯粒都香而不膩。整體上黎講，個鯖魚便當真係幾好食！再嚟就係北海道芝士奶油燉菜定食啦，呢啲菜啊，就係一個好完美嘅組合啊！有啲青菜，有啲玉米，仲有啲豬肉，全部都燉喺一個滑滑嘅芝士奶油湯底入面。湯底唔會太濃，就岩岩好，啲材料都好新鮮，係一個好健康又好食嘅選擇。另一邊，麵豉湯就係啲湯底幾濃郁。湯內有啲豆腐同埋菜葉正正常常唔錯整體上，呢間餐廳真係值得一試。來到長洲都可以嚟試吓啦。食物嘅品質真係好高，同埋價錢都唔貴。服務員都好有禮貌，令人覺得好舒服。咁啱啱啱啱啱好啦，我已經打算下一次嚟長洲嘅時候再嚟呢到食咗啲唔同嘅野啦！
继续阅读
定食好好味🤤食物份量好足夠，服務貼心👍🏻奶油燉菜就算無肉係入面都可以食曬碗飯🥺啱曬素食者！唔覺唔覺就俾坐隔離d朋友係咁偷食就知有幾歡迎🤣三文魚西京燒都好驚喜！staff話係近期最受歡迎🤤仲有個炸蝦超大隻！！夏天長洲出面咁熱🥺配埋蕎麥冷麵真係不錯🤤跟餐配埋葡萄烏龍茶🥺有誠意過普通齋茶！仲會準備埋零食俾狗狗🤤人食得開心果陣狗狗都好開心🥺餐廳入面掛左好多狗狗朋友樣🥺希望下次去到可以見到肉丸經理落場啦🥺
继续阅读
早幾晚同屋企人一齊嚟食，事前無睇過餐牌，入到去坐無諗過係多國菜餐廳，亦估唔到會有意外嘅驚喜！🥹呢間餐廳坐低之後，店員會俾單你用QR CODE落單！其實樣樣都有啲吸引好想試，就同屋企人揀咗呢三樣嚟試！無諗過會有四件咁大件嘅三文魚，個汁好香濃，推薦大家試吓！👍🏻👍🏻👍🏻呢個整體味道都唔錯，不過帶子有少少煎過咗😂沙律醬可以再多啲，啲雞都幾好，唔會炸到太乾👍🏻本身跟餐都會送嘢飲，亦可以加錢轉啲特飲，不過當時掛住食，真係唔記得影埋😂晚餐嚟講，係唔錯嘅選擇！下次會再嚟試埋個燒肉😋😋😋
继续阅读
您可能会有兴趣的...