魔怪食堂 (已結業)

因為晚市禁堂食，周圍好多餐廳都冇開，行過見到餐牌上有吉列豬扒定食（寫明唔包湯），我覺得冇湯唔係問題，所以就幫襯咗佢。點知返到屋企一打開，就真係得塊豬扒同飯。乾到爆炸，連半條伴菜都冇。即刻打落去問係咪漏咗嘢，點知佢好確定咁話係得咁多嘢，冇少到…..即刻火都嚟。唔洗指意有下次！

餐廳位於何文田，鄰近旺角地鐵站，路程只需要五分鐘左右，還算方便。餐廳主打的就是日本料理，而我這次挑選的也就是角切魚生丼飯，應該是一個十分穩陣的選擇，但我卻遇到最大的問題就是魚生不新鮮，說好的角切，有點像絞一般，不太分明，令我有點失望。但真的要說餐廳選用的碗碟，絕對經過精心挑選，角切魚生丼飯的碗厚度十足，相信十分耐用，絕對是餐廳必須挑選的，但全因為碗的厚度，令內裏的飯份量有點不足夠，吃完了，還有點兒肚餓。努力向下一餐進發。

是日路過勝利道. 因為唔多熟附近有咩好食, 見到呢間鋪門口有幾個人係度. 就走黎望下.原來係間日式食店. 由於快到午飯時間. 怕會多人, 所以就決定試試.入到去首先有人係遠處叫你do安心出行. 然後係唔知要坐邊時, 就有侍應走黎安排坐四人位. 還以為午飯時間兩個人會安排二人座. 真係好... 坐得舒服d.由於未食過. 唔知呢度有咩係必試. 叫左個叉燒烏冬同埋豬軟骨拉麵.豬軟骨拉麵, 同行友人嫌拉麵硬左少少. 但我無食過. 唔知有幾硬. 但係豬軟骨份量好多. 友人比左兩舊我, 都重有好多. 味道不錯, 而且軟硬適中. 比我想像中好. 初時還怕會不會很硬.  至於湯底就比較普通. 同叉燒烏冬係一樣的湯底.叉燒烏冬. 叉燒好夠味. 而且都有至少三塊. 但烏冬就覺得林左少少. 佢的烏冬係真正日式個隻. 唔係平時食開好粗個隻. 呢度有少少喜出望外, 初時以為都會用上普通的烏冬. 飲品係不包的. 另外叫要$8  但熱檸水無苦味無澀味, 讚~但日式店居然無綠茶有少少意外. 若果能配上綠茶就更好. 最後要讚是店員服務很好. 中途不小心跌了一隻筷子落地, 店員好快就奉上一對筷子過來. 而且最後有問能不能

以前間中去何文田上堂都會經過，呢度中午時間就會有一大班學生食飯。✨✨之前都係叫定食，味道不過不失，不過價錢唔貴，都算幾抵食。✨✨今次同朋友喺附近唔知食咩好，就諗住是但食🤣✨✨今次叫咗刺身飯，加加埋埋一碗都過百蚊，因為有啲款式唔可以單點，要點幾片，其實真係唔係好抵，魚生唔算肥美，食落口真係好一般。✨✨果到都係做學生飯堂，所以都係應該食番學生價錢既野先唔會伏😆😆😆✨✨所以大家睇相自行判斷啦😎😎

剪頭髮前要食飽飽先，勝利道附近好多日本🇯🇵食堂，我地見到呢間魔怪食堂，價錢都平試一試佢啦。一入到去店員都幾無禮貌地叫我地安心出行🙄後先好入內，唔緊要立刻填返紙仔，我地食嘢啫，唔係黎閙交既😤。同埋坐低後就連水🫖都無杯😣。咁menu都好多選擇，我就㨂左個江戶前薄燒き牛肉定食😑其實我好唔明個菜名顯示中日文咁表達好咩🤔，最重要係錯～照り焼き 唔係薄燒❌係照燒⭕️囉。而同行友人就穩穩陣陣叫左個吉列豬扒定食，呢個譯得就啱喇個牛肉定食叫做合格啦，好過吉x家咁囉、定食個麵豉湯好咸、個飯係珍珠米既。友人個豬扒就正常好多，無咩特別好講，因為真係無特別🤦🏼‍♀️五個字：我唔會再試

疫情期間落咗去買飯 叫咗個日式炸雞咖喱飯一打開就見到隻曱甴 大佬嚇到我跳起 唔係講笑上次去堂食就跌咗隻蜜蜂落嚟今次叫外賣就送隻曱甴俾我可想言之餐廳嘅環境有幾惡劣下面附上圖

黑心食市, 負責沖野飲的服務員人品9流, 放"曱甴" 在飲品中.....剛剛吃過這一間, 飲品中飲到一隻長又幼的 "曱由" 出來.... 1. 杯檸茶...."難飲程度" 超越了我的底線, 又苦又澀, 極度難渴2. 要求換了一杯凍咖啡, 飲到1/3杯, 感到口中有些東西... 我從口中拉了出來,.原來是一隻曱甴... 3. 因為要求更換飲品, 而在飲品中"加料", 這些行為, 極度黑心4. 衞生和飲品味道, 9流水平5. 這餐廳服務態度也很差

店員態度非常差，除此之外食物份量非常驚人！係驚人得小！！本身打算食日本嘢對自己好啲，叫咗個自選丼飯，其中的半版海膽收費$65一份，成個飯總收費係$180的！然後出到黎只有薄薄2片，本來以為店員有可能落錯單便禮貌地查詢，點知店員回應只係: 係阿係得咁多，亦都冇打算向廚房查詢。咁樣嘅情況真係十分之差，一定唔會再幫襯！食得日本野都係比翻相應價錢， 就算係高級日本料理店我都未見過半板海膽係得兩片，既然店舖堅持半板海膽只有兩片的話我無話可說， 公道自在人心

今日到何文田附近， 見到呢間餐廳 有拉麵食， 外表靚靚地就入去。吉列豬扒拉麵， 湯底比較普通， 應該唔係用豬骨淆製而成，好的是都有足夠有芽菜， 粟米海帶同䓤。 吉列豬扒 味道普通， 不會有太深刻的感覺 ， 有點像媽媽做的吉列豬扒 ，點上沙律醬 還可以。朋友叫了叉燒拉麵， 同樣一個湯底 ，味道普通，不會有想飲曬的感覺。 叉燒淋身，口感ok ，味道還可以。總括來說 這間餐廳的拉麵普普通通， 但是亦不會令人想起。 我覺得如果畀貴啲去食豬骨湯底淆的拉麵會更好。中午有加一 ，但是服務態度就麻麻 ， 食完都想快啲走。

點了一個黑豚軟骨定食，這裏的豬軟骨煮得不算很好味，但勝在份量很多，吃到不想再吃。其實只要加很多味淋，沒有什麼日本家庭菜會難吃。相比起照燒雞扒定食的份量比較普通，因為味道大同小異，相對就沒有那麼抵食。跟餐的味噌湯很鹹很鹹，我沒有飲完，留肚去對面買坏奶茶。

老友新屋入伙，擇左吉日今日去幫手拜四角。搞左成朝早，終於可以去食lunch。勝利道出名難搵位泊車，今日竟然好好彩，一去到就有架車走，超級順利咁泊到位。4大2小，一行6人去搵吃，原來而家勝利道有好幾間日式餐廳，老友話之前試左間幾好既，就去返果間啦！可能啱啱過左食飯時間，一入去就有位。2個小朋友食量細，就叫左一個烏冬比佢地share食，其餘大人就叫左2 sets 壽司🍣定食（有埋烏冬），1份三文魚炒飯，1份咖哩漢堡扒飯。好快上菜，2個細路都肚餓，好快就食哂。我份壽司set就要等下，味道就中規中矩啦（等到太餓連相都唔記得影。之前睇食評，話服務態度差，唔....老實講，又唔係話太差，不過可以好少少，說話d語氣唔使咁掘既，食客聽落會舒服d咁囉！

今晚5點50分到魔怪食堂，要等到撘正6點先可以落單。幫細路揀左滑蛋豬扒飯、我自己要冷蕎麥麵、老婆叫豬扒烏冬，待應話6點半至有「烏冬」，如果等唔切可以換飯類。我地趕時間於是唔要烏冬改其他。好快就黎咗兩碟，但我的蕎麥麵未有。過左15分鐘都未有，催下啦。點知個女待應話同你講咗要等喎。我問唔係「烏冬」至要等咩？佢話佢同事同我講咗「拉麵和烏冬」都要等。即時知道有誤會，我同佢理論。佢話「我聽得同事講得好清楚拉麵同烏冬要等，唔好同我拗！」嘩！咁嘅語氣同客人講？！我知係誤會，但將責任推晒係客人身上？我以後一定唔會再幫襯囉！😠😠😠Ps做日本餐廳都分唔清拉麵、烏冬、蕎麥麵，算吧啦！😂😂

經過勝利道 簡左間比較輕盈既餐廳 睇睇門口餐牌 種類選擇較多 主要以日式為主 價錢相宜 一般為$50-80左右 不設加一服務費 好適合打工仔、學生 由於lunch hour都全場坐滿 要稍等一陣 一坐低 服務員好快會泥幫您點餐 上餐時間都算快點左 角切魚生飯 配漬蘿蔔 味噌湯（為一個set) +8蚊可以配凍/熱飲 多謝$63魚生尚算新鮮 漬物就較少 味噌湯湯料比較少 如果加上昆布會更加好2點後 大部分學生離開後 會坐得更舒服 比較安靜 慢慢嘆埋杯野飲 就再返工打拼啦

又係weekend先黎落雨，唯有喺屋企附近覓食。勝利道的日式餐廳越開越多，但多數都行平價茶餐廳路線。落住雨費事行，便隨便坐入街頭第一間餐廳”魔怪食堂”，印象中這鋪位剛開張時是西餐廳，坐低先發現呢度亦變成主打魚生丼物。週日午市，幾乎滿座，人客多數是親子組合，且檯與檯之間距離親密，略顯吵雜。食物價格定位與對面同類餐廳如出一轍，魚生丼套餐約$50幾至百幾蚊不等，飲品仲要另外加$8起。滑蛋吉列豬扒飯（$58），份量唔少，滑蛋內好多洋蔥，不過豬扒偏乾，好明顯係雪藏豬扒，不過呢個價錢實在不可以要求太多了。海鮮丼$88就有點唔值了。飯同魚生的份量都非常之少，每種魚生薄切兼得一片，所謂的“toro蓉”質地甚至“膠膠哋”，雖然明知這價錢唔可以有d咩要求，但呢個價錢絕對可以在同一條街搵到d更加好味抵食的嘢。

連續食兩餐滑蛋豬扒飯, 寫兩編滑蛋豬扒飯嘅食評, 高下立見。正所謂看圖識字, 淨係睇圖片就知道乜嘢叫做「似樣」, 咩嘢叫做「唔掂」。如果冇記錯, 呢個舖位以前係starbucks, 位置非常之好, 旺中帶靜, 好近窩打老道。我哋搵飯食嘅, 行下行下, 望到見似樣, 門口嘅餐牌好吸引, 就入咗去喇。我叫咗個<滑蛋吉列豬扒飯定食> , 吉列豬扒內軟外脆, 美味無比; 飯粒軟硬啱啱好; 重點係滑蛋嘅控制時間, 剛好係凝固與流體之間, 令到成碗飯都能夠到蛋嘅包圍。另外我太太叫咗個<三文蟹子丼定食>, 三文魚厚切, 肉厚新鮮; 蟹子亦係比較大粒嘅(見圖), 所以全部揸流灘, 並非一般平價貨色。兩個定食都分別為58蚊, 實在係性價比非常之高。好值得推介!