魔法雞排 (已結業)

前排睇到某某雜誌介紹紅磡新開左呢間炸雞排，筆者以前曾經係紅磡返工，知道呢頭有好多又平又抵食嘅人隠世小店，雖然好多年都冇再係呢一邊返工，但係都好懷念以前放工之後係呢一頭掃街嘅日子，事隔多年無來過，今日路過決心就嚟呢間鋪頭試一試。曾經有一間叫做「我愛台妹炸雞排」嘅鋪頭喺紅磡風雲一時，老闆娘係正宗台妹，靚女學歷高，佢嘅炸雞排仲好好味價錢又抵，有一排我差唔多個個禮拜都去食，可惜佢嘅鋪頭已經執咗笠囉。佢炸雞排嘅味道都一直忘不了。呢一間新開嘅炸雞排店老闆同樣來自台灣，但係老板唔係女人而係男人哈哈。佢哋嘅炸雞扒選擇多，我今次揀咗五香+多力滋+甘梅。即叫即炸，等左十分鐘左右，可以拎啦！哇！好好味呀，不止比豪大大好味之外，仲比曾經係我的最愛「台妹雞排」更加正！雖然＄30 一塊貴左小小但係食落口完全不會油！而且老闆在無客嘅時候主動清洗收銀枱面，廚房設備等等，令我對佢哋鋪頭嘅衛生情況更加加添信心，絕對有heart !依家出邊嘅鋪頭大部份都係連鎖店，小舖頭生存空間低，希望佢哋呢間小舖頭生意長做長有，生意興隆！

紅磡有間小食店成日都大排長龍原來係黎自台灣嘅雞排 試下有幾巴閉先多力滋雞排 $30好食指數: 8/10抵食指數: 7/10雞排由醃味 脆皮種類 以至調味都有得揀味道揀左香辣 脆皮揀左多力滋皮調味分揀左胡椒等左五分鐘 終於有得食一拎上手熱到 真係即叫即炸咬落脆到無野講 最正個下就係真係有汁原來多力滋嘅特點就係皮脆多汁另外雞扒無特壓平 食落就知足砰魔力脆炸杏鮑菇 $25好食指數: 7/10抵食指數: 7/10杏鮑菇即係香港叫嘅雞脾菇係香港好少小食檔會整 好少食到炸起係個袋已經飄黎陣陣香蒜味外皮夠脆 入面菇夠水份 唔會乾爭爭份量算多 唔錯檸檬沙冰 $15好食指數: 6/10抵食指數: 6/10夏日消暑緊係飲沙冰而且仲要食左咁多熱氣野冰打得幾碎 檸檬味足 似飲緊lemonade 不過水比例多得際 減少一啲更好

紅磡新開左間台式雞扒外賣店, 而且雞扒既款式同調味都可以自己選擇~店長推介左兩款最人氣既雞扒款式比我地~ (原來店長係台灣人黎ga~~~)【胖果雞排】HK$30呢款既雞扒外皮係類似我地平時食開用麵包糠黎做炸漿既質感, 但呢隻既炸粉比較幼細, 所以相比起炸皮比較薄, 即叫即炸, 熱辣辣, 咬開入面依然仲有少訐肉汁, 雞肉好嫩滑, 雞骨位置比較細, 所以整體黎講都大大塊, 好飽肚!【多力滋雞排】HK$30呢款雞扒既味道係店長新研發, 雞扒既味道有少少辣, 炸皮比較乾身, 唔會油林林, 都係即叫即炸, 好脆口….見到新口味飲品試賣, 有唔少生果既沙冰, 大熱天時當然要買杯解下暑啦!【奇異果沙冰 & 菠蘿沙冰】HK$15/杯 兩杯味道既共通之處係唔太甜, 飲得出唔似出面溝大量糖水去沖一杯飲品~ 而且沙冰中既冰打得唔太碎, 所以唔會好快就成杯溶哂~

又一台灣過江龍，雞排有4種選擇，我有選擇困難症所以我揀左好耐哈哈！揀好雞排揀：五香/香辣再揀調味料：海苔/咖哩/孜然/甘梅/胡椒/辣椒《台灣超級大雞排 $30》面層既雞排粉好薄，一咬已經食到啖啖雞肉，唔會食到成口粉，如果想要最脆既外層就要揀另一款（拍手雞排）！《多力滋雞排 $30》隔左半個鐘先食依然香口，我比較鐘意呢款，加左辣粉同孜然粉後非常惹味，香噴噴又有肉汁，食曬成件都唔覺熱氣！飲品我點左珍珠奶茶+奇異果沙冰珍珠奶茶奶味較重，入口順滑而唔會太甜，因為我鐘意奶味既關係所以味道啱我心意。奇異果沙冰既碎冰較大，需要少少時間等佢稍微融化先飲會比較好，奇異果味道清新既唔會好藥水味。----------------------魔法雞排 (紅磡)紅磡德民街1-15號地下A4A舖