影片
电话号码
55964163
营业时间
今日营业
12:30 - 15:30
17:15 - 21:30
星期一
12:30 - 15:30
17:15 - 21:30
星期二
全日休息
星期三至日
12:30 - 15:30
17:15 - 21:30
*晚市截單時間 21:30
以上资料只供参考，请与餐厅确认详情
第二次食呢一間嘅外賣🥡😝呢間舖頭最好嘅就係可以喺WhatsApp落單先咁就可以去到直接拎 唔使特登企喺度等啦🤪天水圍其實都有唔少壽司鋪 但主要嚟講都係一啲連鎖餐廳有時食得多連鎖餐廳都會想食吓小店呢間小店個人覺得都幾唔錯😌👍🏻今次簡單叫咗個 ✨油甘丼✨做晚餐😚上面有油甘魚 三文魚 赤海蝦 吞拿魚碎 同一啲青瓜絲 材料新鮮 份量正常 價錢唔會好貴性價比幾好~重點係佢哋嘅服務態度非常之好係會再次encore嘅餐廳
继续阅读
自己平時好鐘意食馬刀甲，但一般連鎖店都冇得賣一係就好貴，所以時不時都係#魚彩 到訂壽司。小店一直都由一對情侶經營，即叫即整，仲好愛香港，所以一直都有唔少街坊支持，最緊要係平靚正。所有魚生同壽司都冇咩伏，樣樣都大大舊又新鮮。如果要介紹，一定要食馬刀甲。除左因為外面少有之外，價錢好平仲要好爽口，每次一定會叫。而另一款會叫嘅一定係海鰻，冇骨又多肉。最平嘅壽司先5蚊。排唔到隊嘅或者想係屋企食下壽司，一定要食呢間。地址：魚彩壽司及刺身專門店 (天水圍)天水圍天湖路1號新北江商場1樓B2-B3號舖營業時間：12:30-下就3點30/下就5點3-夜晚9點30（星期二休息）（要提早訂）電話：55964163（whatsapp)人均：200
继续阅读
今次試咗間食評熱爆嘅丼飯店，感覺就好似發現咗個隱世美食寶藏咁！調味炒蛋嘅香滑、醬燒三文魚嘅入味，仲有劍魚腩的嫩滑，喺我嘴裡展開咗一場味覺嘅狂想。🍣🍚👌玉子燒好有層次，彈牙致命，差啲以為自己坐咗時光機返咗去東京。火炙三文魚嘅外層微微焦脆，撲鼻嘅香氣一出場，令人心情大好。蟹棒肉好飽滿，配上丼飯，每一啖嘅比例都啱啱好，口感非常豐富。😍重頭戲莫過於大赤海蝦同三文魚子！蝦仁鮮嫩又有彈性，一啖咬落去，海鮮嘅鮮味就喺口腔內炸開嚟；而三文魚子噴汁得嚟又入味，好有嚼勁，講真，一轉眼間盤底都見哂光光。作為一個美食愛好者，我真心推介呢間店，可能唔會識得講咁多專業食評詞彙，但係我可以同你講，呢個食驗，真係正到爆燈！記得，要食好嘢，記得Whatsapp預約，千其唔好錯過呢！👍
继续阅读
魚彩壽司店位於新北江商場，由一對年輕夫婦經營。佢哋嘅壽司性價比極高，絕對好食過連鎖式壽司店😋我已經多次堂食同埋叫外賣，如果想食嘅話就記得提早預訂！極力推薦佢哋嘅鵝肝壽司同埋生蠔！鵝肝醬同埋黃油為壽司提升咗唔少味道，個餘韻會停留喺口腔好耐，好好食！而生蠔亦都好新鮮，好鮮甜，有海水味得嚟唔會太鹹。如果想食嘅話就要早三日預訂，有時好彩嘅話，即日問都可能會有。三文魚腩刺身亦都十分推介！又肥美又好食～可以試吓就咁叫一個三文魚籽壽司，配埋落三文魚腩刺身到食！超正！佢嘅火炙左口魚壽司係入口即溶，好滿足！醬油三文魚壽司亦到好出色！
继续阅读
每次諗唔到食咩就唔會諗起係魚彩，疫情前佢係有堂食，坐係bar枱到等住食，宜家就變左全外賣形式。因為佢真係性價比好高，所以我最近都要預約先食到，透過WhatsApp就可以同老闆娘落單💕鋪頭由2小口子運作，而且全部都係新鮮製造👍🏻🔸蟹籽沙律（$22）滿滿一大盒，而且青瓜爽脆🔸壽司拼盤C（$195）包括帆立貝、芝麻八爪魚、螺肉、黃金魷魚、櫻花魷魚、鰻魚、三文魚同蟹籽，件件都好新鮮好味，三文魚更加肥美🍣肥豬好味指數：🐽🐽🐽🐽🐽
继续阅读
您可能会有兴趣的...