影片
电话号码
25165558
营业时间
今日营业
07:00 - 22:00
星期一至日
07:00 - 22:00
公众假期
07:00 - 22:00
公众假期前夕
07:00 - 22:00
*最後落單時間: 21:30
以上资料只供参考，请与餐厅确认详情
係長發打完波想近近地係商場食晚餐,門外見到有一人酸菜魚決定試一試餐廳QR code 手機落單,堂食免收加一服務費一人酸菜魚: 主菜+主食各一款+配菜兩款餐牌既選擇配搭眾多, 主菜6款, 湯底 8款, 素食配菜 12款, 主食除左有既飯同米線, 仲有手打薯粉$73檸檬酸菜湯鱸魚片怕辣可以選最少辣既檸檬酸菜湯底, 有兩片新鮮檸檬,鱸魚片,萵筍,豆腐同芽菜既份量都唔少手打薯粉係另外送上, 比較淋同易斷由於份量太多, 要外賣加左$2, 外賣盒好實淨, 亦可以放微浸爐翻叮跟餐不包野飲, 凍飲+$7就算唔食酸菜魚, 亦有炒飯,麵食,煲仔飯甚至打邊爐~下次再食其他野!
继续阅读
今日來到青衣吃午餐，見長發商場3樓的「魚眾不同」裝修簇新，整潔亮麗，座位寬敞闊落，便入內嚐嚐。餐牌上很多套餐選擇，更有多款不同的配菜配搭。一人套餐：「蕃茄濃湯鯛魚片」配萵筍、黑木耳、潮州牛丸、手打薯粉。鯛魚片肉質爽口，蕃茄濃酸甜而不辣，配上新鮮蕃茄、爽口的萵筍及黑木耳、特別鮮味的潮州牛丸，美味又健康。濃湯配手打薯粉，爽滑彈牙又滋味。「胡椒豬肚雞煲」配絲苗白飯，豬肚雞件份量不少，豬肚腍軟可口，湯底微辣惹味，塗飯最合宜。小食：「口水雞」，雞肉鮮嫩無比，雞味濃郁，香滑口感。辣油分開上，自己控制辣度。「麻辣牛𦟌」，香辣爽口，啖啖滋味。「鹵水雞中翼」，鮮嫩肥美，鹵水汁入味。飲品：「熱咖啡」，香濃咖啡，奶味特濃。「紅豆冰」，吃過川菜，飲一杯冰涼飲品最宜神。這裏的川菜美味之餘又不太辣，最合我胃口。
继续阅读
第一次幫襯長發商場嘅魚眾不同酸菜魚🐟店鋪入面都幾新淨光鮮，座位空間充足唔逼狹平日晚市唔洗等位可以直接入座今次試左一人份系列，有唔同主菜、湯底、配菜配搭，主食可以選擇米線、白飯或薯粉。價錢只係$70-80，相當抵食👍🏻老壇酸菜湯鱸魚片$73配料揀左豆腐皮、娃娃菜，另外加墨魚丸$15凍鴛鴦$7鱸魚片口感軟滑，入口即溶，魚肉鮮味唔腥。去骨處理得好，完全冇去漏魚骨。老壇酸菜湯底微酸偏辣，豆腐皮同娃娃菜吸收到湯底精華，越食越開胃🤤米線分開上，個人傾向撈埋落湯食，可以吸收多D湯汁嘅酸辣味加左個個凍飲 幾啱解下辣🌶️麻辣濃湯鯛魚片 $73配料揀左豆卜、金針菇，另外加牛丸$15凍奶茶$7鯛魚片十分爽口，食落好有口感，肉質彈牙，魚片仲會連埋少少魚皮。麻辣濃湯稠杰濃厚，表面鋪左少量辣椒、香蒜，食落香口酥麻米飯口感尚可，相比之下唔適合伴湯食。整體黎講，一人餐份量已經足以食到好飽🤤魚肉片嫩滑冇骨，值得一試👍環境闊落，位置坐得好舒服。冇用餐時間嘅限制，可以慢慢食。除左酸菜魚之外，仲有其他選擇例如水煮牛肉、打邊爐、小炒，下次會過再黎試其他菜式😋
继续阅读
作為青衣街坊,深知區內高質食肆數量確實較少;但有同學告知,近期在長發商場新開了一間主打酸菜魚的餐廳--魚眾不同,食物質素頗高,值得一試;剛巧這日早收工搭巴士時順道途經長發巴士站,便在此下車後登門入室來到餐廳了;門面裝潢看著順眼;此刻場內大概坐滿八成座位,所以不用等位可直接進入;高樓底與較寬敞的座位間隔,燈光通明,内堂以藍色與原木色調為主,置身於内相當舒服;隨後侍應生遞來點餐二維碼,用手機一掃描就可進入網站來點選食物;食物款式選擇豐富,尤其主打酸菜魚頗具看頭!一番細選之下,最後點了一人套餐--麻辣牛肉配金針菇加萵筍以及絲苗白飯,飲品方面選了可清新味蕾的--青蘋果梳打特飲;步入初夏的香江已呈濕熱氣候,先來一口青蘋果梳打直教人身心舒暢!之後侍應生遞上一大碗被橙紅色湯汁包圍的麻辣牛肉,一股充滿牛脂的麻香氣息頓時飄散於半空中!先試其湯汁,濃郁潤滑,麻辣香料的複雜香味加上牛脂氣息,搭上絲苗白飯簡直是絕配!薄切的美國肥牛食材甚有質素,肉嫩油豐,入口爽滑,吸收了湯汁精華更提升了層次感!來一口絲苗白飯,牛脂的綿長餘韻令飯味更香更甜美!爽滑口感的還有金針菇,與萵筍一同吸盡湯汁精華,而且麻香辣感更重,令人吃得特別過癮!如此高質又飽肚的一人餐,可充分獨享美味時光,更可期下次約同朋友來嚐味其酸菜魚!
继续阅读
近近地今晚同爸爸去食返個火鍋晚餐，魚眾不同家下有埋一人火鍋食，相當吸引。呢度食酸菜魚最惹味，大大鍋一齊食好吸引，或者可以一人點一碗酸菜魚麵線又得，種類多元化。今次我地就試一人一火鍋。火鍋都有幾款唔同餸，有鮮魚鍋、鮮雞鍋、黑毛豬鍋、肥牛鍋、海鮮鍋，仲可以配唔同既湯底，有辣有唔辣，任均選擇。今次爸爸就點了一份鮮魚鍋配南瓜湯底，而我就點了黑毛豬鍋配蕃茄湯底。先介紹一下鮮魚鍋，估唔到咁足料，魚片都有六大片，每片都厚切同大大片架，相當唔錯。除左有魚片外，仲有好多其他餸，如腸仔、墨魚丸、牛丸、金菇、豆卜、豆腐皮、生菜等等，相當豐盛呀。南瓜湯底又香又甜，配埋個魚片，簡直係清甜可口，魚片又易熟，啖啖肉好好味。我點的黑毛豬鍋都相當夠份量，有好多片黑毛豬，薄薄的，但豬味濃，滾幾滾就食得了，正呀。蕃茄湯就酸酸甜甜，開胃一點，唔錯唔錯。一人一鍋火鍋食得乾淨又衛生，口味又可以揀返岩自己既，好好呀。而且唔夠餸仲可以加配，我哋仲加配左一份墨魚丸，墨魚丸又彈牙又好味，好正，食火鍋最愛吃丸了。套餐仲配了米線及薯粉，加埋落鍋內煮下，超入味，好好味呀，如果唔夠份量，米線、薯粉或飯都可以另外加配的，相當唔錯。餐廳野食抵食又足料，所以常常都坐滿食客，魚片又新鮮又好味，又多唔同湯底，正，下次黎又可以試下其他口味了。
继续阅读