魚米 (瀝源廣場)

营业中

休息中

今日想食得清淡所以決定食魚腐米線叫外賣好快就有得拎啦魚腐魚湯米線$43外賣加一蚊有四個大魚腐，同滿滿的米線份量足夠將所有米線放晒喺個魚湯度啱啱好，唔會滿瀉而且包含腐皮就咁聞有清香嘅魚湯味冇腥味 十分有營養 應該冇咩味精食咗都唔覺口渴 而且魚湯味濃郁應該落咗少少胡椒 魚腐咬落去好軟熟皮唔會韌同厚 咬開多豆腐料魚肉口感適中 如果胃口唔好想食得清淡，容易消化魚腐係一個選擇 而且佢依個設計可以裝住啲湯係一個特色的魚腐米線硬度適中 喜歡食魚的人推介依間

本身諗住去泰華食面，無位。去左魚米食，因為有位。落單搵樓面，等左勁耐無人理。落完單，打開個櫃扲碗。頂，污漕到不得了。好啦，叫左野食無計，幫你抺乾淨。嚟左碗牛腩羅白撈烏冬，個碗邊係無洗過，牛腩柴既，羅白無味，牛腩汁又係無味，問佢扲辣椒油，十問九唔應。第二碗魚旦湯烏冬，我夾出嚟落個細碗，我個女話個碗好臭😂跟住我食粒魚旦，莓撚左既，即走人，無食過D野。無心做就咪害人哂時間啦，咁難食咁無服務，你黑面就帶番個口罩啦，垃圾。

食物好好食😋平時都有食開呢間餐廳少味精，又有住家嘅感覺餐廳位置大，同埋夠闊落廚房出菜就好快啦但係樓面真係安排得好差但係餐廳服務員非常之差，甚至經理都係好差可能因為人手唔夠同事仲要應付網上外賣平台啲單我留意咗好耐㗎喇，呢間餐廳幾乎keep住係呢個狀態舉手舉咗15分鐘都未有任何人回應甚至叫我等等都冇見到其實有好多人入去等唔到任何服務就走咗其實啲職員都做到好暴躁聽到佢哋係掟緊餐具可能因為佢哋公司安排人手真係好唔夠見到啲員工都做到，冇心機其實真係建議做返個自己手機落單仲好雖則話冇收+1服務費，估唔到真係咁冇服務打完篇文在網上睇吓其他OpenRice會員講原來真係keep住態度服務非常之差😂😂😂全靠啲嘢食好食先至仲有客人過嚟

有事做去了瀝源，順便吃個快午餐，就去了魚米，環境不錯，坐位舒適，但長期沒有人理，叫餐也是不斷三催四請才有人落單，不然職員會當見不到你，不要期待有服務叫了酸辣豬扒燕菜餃米線，等了20分鐘才送到，趕時間就慘了，不過味道不錯，份量足夠，套餐只是50多元，抵食！如果不介意服務差都可以光顧！

公司附近無嘢好食，見啲米線好似幾好食咪試一試外賣，點知人多都算，啲職員仲要扮睇唔到我，叫完野食仲要等20分鐘，仲有個類似黑衫經理既人，明明眼見唔忙，係度扮晒忙咁，野食係可接受但好心你地請夠人手喇，人手又少又要睇兩間鋪

今日係放lunch個陣，我同朋友本來想食大快活，點知好多人，所以就去所呢間無乜人既店去食。去到坐底，環境衛生都ok。我哋落咗單，食$18 1碗既水餃，叫咗4碗。我係11:35 落單，一直等⋯⋯直到12:00 ，等咗5個字。lunch time 就快完，我哋想cancel 張單，於是去問員工。竟然仲未開始整，所以我哋就走左。成日都好餓，終於返到屋企可以食嘢啦。

我承認光顧此餐廳時 沒有睇過 東張西望踢爆 魚米係 後巷 用冷氣機水洗d魚 的報道。如有 絕對唔會幫襯。瀝源店職員本身已經態度惡劣，我嗌兩個餐總共收左我6蚊外賣盒錢，同日另一位客嗌兩個餐就收2蚊。最重要係俾完錢，我先自己發現有呢項收費，落單時完全冇話我聽。 問佢餐牌上面有冇列明 佢就話冇 總之就會有咁樣嘅收費 。事後投訴後先 解釋 話係個職員新，話退番1蚊俾我。最底死係個所謂經理游說叫我望下咁多外賣盒都係收我5蚊雞，係好低。

沙田區好多好嘢食, 今次介紹呢間集團式經營嘅魚米, 🥢下午茶價錢由二十零蚊到四十幾蚊不等, 我叫左麻辣豬潤牛肉炸醬米線包餐飲$39麻辣湯底ok香濃夠辣味但唔夠麻味😬豬潤4件, 好新鮮好味😋牛肉4件, 是滑牛, 爽口但冇牛肉味😅米線軟滑度適中配有芽菜, 韭菜及腐皮👍炸醬好少😅, 味道正常最驚喜就係茶餐廳都用上送餐機械人, 確實大開眼界, 喺疫情下減少食物 污染都係一件好事😜整體嚟計39蚊連餐飲都算喺OK

昨日又過咗瀝源食嘢，呢間魚米裝修正常，環境夠大，無咩特別，新開唔係好耐幾新淨。最特別個場咁多位，少客人又唔係，淨係見到一個後生女職員，落餐係佢，換餐牌又係佢，帶位都係佢所以要等下都正常...後尾見到有一部送餐機械人幫手，無人得嚟又幾高科技嘢食算幾好丫，下午茶餐物價正常。魚湯夠鮮味，魚腐就無咩特別，都唔係叫差嘅。跟餐嘅多春魚幾好，唔油幾香口。另外魚蛋魚腐米，加錢轉咗麻辣湯底，中辣都幾夠辣。整體都過得去，都會再幫襯下嘅。

入到去差唔多半自助咁，樓面長期好似唔夠人，自己入去搵位拎水坐低😂每次必叫就係佢嘅酸辣炸醬娃娃菜🤤魚米手嘅湯底感覺上好似冇味精🤭🤭🤭每次食完都唔會覺得太口渴👍🏻👍🏻叫埋炸醬配酸辣👍🏻令佢個湯底更加濃郁有辣味❤️加埋娃娃菜索曬啲湯汁， 出街有湯菜食，感覺上更健康。另外就係啲米線，係偏林嘅質地，唔係嗰啲彈牙既口感咁，但都可以接受。只可以講冇服務可言，嘢食質素就切合我口味，平民價錢平民享受。

今次係我第一次食 亦都係最後一次食Lunch time 嚟食13:04 落單 等咗半個鐘都覺得唔對路 隔離枱等等下都走咗 咁我就開始催半個鐘之後嚟錯咗杯奶茶紅豆冰 同咗佢講嚟錯 應該係凍奶茶 之後都嚟錯凍檸茶 唔緊要最後我照飲到13:52個飯終於到 原本我以為鹵肉飯都幾難整得難食 今次嚟魚米真係刷新咗我對鹵肉飯嘅認知 呢個係我生平食過最難食嘅鹵肉飯首先一聞個鹵肉飯 係一啲鹵肉味都冇係一浸燶咗嘅‘囉’味 啲味係傳到隔離位都聞到最後我淨係食咗舊雞扒就走咗另外店員服務態度亦都好有問題希望呢間餐廳可以多加改進 否則永不錄用