魚蛋哥

营业中

休息中

而家百物騰貴，食餐飯閒閒地都係$40-$50。無意中發現呢間魚蛋哥既粢飯只係$21，即叫即包，仲可以揀咸或者甜。今次就叫個咸粢飯，飯量黎講，如果唔算大食應該夠飽，不過入面D餡料（如油炸鬼、榨菜、肉鬆）就少咗少少。

每次入魚蛋哥食野,都會叫雲吞河🍜🥢,啲雲吞大大粒,好味,而啲湯好鮮甜💯🤤,係用大地魚粉熬過嘅,所以每次都飲晒啲湯禁制確係好味,食過好多次,仲可以儲埋分,下次換野食

30/11一早8:15去買早餐，講到明我要炒麵走芽菜，單佢都有打出泥寫明走芽菜，到門口果個大陸阿姐夾炒麵果陣時又夾埋芽菜落去，我就行埋去擺張單喺枱同佢講走芽菜，我擺張單落枱時有冷氣風吹，我就用力拍住張單，有個大陸阿E待應就走過泥鬧我：冇比咪比返你囉⋯⋯發咩脾氣，我就話：係唔要唔係比少左，佢仲鬧咁發咩脾氣呀！我話消費者比錢買野，你地唔係睇單做野？咁求其？佢地仲聯手同我嘈，消費者大晒呀⋯⋯你唔好再泥食咁樣，咁我就話唔識字就唔好做啦⋯⋯on嘟嘟大陸人真係厚面皮，我就唔會再幫襯，平時開到部機大大聲，聽野聽一半，我唔食你間野我會死咩！每次食完都口渴到死，重味精

今日星期六去到旺角行街，行到咁上下有啲肚餓，見到旺角街市附近有一間食魚蛋燒賣嘅舖頭，叫做魚蛋哥，口痕又就嚟到食晚飯時間，諗住食啲輕鬆嘅下午茶，就走入去醫下肚。.🍚下午茶餐(3點至6點供應)都有好幾款下午茶餐選擇，今次我叫咗粢飯餐，即叫即包，加埋豆漿都係$29，價錢都算合理。豆漿就係一般街外賣嘅豆漿，非常甜，如果有自家製，走甜或者冇咁甜會更加好。粢飯餡料都算多，夠晒熱，有肉鬆同埋油條，油條唔脆，雖然係即叫即包，不過除咗夠熱之外材料唔算新鮮，非常普通。.🍚魚肉燒賣有五粒，賣$9，又係非常普通嘅燒賣，如果呢個份量，呢個質素，$9我覺得係有少少貴，評價都係非常普通。

点了牛腩牛肚河粉，家里下好单走路过去七分钟，到店就拿到餐了，不用像之前一样傻傻站在店里等取餐啦哈哈。肉的份量很实在，咖喱味也很浓郁，微辣，吃起来刚刚好，下次还来～

其實都幫襯左好多次，野食的確係好食，但係次次外賣包裝都散曬。因為重要搭車番屋企，漏曬出嚟，搞到好麻煩。次次都有「買一碗野算，如果唔係又散曬既」念頭希望可以改善一下，我都想買多啲野食⋯

外賣自取快靚正🌚🌚食物價錢貼地等候時間唔算耐～多數買早餐款式都足夠✨✨✨有組合啲餐都幾好食都係燒賣～腸粉 .啲粥都可以😌夠綿🥰🥰開張買到依家～質素都keep到～～

好多時早餐都會貪方便，喺度買份腸粉+燒賣就一餐。夠晒熱辣辣，正正常常嘅水準，夠多醬就好食，佢啲麻醬都幾香，燒賣嘅豉油辣油都好味，一定正過喺7仔買，燒賣比較有咬口又冇咁粉

今日又係work from home既日子開會Overrun到冇時間食Lunch🥲就快快手落得買個麵食就算🥢-其實魚蛋哥選擇都幾多不過因為我要速食就買外賣番屋企食算🤭-佢有一堆餐點係外賣自取既優惠咁我都要番屋企食就梗係揀呢啲特價野黎食啦😂-最後只係叫左個海龍王麵餐配凍豆漿🙌🏽:::海龍王麵:::叫得海龍王🐲顧名思義就係啲餸全部都係同海洋有關😂當中有墨丸 水魷 魚皮餃🥣仲搭多左條菜添😂墨丸好彈牙 食得出同出面平時個啲好唔同👏🏼水魷口感好脆👍🏽不過魚皮餃就普通咗啲啲👌🏼佢有得揀面底同汁🍲我就揀左上海麵加咖喱汁-速食唔要求得咁多 不過佢又唔係差 我諗我都會返兜再食嘅👏🏼

糯米濕過龍，使整體欠缺口感，已購買多次亦有此問題，發現不是一次的問題，每次糯米都濕到一pat pat，初時新店開張是糯米口感是正常的，不過現在越來越差，已經不敢購買了，希望作出改善，因為很喜歡吃上海粢飯。

之前依間「魚蛋哥」開張既時候已經想試下，始終自己對港式小食係情有獨鍾。有時間今次就去左食晏，點左車仔麵食。餸方面，今次肚餓既關係，揀左五餸：「咖哩魚蛋」、「豬皮」、「爽口魚肉」、「鮮蝦雲吞」、同埋「咖哩魷魚」，麵底一如以往揀左米粉，而湯底就揀左大地魚湯。首先湯底方面，第一啖其實自己幾中意，因為感覺同平時啲湯底係有分別，有大地魚湯既味加少少胡椒味，但飲多幾啖就發覺幾咸下。「咖哩魚蛋」：叫得「魚蛋哥」點可以唔叫魚蛋，睇落大大粒同埋個色幾入味咁。但食落我覺得都幾失望...... 魚蛋唔彈牙，都幾淋下，但咖哩係入味既，雖然我覺得有啲辣。「豬皮」：份量都幾多，有成5/6塊，同埋夠爽口同入味，但湯底本身都濃既關係，食多幾塊就覺得有啲咸。「爽口魚肉」：賣相一睇已經唔係好掂......好少見魚肉切到咁細舊，同埋一睇就知落左好多粉溝出黎......食落係彈牙，唔可以話係爽口......「鮮蝦雲吞」：不過不失既一個餸「咖哩魷魚」：咖哩同魷魚係分開既，所以食唔到魷魚有咖哩味個人評分（滿分為5）味道：😉😉環境：😉😉😉員工友善度：😉😉😉😉CP值：😉😉

有冇人同我一樣鍾意食車仔麵🙋🏻‍♂️🙋🏻‍♀️呢間喺旺角街市附近嘅魚蛋哥除咗車仔麵仲有好多港式小食,油渣麵等等但諗嚟諗去最後都係揀返車仔麵🤣餸就揀咗咖喱魚蛋,午餐肉,豬紅,豬皮,廚師腸,蘿蔔配大地魚湯同沙嗲汁😍麵底加咗$3要出前一丁好耐冇試過咁豪要6餸車仔麵😂加埋杯檸樂總共$73😆雖然味道就正正常常但間中就係要食吓呢啲港式comfort food😌魚蛋哥旺角亞皆老街6號新亞大樓地舖

買個腸粉餐，講左魚蛋要唔辣，我見阿姐加左啲辣既魚蛋入去，已經即刻問。撈魚蛋個阿姐仲指住張單話「辣丫嘛」，我同返接單阿姐講，佢就只係識笑。我都同佢地講算數，就咁抽返啲辣魚蛋出黎唔使整過兜。落醬料時話要麻醬，豉油，芝麻，阿姐仲好醒咁問「即係唔要甜醬？」我答「唔要」結果拎到返屋企開蓋，大大pat甜醬喺度.老實講，我都唔係第一次幫但全間舖人一齊發夢都係第一次見，非常失望！講返個腸粉，腸粉同燒賣都正常，係個魚蛋麻麻地唔彈牙的。 附上照片一張（註：我事後有喺社交平台 messager PM 舖頭講過上述事件，但魚蛋哥係零回覆，只好擺呢度俾大家參考）

看見OpenRice 極多好評，於是星期一下午趁人不多來堂食試試。食街邊小食可以有位坐，環境乾淨確實加分不少，但不知是否我光顧的時間不當，我完全食不到大家食到的美味…皇牌咖喱魚蛋- 魚蛋口感好淋，完全不彈牙不實正，咖喱汁偏甜不惹味厚切煎釀三寶- 魚蛋哥的魚肉打得比街邊賣的較為細膩，似口味較清淡的魚餅。但滿心期待的炸豆腐咬一口實在難以接受，魚肉又薄又硬，外皮又韌又柴，豆腐內裡亦薄又乾，中間是空心的！！茄子和青椒相對炸得生熟控制比較好，而且魚肉釀得比炸豆腐厚，有微酥的外表但不會油膩整體感覺確實比街邊的小食製作較用心和健康些，作為小食店用餐環境亦不錯，但品質監控比較參差。有機會再試試其他食物，希望不再失望

係OpenRice見到對呢間魚蛋哥嘅食評全部都正面到爆，於是朝早去買早餐，買左皮蛋瘦肉粥，油炸鬼，粢飯，豆漿。 首先，佢啲油炸鬼一比我，我隔住膠袋摸已經係淋bad bad,咬左一啖就冇食了，好似食緊麵筋咁；而皮蛋瘦肉粥就料比較小，叫做可接受。 明白佢屬於小食店買粥會有點伏，但啲人食評係對佢啲粢飯讚口不絕，結果出乎意外的差。粢飯啲料好小，第一二啖一咬落去完全只食到飯，成個粢飯個皮超厚。總結黎個，呢間野好伏，唔好睇到好多正評就9衝，真係會浪費食物。