影片
开饭介绍
品牌创立多年，以日本新鲜食材制作刺身、寿司等料理，另外亦有热食、佐酒小菜可供选择。此分店走日式简约路线，并结合水泥墙设计，感觉年轻时尚。
继续阅读
营业时间
今日营业
12:00 - 15:30
17:30 - 22:30
星期一至日
12:00 - 15:30
17:30 - 22:30
公众假期
12:00 - 15:30
17:30 - 22:30
公众假期前夕
12:00 - 15:30
17:30 - 22:30
以上资料只供参考，请与餐厅确认详情
有关奖赏计划
相关文章
黎到荃湾，上OpenRice search吓有咩好食嘅日本菜，就见到呢间鮨一。一行入去有居酒屋嘅风格，有个open kitchen 俾你睇住厨师整刺身、寿司，都几有风味～-三文鱼刺身 （两客）$110-三文鱼肥美又新鲜，必食之选！-生蚝 （2只） $136-生蚝非常新鲜肥美，一口咬落去，蚝香四溢。系我喺香港食过最好食嘅生蚝之一。每次嚟到必嗌两只☺️-鮨一千层海胆饭 $288-呢个海胆饭真系不得了🤩海胆堆到成座山咁高，非常吸引，完全满足晒我对海胆嘅渴望！海胆底下嘅吞拿鱼蓉都好幼滑，非常好味🥳
继续阅读
荃湾行街经过「鮨一日本料理」，见午市定食好吸引，就入去试咗佢哋嘅十贯日寿司定食，$138 包前菜沙律＋味噌汤，感觉非常抵食～寿司款式有三文鱼、带子、甜虾、吞拿鱼、蟹棒、海胆、三文鱼籽等，全部都够新鲜，切得厚身但唔会过多，饭量控制得好好，唔会抢过鱼味，成件寿司比例非常舒服🍣其中最有惊喜系海胆军舰，同紫菜一齐食下去鲜甜又唔腥，三文鱼子就啖啖爆汁，配饭一流～甜虾亦好滑嫩，带微甜口感，真系好啱Chloe我嘅口味！味噌汤味道浓郁，沙律有基本配菜加少少沙律酱，简单但解腻，整体配搭轻盈又平衡。坐寿司台睇住师傅即席处理寿司，每件都即做即食，体验感加分。整体环境整洁，气氛轻松，适合一个人快闪食寿司或者同朋友来小聚。📍 荃湾大坝街79号地舖
继续阅读
店名：鮨一日本料理地址：荃湾大坝街79号地舖1.特上十贯目 $318.00包含 海胆，三文鱼子，油甘鱼，炙烧左口鱼边，赤身，拖罗，金线鲷，深海池鱼王，带子，甜虾，手握寿司新鲜即整，海胆清甜，左口鱼肥美，每件都好食🤤🤤2.蜜柑鲷薄切（半份）$99而家做紧1800-2130入座优惠，只要系尼个时候内order，就可以享有8折（原价$99，8折后系79.2），半份有八片，鱼肉新鲜，入口时有淡淡嘅蜜柑清香，好满足，再配上柚子味酱油，又系另一种享受3.甲罗烧 $98.00甲罗烧食得多，但配多士食第一次试，蟹膏不是太腥，配合鸡蛋搅拌，再放上多士上边享用，别有一番滋味👍4.蟹肉牛油果凯撒沙律 $78.00蟹肉蟹籽份量多，每一啖入口都好满足 ，沙律新鲜，配上牛油果同芝麻酱好好食5.盐烧牛小排串 $68牛小排大细适中，可以一口吃，师傅控制时间做得好，保留到肉汁，入口时系口腔爆出黎，好正6.盐烧牛舌串 $45牛舌又系正，外边食开好多食肆都过晒火，牛舌外边硬晒，但师傅处理得好好，外微脆内软，还要有肉汁，我真系第一次食到牛舌有肉汁😆（必食推荐）7.清酒煮蚬 $62.00份量好足，蚬肉量多又大只，配上清酒煮，好好食，但令汤时要注意可能清酒未完全煮走，会有些许微辣总价连加一$825
继续阅读
之前成日行荃湾广场，去附近条街揾野食经过以为食omalase，感觉好似好贵，认真啲望下个餐牌价钱都合理，平日夜晚仲有啲优惠，所以入去食饭。鲂「鱼弗」鱼薄切 半份$99读音系「彷佛鱼」😂初时我只系好奇问职员系咩鱼，佢读完「彷佛鱼」之后以为自己听错笑左出嚟，佢话呢只鱼味道会较淡，但口感几。因为6-9点期间限定有8折，计返$80左右几抵，叫一份试下！鱼生切得好薄，有少少透光，口感吾错，淡淡鱼味，觉得吾够味可以点啲醋。时令鱼生刺身 $328生蚝中等size，够肥美。部分鱼生几重油脂，口感几好，食得出都几新鲜！三文鱼籽薯蓉沙律 $58薯蓉入面有啲薯仔粒，有啲口感，而且有调过味。牛油果软壳蟹反卷 $78呢度既软壳蟹吾系一般大大只个种，而系用迷你螃蟹，个身好多肉，呢度亦无用好多炸粉去炸，所以更美味！盐烧活白鳝串 $68白鳝烧得好入味，鱼肉烧完一啲都吾干！盐烧黑豚腩串 $36相比之下黑豚肉就正常发挥，吾算好特别。A5和牛樱花虾炒饭 $118和牛粒既牛味几突出，啲牛油令饭粒更香，而且炒得干身，炒到一粒粒，比想像中好食。
继续阅读
鮨一✨特上十贯目（$318）｜★★★★☆三百蚊有找食到北海道马粪海胆、中拖罗、帆立贝，真系「抵到烂」！醋饭温度啱啱好，寿司握得松紧适中，金目鲷轻轻火炙过，鱼油香爆出嚟，再加半份深海池鱼王刺身（$128*八折）简直无得弹，鱼脂香滑到似食紧鱼生版牛油，如果山葵系即磨就完美喇！ 🦀甲罗烧（$98）｜★★★☆☆蟹膏浓到癫，捞埋鹌鹑蛋超Creamy，不过蟹肉少咗啲，如果有块脆多士点嚟食就更加正！ 🌶辣酒煮广岛蚝（$78）｜★★★★★今晚MVP！蚝大只到似乒乓波，辣酒汤底劲香蒜味同豆瓣酱味，但完全唔会抢咗蚝嘅鲜甜，个汤好饮到想打包返屋企捞面！ 🐙富山湾萤光鱿鱼（$58）｜★★★☆☆咸香带少少内脏甘苦，送酒一流，不过如果加片紫苏叶包住食会冇咁腻。 🍢串烧｜盐烧牛舌（$45）＞鸡中翼（$25）牛舌厚切爽口，简单盐烧已经好够味；鸡翼皮脆肉嫩，但调味淡咗啲，加啲柠檬汁会更开胃。 🥗三文籽薯蓉沙律（$58）｜★★☆☆☆普通总评：人均$500食到板前寿司+居酒屋，池鱼王同辣酒蚝必嗌！（P.S. 晚市好爆，记得订位，师傅不时有隐藏海鲜推荐㗎～）
继续阅读