影片
营业时间
今日营业
10:00 - 21:00
星期一至五
10:00 - 21:00
星期六至日
10:00 - 20:30
以上资料只供参考，请与餐厅确认详情
食家推介
喺日本食過好好味鰻魚飯之後成日都想去香港食，朋友話我知香港原來開咗呢一間喺日本有成二百幾間分店嘅鰻魚飯專門店，喺中環街市同銅鑼灣崇光百貨都有分店，今晚我哋就外賣返屋企食！ 舖頭有唔同嘅套餐，視乎返你想要嘅鰻魚同飯份量多定少，另外仲有玉子燒，飯團，日本樽裝汽水等。鰻魚飯(梅)師傅已經將所有骨都清除晒，可以安心咁樣食，鰻魚肉質幼滑，外皮燒到焦香，有一種煙熏味道，飯用咗日本珍珠米，香甜軟糯，配上鰻魚汁一齊食簡直一流。玉子燒大大件嘅玉子燒，雞蛋味道香濃，色澤金黃，入口軟綿。我仲叫咗半匹鰻魚，諗住第二日自己喺屋企整鰻魚炒蛋同埋鰻魚炒飯。綠茶可樂綠茶味甘香，味道非常特別，綠茶迷嘅我非常喜歡。
继续阅读
鰻魚飯（松）「松」呢個套餐係最多鰻魚份量，特別適合愛好鰻魚嘅食客。大大條厚厚嘅鰻魚，肉質滑嫩，口感一流，搭配特製醬汁，味道鮮香，令人一試成主顧。每一口都感受到鰻魚的豐富油脂，推薦。鰻之飯團Dx係另一個驚喜，飯食落去好有魚香味，有一嚿原塊鰻魚喺上邊，米飯粒粒分明，吸收咗鰻魚嘅鮮味，口感更加豐富。鰻魚可樂係第一次見，從日本直運香港，味道比正常可樂淡少少，但又帶有蒲燒鰻魚嘅鹹香味，為整個套餐增添咗一絲新鮮感。這種獨特的飲品搭配鰻魚飯，既解膩又增添趣味。今次食嘅呢間分店係喺中環街市裏面嘅美食街，附近設有站立嘅枱可以食用，如果想食得舒服啲都可以去銅鑼灣分店
继续阅读
日本鰻魚過江龍專門店 【鰻魚控必食！】鰻の成瀨係一間過江龍鰻魚專門店，喺日本已經有差唔多250間嘅分店，除咗坐落於中環街市之外，喺銅鑼灣SOGO都有分店！🍱鰻魚飯（松）$208有唔同嘅size去選擇，以我就選擇咗最大個size的。鰻魚好大份。鰻魚烤到外脆內滑，散發著淡淡的煙燻香氣，重有鰻魚汁配埋飯食一流！🍳鰻魚玉子燒（2pcs）$28呢個玉子燒原來係中間包住滿滿嘅燒鰻魚蓉，好特別！🍙鰻の飯團($65)係即叫即燒嘅，所以都有啲焦香味，而且成個飯團都沾滿晒鰻魚汁
继续阅读
閨蜜喜歡吃鰻魚，今晚到佢家吃飯，一於到中環街市這間日本過江龍鰻魚專門店買鰻魚加餸！之前和這個閨蜜到日本旅行，已經見過佢喺日本這間鰻魚專門店幫襯，所以知道香港也有分店，一於買俾佢給她一個驚喜！～鰻の蒲燒一匹原條鰻魚，鰻魚外層香烤之下帶少少焦香，醬汁均勻，真係好好味！～鰻魚玉成燒店長推介，厚厚的玉子好甜，再加上鰻魚在頂，味道好夾！～鰻の烤飯團以鰻魚汁烤成的飯團，香口得來帶少少飯焦嘅脆，用來和鰻魚吃一流！
继续阅读
在日本有超過300間分店的日本過江龍，鰻の成瀬鰻魚飯專門店。在銅鑼灣Sogo超市那層也有分店，看到那個鰻魚好肥美，而100%選用日本米，當時已經好想食，一直沒機會，想不到中環街市竟然也有分店，終於有機會嚐嚐。看餐單已經挺吸引，最後點了幾款，即點即做，熱辣辣。中環街市買完還有地方可以即時食，我在選餐的時候，挺多客戶單買鰻魚即食，挺不錯的，我就影影相📸就走了，因為回家就沒機會了，蝗蟲過境，應該沒機會再影相🤣😂。🍱鰻魚飯（梅🌸）$128 原條燒鰻魚，鋪滿飯面，肉質非常厚實肥美，鰻魚汁也非常濃郁，我幾歲的姨甥仔先吃，一句高度評價：超好食。我也覺得，非常好吃，肥美的鰻魚油脂滿滿，米飯軟糯可口，還沾了鰻魚汁，難怪幾歲的小朋友形容米飯好像在吃糯米雞(他喜歡的食物)。🍙🍘鰻の烤飯糰 $50 / 2pcs米飯混合鰻魚汁，以及細細粒的鰻魚粒，顆粒比較細，不過每粒飯都裹滿香甜濃郁的鰻魚汁，外皮烤得焦香，內裹鬆軟，味道相當令人驚豔。🥚鰻魚玉城燒 $781件肥美的鰻魚，鋪在了一樣長的香甜玉子燒上面，還沒吃就流口水了。1口咬下，肥美鰻魚加上香甜玉子燒，口感油潤綿密，好好吃。飲品：綠茶1杯 （鰻魚飯松／竹／梅 附送）連杯子都不馬虎，茶湯清新順滑，日本綠茶是茶包，我不斷的加熱水，自制無限續杯，茶味也沒有變淡。🍹水蜜桃梳打 $30是玻璃樽裝的，好喜歡這種包裝。店員用紙袋包好才放進外賣袋。顏色粉嫩，味道好香，梳打氣泡足，非常可口。🍸哈蜜瓜梳打 $30包裝口感同上，翠綠色的，不過味道是哈蜜瓜味。總結，雖然是外賣店，但是食物質素以及服務還是很用心，鰻魚真的肉厚肥美，而且在活化了的中環街市也可以地方吃，非常不錯。
继续阅读