魚一壽司 (京都廣場)

营业中

休息中

餐廳環境真係好靚，樓梯上掛滿咗好多傳統嘅日式紙燈籠，燈籠上有黑色同紅色嘅設計，包括日本嘅字同花卉圖案，感覺好有特色，仲有好多名人黎過既簽名，睇嚟呢間餐廳都好出名。今日午餐經過呢間日本餐廳，忍唔住入去試吓佢哋嘅壽司拼盤🍣。呢個拼盤真係非常豐富，包括咗赤身、油甘魚、鱆紅魚、三文魚、赤海老、魷魚、蟹籽、蟹肉蟹膏、玉子同埋兩件三文魚青瓜卷。每一件魚生都係新鮮又滑溜，特別係赤身同三文魚，入口即溶，油甘魚同鱆紅魚都好有口感。赤海老同蟹籽味道濃郁，魷魚仲有少少彈牙，蟹肉蟹膏更加係鮮甜可口。玉子煮得啱啱好，味道鮮美。兩件三文魚青瓜卷非常清新，真係一個非常滿足嘅午餐體驗。環境同埋食物都非常值得推薦，會再嚟試其他菜式。😋

上班日Lunch time黎到，餐牌價錢都唔算特別貴，仲要冇加一，真係幾抵食👍🏻😋 見其他同類型魚生丼鋪頭閒閒地都要過百🥶角切魚生丼飯 $88唔知道角切魚生係冇三文魚，不過其他魚都幾好食嘅👍🏻 茶碗蒸都唔錯😋🤩 仲有個沙律仔，幾用心😛

呢間壽司嘅午餐優惠都幾商務經濟 如果嗌最普通嘅set係可以$100以下包埋加一 午餐有分唔同壽司定食 我今次揀左梅餐 總共有10件壽司加湯 每款壽司各一件 有三文魚 赤身 魷魚 八爪魚 仲有個沙律整體刺身質素都還好 呢個價錢冇要求太高 純粹可以返工期間食吓壽司開心吓

串燒質素 口感 完全靠撞彩尤其白鱔 第一次食幾唔錯 皮偏脆之後去親 皮同肉 完全咬不開 sushi 就一般正常 未去到好食房間位完全無訊號 無法scan code落單去食的話千奇唔好坐房間

已經係第N次嚟了，水準一直keep得好好，員工友善有禮，做嘢效率高～食物方面，魚生（特別是三文魚）新鮮 ，芥辣辣度都岩岩好，唔會太辣，有少少甜，魚生加豉油同芥辣食 ，十分鮮味。銀雪魚西京燒有驚喜，魚皮微脆十分香口 ，魚肉都算嫩滑。今次又叫咗炒雜菜同沙律，份量比想像中大，單係食完菜，湯同沙律已好飽 😁整體價錢都十分合理魚湯嘅味道十分濃郁同鮮美，只係略為咸咗啲，如果稍為無咁咸就更好了整體大部分食物質素都好，地點又方便，值得一去再去～

我地兩個人叫左一個set 同埋散叫左啲壽司✨魚一極上丼定食 $178有好多款唔同嘅魚生 有海膽 都有啲鮮甜味 仲有三文魚 帶子 甜蝦 油甘魚 全部都好新鮮 好味道👍🏻👍🏻 有前菜沙律 茶碗蒸同埋三文魚湯 個湯勁多三文魚👍🏻👍🏻✨火炙牛肉他他 $17✨火炙左口魚邊$20✨蟹籽軍艦2件 $22✨蔥吞拿魚腩軍艦 $28✨蟹肉蟹膏軍艦 $32壽司都好唔錯 除左左口魚邊就唔似平時咁咁有油脂香同埋都冇入口即融嘅感覺🤔總括黎講都係一間唔錯嘅壽司舖👍🏻 坐得都舒服 唔會同隔離枱好近 價錢都合理 服務都幾好 見我地叫左一個丼飯諗住share食會自動比個碗仔我地味道❤️❤️❤️❤️抵食❤️❤️❤️❤️服務❤️❤️❤️❤️環境❤️❤️❤️💔💰午餐人均～$164（包括+1）

今日同小朋友喺銅鑼灣玩完,就同距去食距最鐘意既壽司🍣經過銅鑼灣駱克道,見到一間掛晒日本燈籠嘅日式餐廳,超有日本氣氛,就決定同KOBE入去試下拉🤩⭐️火炙鰻魚🐟⭐️火炙蟹肉棒🦀⭐️厚砌鰻魚🐟⭐️A5日本飛彈牛火炙壽司🐮⭐️拖羅壽司四點盛🐟⭐️蟹膏蟹肉壽司⭐️廣島蠔壽司🦪⭐️芥辣八爪魚✨鰻魚拖羅新鮮肥美,油脂分布平均,日本飛彈牛壽司,味道豐富香濃,廣島蠔壽司,鮮甜可口,件件都大大件,價錢親民,真系抵食🤤⭐️魚一極上丼飯🍚丼飯入面有(拖羅,油甘魚,魷魚,牡丹蝦,三文魚,海膽,三文魚子,蔥吞拿魚腩蓉)✨呢個刺身飯真係冇得輸,材料豐富,每款刺身味道新鮮鮮甜,啱晒我呢啲樣樣都想試既人🤣一次過可以滿足晒我唔同嘅願望😍⭐️兒童餐(烏冬,茶碗蒸,腐皮壽司,蟹籽壽司,玉子壽司,粟米壽司🍣)✨小朋友嘅兒童餐都好豐富,味道仲要好好味,餐碟上面仲要係大笨象型既碟,小朋友見到都好興奮,小朋友食得開心,媽媽就好滿足🫶🏻

係銅鑼灣呢頭番工，放左工，同同事慶祝生日，壽星女話想食刺身，但我一向對刺身魚生都比較抗拒，日本野我都係食熟食既，但生日大晒當然佢話事啦。一黎到，見到環境真係唔錯，好多打卡位，門口掛晒燈籠，好有日本feel。而且望下個 menu，價錢都唔貴。以咁既裝修黎講，真係估唔到。仲有勁多藝人簽名貼晒堂咁。我地一行三人，由於我要食熟食既關係，我叫左d熟食同炙壽司。另外，佢地再點左原條鯛魚刺身$368，壽司蛋糕$368，大拖羅$148。由於本人腸胃唔太好，都幾怕食生野，所以我主力都係食熟食，不過，要俾錢，當然都要試下d魚生刺身嘎啦。咁我每樣試左一兩塊，估唔到有驚喜鯛魚刺身，好新鮮，入口即溶，口感唔錯。拖羅，我咁大個女都係第一次食，估唔到口感都幾神奇，入口充滿油脂，肥美香甜。雖然係好新鮮同口感唔錯，但我都係試左一塊，正所謂少食多滋味。留番俾d同事就清晒佢。最後到個壽司蛋糕出場，就係普通既魚生壽司黎，但造型好得意，我地都係第一次食蛋糕造型既壽司以後生日又多個選擇，次次生日都食生日蛋糕食到又滯又膩，原來仲有壽司蛋糕呢樣野，真係唔錯既選擇😆整體黎講，呢度勝價比係偏高既。見餐牌呢度lunch set好抵，下次

係銅鑼灣街度行過 見到有餐牌同拎gulu 位機所以先發現到餐廳餐牌已經有歲月痕跡真係殘到不堪😂雖然過咗飛但落去拎2人位都好快有舖頭唔大 都好多人 感覺好逼 除非係多人坐卡位如果唔係都隨時打到隔離個個😂坐低咗之後就會有個QR code比你落單款式其實都幾多 壽司小食丼飯鍋物咩都有但今次叫咗2款軍艦(蟹籽同埋黃金魷魚)另外叫咗2個魚生丼飯軍艦壽司🍣點完好快到 冇特別但紫菜偏淋2個魚生丼飯🍚 等咗我半個鐘以上 全部淨係出單點壽司😑我叫咗個3色刺身丼有三文魚帶子同海膽首先飯比紫菜都驚喜嘅 但都係淋…刺身量都ok 三文魚都有4片 帶子3粒另2樣都合理 新鮮海膽就有少少唔新鮮 有啖係臭 但其他又無事另一個係自選丼飯 叫咗三文魚帶子同三文魚子都係合理 無咩驚喜 但自選相對無咁抵總括黎講質量合理 食材算新鮮但等黎餐覺得人都癲 人又肚餓叫餐到見到個飯都成半個幾鐘

今日約咗朋友黎食呢一間日本菜，食物質素不錯，性價比高，怪唔之得晚市差唔多滿座。日本靜岡縣番茄沙律沙律新鮮爽口，靜岡縣蕃茄味道清甜，醬汁酸甜開胃。牛肉薯餅牛肉餅炸到外脆內軟，牛肉味道濃郁，口感綿密。什錦天婦羅份量多，天婦羅粉漿薄身，大蝦爽口彈牙，茄子的嫩滑多汁。京蔥雞肉串雞肉入口嫩滑，醬汁甜甜地幾好味，京葱吸收晒醬汁味道。提燈第一次食呢個稀有部位，口感煙韌。魚一極上丼飯油甘魚肥美嫩滑，牡丹蝦爽口彈牙，帆立貝鮮甜，海膽口感Creamy，拖羅入口即溶，吞拿魚蓉口感綿密。

一直聽過魚一呢個名喺元朗大名鼎鼎，今次嚟咗銅鑼灣分店享用晚餐。一入到門口，沿住樓梯落一層就到餐廳入面，一路落樓梯一路見到有好多個燈籠，好有迎賓感覺。🐻火灸牛肉他他火灸牛肉質地幾滑，唔會燒到好柴，仲帶有少少醬油味。🐻珍寶帶子壽司果然係珍寶size，應該係我人生中食過最大塊嘅帶子，食落好爽口，亦都好鮮甜，一食難忘！上菜之前師傅預先喺帶子𠝹幾刀，顯得好立體。🐻茶碗蒸+麵豉湯蒸得好滑身，食到碗底見到有粉絲，蟹柳幾入味，鳴門卷少少煙韌，口感唔錯。麵豉湯好有三文魚味，冬瓜好出味幾鮮甜。🐻席前燒-A5和牛職員會推張枱埋嚟喺客人面前燒，燒完一面再捲幾捲燒另一面，幾考職員耐心同功夫。食落完全係入口即溶，都係一食難忘🤤🐻魚一極上丼飯一碗飯集合晒：牡丹蝦、中拖羅、油甘魚、鮮紅魚、日本魷魚、帶子、三文魚籽、海膽、蔥吞腩蓉同埋三文魚等等嘅刺身，飯係壽司醋飯。基本上每塊刺身都好有鮮味好滿足，尤其係中拖羅，差唔多係入口即溶，但係唔算好肥膩，送啖飯就平衡返，冇咁邪惡🤪🐻魚一彩虹卷每一件都有兩塊唔同魚嘅組合，啱晒唔同人嘅口味，有三文魚、三文魚籽、吞拿魚蓉、海膽、蟹柳、青瓜。最有記憶點嘅係海膽，好鮮甜。🐻露筍牛肉卷牛肉肉

之前係元朗食過魚一壽司經過銅鑼灣見到開咗分店🍣一於去食下先餐廳位於地庫，沿樓梯落去去，見到好多Artist嘅簽名支持👀感覺好似居酒屋🏮除咗有壽司、手卷、卷物等之外，仲有串燒、天婦羅、丼飯同火鍋推介芝士蟹籽軍艦蟹籽拌勻芝士醬，口感豐富之餘陣陣鹹香味，好食😛火灸左口魚邊壽司魚油香味撲鼻差不多係入口即溶嘅口感🥹牛肉他他壽司 牛肉薄片鮮嫩冇筋，牛味濃郁日本🇯🇵直送赤身新鮮鮮嫩，高質～腐皮、鰻魚、三文魚、三文魚腩壽司🍣都係中上水準三文魚腩特別肥美～火龍卷賣相好靚，拼成一條龍嘅形狀🐉鋪滿飛魚子同沙律醬，壽司飯卷住炸蝦，口感豐富串燒即叫即燒，燒雞皮好香口燒牛舌特厚，口感爽口滋味！滑蛋吉列豬扒飯好滿足炸豬扒啖啖肉，唔算厚炸粉，拌勻滑蛋食好滋味！魚一壽司銅鑼灣駱克道491-499號京都廣場地庫

去到已經8點幾9點, 竟然有七八成坐, 仲要餐廳本身都多坐, 空間幾闊落拖羅壽司四點盛呢款有齊我哋鍾意食嘅🤭唔洗講大拖梗係最入口即溶, 但係中拖都唔輸蝕, 油脂好豐富, 兩款魚生都係厚切, 所以食落好滿足🤤赤身雖然少啲啲肥, 但係魚味濃啲, 感覺係接近腩位嘅赤身日本飛驒牛火炙壽司平時唔係好敢食生牛肉, 但係見佢啲魚生咁新鮮就試吓, 飛驒牛果然係正, 油脂勁豐富, 口感似大拖羅, 有牛肉味但係唔會騷👍🏻油甘魚腩壽司可能揀咗腩位關係, 好肥味新鮮, 都係入口即化吉列炸蝦卷（4件）蝦係新鮮炸, 就算放咗陣先食都仲係脆, 我覺得佢外面嘅蟹籽比一般食到嘅多😛芝士燒生蠔（2隻）好多燒生蠔因為燒過頭, 變得比較韌, 但係呢隻燒得啱啱好, 入面仲係滑嘅👍🏻

銅鑼灣“魚一”已來訪多次太方便在銅鑼灣 C 出口，過馬路對面落地庫就是，食物質素有保證，價錢又實惠，刺身，手卷，壽司，炸物，串燒，飲品酒類樣樣都齊，今日心情想食刺身和壽司🍣厚切刺身，色澤新鮮油脂肥美，肉質嫩滑，鮮味到不得了🎉油甘魚腩刺身$72油甘魚刺身$62日本直送鱆紅魚刺身$98鯛魚白子$88日本兵庫縣漣川生蠔$48每一口壽司口感軟綿滑口，刺身新鮮到爆燈😋日本深海池魚王壽司 $25日本直送鱆紅魚腩壽司 $20劍魚腩壽司$15油甘魚壽司$16日本飛驒牛壽司$48總之“魚一”刺身/壽司，質素超高價錢又合理，極度推薦👍

日本壽司｜ 魚一壽司｜銅鑼灣餐廳Menu有好多選擇：除咗壽司、刺身，仲有鍋物、天婦羅、卷物、串燒等。同親朋戚友嚟聚餐真係一流。而且價錢唔貴，cp值高。—————————————🫶🏼 魚一極上丼飯 $178入面有：拖羅、油甘魚、魷魚、牡丹蝦、帆立貝、海膽、三文魚、三文魚籽香、蔥吞拿魚腩蓉。刺身好多種類，相當豐富，整體肥美鮮甜。幾推薦叫呢個！最鐘意係牡丹蝦，口感清爽彈牙。🫶🏼 三文魚腩壽司 $16、油甘魚壽司 $16、馬刀貝壽司（2件）$16、玻璃蝦壽司（2件）$15、芝士火炙三文魚$12魚類壽司充滿油脂感，十分新鮮，完全唔腥。🫶🏼 海膽魷魚軍艦（2件） $22淡淡的海膽味，而且份量多。🫶🏼 鵝肝卷（2件）$48卷物內裏有大大塊鵝肝！而且佢係焦糖脆皮鵝肝！有驚喜‼️同好夾‼️🫶🏻 免治雞肉棒串 $38免治雞肉棒入面食到脆口的感覺，好有口感。配埋日本蛋黃，整體香濃。🫶🏻 冬菇串 $18、甜薯串 $18即叫即整，冬菇燒得啱啱好唔會偏乾。甜薯，甜甜的，好開胃。————————————📍銅鑼灣駱克道491-499號京都廣場地庫————————————Overall 💗💗💗💗#日本壽司#魚一壽司#銅鑼