影片
招牌菜
依间外卖寿司店开左大约一年左右，成日帮衬，今次先写食评，因为之前成日懒，少左打食评! 位于街市果层，人流算多，店舖细，但依家通常连老板有3人工作，食物质数真系唔错，价钱真系唔算贵，不过最近几个月加左2次价，希望唔好再加住啦…听老板讲就黎又开多间分店了…都系沙田区或马鞍山区!晚餐今次叫左2细盒，三文鱼寿司系腩位，好肥美! 海胆虾寿司好爽口! 带子鲜甜! 花之恋细细粒啱哂咀型好味道!
继续阅读
之前住沙田，搬左黎马鞍山半年有多，环境交通都唔错，唯一唔惯系成个马鞍山都无咩好野食。早前系杂志见到呢间鱼台既创业报导，上黎openrice search吓，原来系新居附近开左分店，终于今晚收工去买黎试吓。最平既$4一件三文鱼质素都唔错，带子够大只值得推介，两款虾都唔错，北寄贝够大块。所有寿司即叫即做，感觉几卫生，佢地自创既虾天妇罗寿司，因为即炸，返到屋企都仲系微热，脆卜卜。讲左咁多好既，都有啲唔好既，好似系海胆同三文鱼子就真系麻麻地，三文鱼腩食唔出同三文鱼有咩分别。另外就系等既时间，买完比左钱，拎住张单行去超市买啲野，返黎谂住攞得啦，点知个收银既女仔应该比错左我果份人地攞走左，要再等师傅做过一份比我，前后等左超过20分钟，正常应该10分钟OK。
继续阅读
呢半年我做左呢间寿司既常客,今日见到OPENRICE有佢,路过都忍唔住要讃讃佢,不错....水准几稳定,D鱼生都新鲜.... 我最钟意鲜带子,差唔多次次都会叫,另外都钟意象拔蚌同炸虾手卷....我揾番部电话裹面原本都影左几多相....价钱我个人觉得好合理,有SET好的一盒抵食D,有自己剔啱食既就每件计...服务态度: 店员都好NICE
继续阅读