鳥華 (已結業)

同女朋友為左個馳名雞湯底慕名而來!除夕夜來到這間拉麵店! 9時左右食肆內10檯7空 環境幾舒適 先來一客關東煮...無咩特別可言，純粹天氣凍叫黎做襯托 來到當然試下招牌雞白湯及味噌雞湯拉麵 雞湯面有一層雞油作保暖之用，所以湯的溫度十分高! 雞味尚算濃郁麵條一般溏心蛋只能夠用普通來形容，及不上同區另一間的拉麵店出品好食雞湯拉麵都係一種新口味，但令我更覺得豬骨湯底先係拉麵既精髓個人覺得這店的雞湯不是差 但又稱不上十分美味始終同區拉麵店競爭激烈 要突圍而出 恐怕並不容易

大家都知道港島區展開了拉麵大戰.其中一風堂.豚王.達磨,鳥華都在銅鑼灣開了新的分店.也有一些新力軍魂同大坑的龍也.當日我本來想試.魂或豚王.人龍太長嚇怕了.唯獨鳥華得5成客人.在尖沙嘴試過2次.印象都是一般也要再試...環境的確好過尖沙嘴,現場播輕音樂什有氣氛,的擺設也較精緻.而尖沙嘴店監場的我估計係老閭,好認真問我意見.銅鑼灣店是員工.連餐廳的運作也有少少混亂.只可說員工都算有禮....我坐低第一件員工送上熱茶.已是拉麵店的大忌.....雞肉白湯拉麵加蛋:首先我飲了一啖湯.之後找雞肉.吓!得一啖...雖則吃豚肉拉麵.也得薄薄2塊.但豚肉大塊.就算份量少..我也開心.但雞肉細細件.份量少.仲收我74元..我有點難過....雞肉白湯拉麵加蛋74元:味道的確進步了.湯底有濃厚的雞的甜味.而且太鹹的情況消失了.麵條也熟得有咬口.無鹼水味.雞肉份量雖少,也肉嫩.滑身.而且夠味,反而隻蛋有點失色,雖不則不至於全熟.但也不流心..也無蛋香味.....

久聞尖沙咀有一家「鳥華拉麵」馳名雞湯底，朋友屢次推介但始終未有機會一試，想不到它瞬間來了銅鑼灣。位於銅鑼灣伊榮街, 就在JIA酒店旁, 前身是一家酒吧，改裝之後地方細了很多，想必廚房佔了很大地方。星期日下午三時來到, 也坐滿了8成, 拉麵熱真的愈演愈烈。點了招牌的雞白湯拉麵，每碗拉麵都附有兩片雞肉叉燒或者豚肉和少量蔥，可以追加雞蛋，辣蔥，貢菜，叉燒，樣樣加齊便加$35，這天只加了貢菜，小試食物質素。過了七，八分鐘，一碗熱騰騰的麵便放在面前，可能由於雞湯的雞油是特別保暖的緣故。只見碗內有一層薄薄的雞油，先呷一口湯，雞味十分濃郁，真的是雞熬出來的味道，似乎是第一次嘗這種湯底的味道；麵條是黃色，曲身那種，麵質也很有彈性, 就算浸在湯內一段時間也不會太腍，賣$65也算合理。加了$10的貢菜，爽口非常，份量也很多。這碗麵的最大好處，就是超熱，吃的期間已全身出汙，冬天的時候應該會特別保暖，始終是雞嘛！聽說芝麻雞翼也不錯，下次會去試。

在Openrice的最新餐廳找到這間鳥華，專程在下午茶時段去試試。下午大約四時，內裹只有兩枱人客。新開張，還有些裝修在進行中。我和朋友叫了雞湯雞肉义燒溏心蛋拉麵，雞湯雞肉义燒拉麵，雞肉餃子和芝麻雞翼。先上的是兩杯凍麥茶，潤潤喉嚨。兩碗麵就端來了。我和朋友那碗麵的差別只在於有無溏心蛋，湯看似油膩，飲落是極濃的雞湯，很鮮味。麵是粗身的，我覺得可以煮得再硬身啲，雞肉义燒幾好味，但只得小小的兩片，試了朋友的溏心蛋煮得很嫩滑。葱絲青瓜絲也爽口，看似不大碗，但飲埋這麼濃厚的雞湯，就有些頂胃了。雞肉餃子扁扁的煎得微燶香脆，皮薄，幾好味。芝麻雞翼皮炸得極香脆，味道也是很濃的，內裹的雞肉幾滑，好香口。走的時候見飲食男女雜誌來做訪問，未來應該會比較多些客人吧。

朋友無意間發現咗呢間鳥華, 這間分店雖然位於銅鑼灣, 卻座落在頗為偏僻的街道上, 新得連Open Rice都還未有紀錄, 相信是剛剛開業, 知名度應該仍然偏低吧! 然而, 想不到這新店子在星期二的晚飯時段, 也有七、八成的入座率呢!本人一向喜愛吃日本拉麵, 而鳥華拉麵主打的並不是大路的豬骨湯、味噌湯、醬酒湯、鹽味湯…而是選用上了濃濃的雞白湯~!!我們點了一客雞肉豚肉义燒溏心蛋拉麵,一客雞肉义燒溏心蛋拉麵, 還有一客芝麻雞翼。一上菜, 兩碗拉麵放在眼前, 湯面浮著滿滿的雞油, 看來頗為油膩, 而且presentation不如一般正統的日本拉麵般decent, 有點兒求其, 而我朋友的溏心蛋, 更少了四份一的蛋黃呢... 第一時間當然要喝一口湯...是極之濃郁的雞湯! 果然好味! 雙唇迅即被糊著了! 而拉麵更是我喜愛的粗身拉麵呢! 豚肉义燒亦是我喜愛的半肥瘦, 雖然比不上MXST义燒的香滑肥美, 倒也算鬆軟香口, 個人認為比豚X的义燒好味。至於雞肉义燒, 薄薄的雞皮沒有過多的脂肪, 感覺不錯, 不過雞肉與豚肉相比之下, 我還是覺得豚肉义燒比較出色!而溏心蛋, 算是中規中矩, ok好味吧!

其實此店的入口, 係在威靈頓街的hifi 鋪對面, 而非伊榮街, 注意~總店在東京, 但香港的第2分店終在銅鑼灣有了~主打係sell 雞湯/雞肉麵;新張仲有coupon, 仲洗諗, 和大豬女友入去先算~門一開, 留意到鋪內裝飾都幾日式, 有吧枱及開放式廚房,廚房的師傅見到我, 馬上"Irasshaimase"~ 仲要係好有誠意地望住你講架.咦, 兩位師傅係用日文交談的, 牆上其中一張相仲係佢! 勁呀~ 看看menu, 兩人叫兩個麵喇, 女友要雞白湯拉麵+全部配料 我要鳥華特製拌麵~雞白湯拉麵先上, 好香雞味, 飲D湯, 好濃吓, 冇咩味精味, 很好噃~雞油下面, D 湯底真係白色, 唔同阿媽D黃色雞湯....都不少雞, 肉滑唔鞋, 食唔出有雪味, 很不錯!鳥華特製拌麵香味少D, 但都係熱的, 仲有張 INSTRUCTION 要加乜加物本人加了芝士粉, 少許辣油, 勁多蒜蓉, 及一小PAT 沙律醬~一拌就變左好似印尼撈麵咁不過真係幾特別, 芝士粉加蒜, 好特別, 係幾搶味的, 不過好似咸了一點, 下次叫師傅唔好落太多豉油先.麵彈牙, 好芝士蒜味...服務很好, 姐姐好友善, 又快手, 加

見到佢新開, 即刻去試.出面的拉麵多數都係 sell 豬骨湯, 呢間好特別, 係雞湯!!!!!雖然係雞湯, 但係你唔好睇少佢, 個湯底一樣好濃, 仲食凡出好多骨膠原添!!!!最岩唔食豬, 唔食牛既人添!一個字正!!!!值得去食!!!而家仲新將9折添!!!!