鳴門魚市場居酒屋 (已結業)

看到網上介紹的相片後, 當晚與友人行街後決定一試。晚上9點多都有大半滿座, 叫了一個海膽丼, 試下係咪真係甘鮮味甘抵食, 誰不知跟相片相差也太大了吧? 飯很多, 不過海膽只有薄薄的一片鋪在上面, 味道也不是很濃。不會再來了

見呢間過左氣既餐廳冇乜人食 終於唔洗排隊 可以試下 黎到細細間 要搭台 店員態度一般 人手分配不足 落單都等左好耐先落到 咁岩有d係食飯時間 直程理都唔理 海膽係新鮮 大舊 好食 飯都係壽司飯 又有紫菜係唔差 不過238 其實都幾貴 如果叫埋其他小食仲貴 所以淨係叫個飯算

今日下午我們去咗旺角染布房街嘅「鳴門魚市場居酒屋」食下午茶！我們叫咗雜錦魚生飯同油甘魚拌香蔥三文魚蓉飯嘅擺設賣相好色彩繽紛吸引同份量十足，刺身相當新鮮嫩滑，味道好鮮甜！跟餐配廚師沙律嘅沙律菜好新鮮清甜，牛肉湯烏冬嘅烏冬好煙韌彈牙，牛肉嘅肉味好濃郁！蒲燒鰻魚飯嘅鰻魚肉質相當嫩滑彈牙同肥美肉厚，而且都幾大塊，以下午茶時間嚟講，真係幾抵食！鯖魚定食嘅鯖魚外皮燒得好香脆，肉質相當結實彈牙！松葉蟹肉鮮帶子滑蛋飯嘅蟹肉味道好鮮甜，帶子嘅肉質好軟滑，滑蛋相當滑溜，醬汁嘅味道亦唔會好鹹！燒鷄翼燒得好香脆乾身，肉質亦好嫩滑，唔會有好油膩嘅感覺！

今日六叔六嬸嚟咗探我們，之後夜晚我們去咗之前食過覺得幾好同有扭蛋機遊戲玩嘅旺角染布房街嘅「鳴門魚市場居酒屋」食晚飯！由於我們5個人，所以可以扭蛋2次！今次我們扭到漁市場刺身拼盤同壽司拼盤「12件」，雖然都係用$1扭蛋出嚟，但出品質素絕對唔馬虎，刺身壽司嘅款身都幾多，而且相當新鮮嫩滑，味道好鮮甜！我們另外再叫咗特上赤蝦海鮮飯同山葵醬油碎粒魚生飯嘅賣相好色彩鮮艷吸引，材料非常新鮮，而且份量十足！燒鷄翼燒得外層都幾香口，肉質都幾軟滑！鰻魚飯嘅鰻魚肉質好嫩滑彈牙，米飯亦幾軟熟！石鍋博多湯豬軟骨烏冬嘅烏冬麵質非常軟滑彈牙，豬骨湯底嘅味道相當鮮味濃郁！石鍋溫泉玉子芝士豬軟骨飯嘅豬軟骨肉質好鬆化軟滑，軟骨好腍身，味道好香甜入味！

嘩！！！！！！三色海膽(北海道海膽，加拿大海膽，韓國海膽。)中間有隻生鵪鶉蛋外觀100分(正價也要食)三款海膽好鲜甜新鮮，無腥味！入口即溶的感覺，好滿足，飯碗细左d(但足夠拌匀海膽食)，飯加左醋(醋令到白飯更香口)原隻鱿魚燒得好靚(燒汁令鱿魚更香口)，配上白色醬汁食(更加鲜甜)，鱿魚肉質滑口這間的芥末(辣)加少少落海膽飯食，已經好攻鼻餐牌好多選擇，可惜今日無返新鲜生蠔整體食物味道出色，店員(全店)都充滿笑容和有禮，這點加滿分p.s. 少少美中不足，係匙羹有白点的污積，再換的匙羹，也有白点(自己用濕紙巾抹掉)，客人用餐的碟子角位已破裂，(應該更換無缺的碟子)這兩點需要細心dp.s當然服務態度滿分(店員有主動添水，落單一目十行(不會視而不見，不會只顧交談，這點挽回桌上器具外觀的負評)

嗚門係一間唔錯嘅日式小店 一於分享下我哋當日食咗啲乜嘢嘢啦！一來呢個重頭戲，一定係刺身拼盤，好鍾意嗰個甜蝦。味道鮮甜，油甘魚也是不錯呢，味道新鮮清甜而且肉質軟身，魚油香重，其他刺身也是不過不失。朋友話嗌呢個三文魚魚頭share食，魚頭燒得剛好，不會太焦，鎖住肉汁，魚肉鮮嫩，連個眼球都食埋。然之後叫咗呢個阿吉豚餃子，熱辣辣咁樣上枱，餃子好應該一啖食咗佢，肉汁多多 ,餡料亦都非常之豐富，豚肉粒粒好有口感，吸引致極。之後嗌咗呢一碟芝士年糕，芝士飽滿，都冇乜特別haha.雞泡魚乾點上他他醬非常之好食。有人話睇一間日式小店的手勢，點好，係睇佢嘅玉子煮得好唔好！呢間自家製櫻花蝦蟹肉玉子燒整得非常之唔錯，水分充足而且味道剛好，很滿足還吃了一壺清酒煮蜆，蜆肉非常之大隻粒粒和飽滿，一定可以大飽口福。火炙左口魚壽司好好食，入口即溶，一定要試下！特別欣賞個燒魷魚筒，覺得非常之好食，燒汁簡直係絕配，而且唔會話un，比想像中林和好食。

今晚我們去咗旺角染布房街嘅「鳴門魚市場居酒屋」食晚飯！餐廳門外放咗扭蛋機，店員同我們講話用$1就可以扭到唔同食物嘅驚喜！本人扭到個漁市場刺身拼盤，真係好開心！漁市場刺身拼盤係用幾款唔同嘅刺身組合而成，而且都幾新鮮！另外我們叫咗特盛海膽飯嘅海膽份量相當多，所以賣相非常吸引，味道好鮮甜軟滑！自家製櫻蝦蟹肉玉子燒嘅玉子燒得好香甜軟滑，一層一層嘅玉子包著蟹肉，口感相當豐富！燒七味魚乾燒得好乾身，味道好惹味！阿古豚豬手嘅豬手好腍好軟滑，而且吸收晒醬汁嘅香甜味！燒日本鯖魚嘅外皮燒得好香脆，肉質好實好嫩滑！鰻魚飯嘅鰻魚肉質好軟滑彈牙同好肥美肉厚！山葵忌廉醬拌海鮮冷稻庭烏冬嘅烏冬相當軟滑彈牙，帆立貝好鮮甜嫩滑，醬汁有山葵嘅香味，感覺都幾特別！

鳴門已經唔係第一次聽，之前出過$98海膽飯，而家又有$1扭蛋活動今次朋友生日就特登去食，因為我地都好中意食日本嘢，但由於我地太夜去$1扭蛋已經無得玩啦😭先唔好講食物質素，去個陣落大雨，我著住短褲涼鞋，一入去，經理好細心咁遞上熱茶，濕紙巾比我抹下我地唔知食咩好就叫經理推介，佢話不如開一條魚食，我咁大個女都未試過咁樣食系縒鯛，經理話佢係日本紅衫魚😁估唔到幾好食，肉質爽口，完全無腥味，可以配佢個酸汁，味道會更好我地另外叫左d刺身刺身每款有4片，全部都好新鮮好厚肉好爽口鮮貝柱$68，生赤貝$68，三文魚$58，甜蝦$68仲有透明個果係水母刺身$88/客，好有驚喜，從來都無食過，原來個質感好似蒟蒻，好爽我地再加多個特盛海膽飯$238海膽愛好者必點！海膽有韓國同加拿大，海膽好甜，飯都好多，我地4個人share就岩岩好

網上見其他人話佢地個海膽飯唔錯, 所以突登係生日果日去食個海膽飯拎到埋來, 有小小愕然心諗唔係呀化, 2百幾蚊咁細碗既 (size係同我地平日食飯既碗差唔多)同埋上網睇, 中間係有隻蛋老實講, 海膽份量都算係咁但入面既飯塞到好實我真係唔知應該贊定彈好一句講晒:試過就算

海膽控必食，之前排隊排到顛的3色海膽飯，最後都係冇去排特價去食，不過正價一樣ok的，都值得去試！位唔算好多，所以最好唔好walk－in，因為有得book位的～講下野食先～3色海膽飯 － 最重要要去食的緊係3色海膽飯啦，海膽夠多不在話下，但好緊要的係海膽的質素好高呀！鮮味甜味都有！！！自己食晒一碗都得呀！！佢又唔會飯多過海膽，每一口都係一兩舊海膽撈啖飯～正丫！！！！！清酒煮硯 － 個湯真係好得～好香又好有鮮味，又甜～不過硯唔多，同埋肉唔算係好大隻，不過相比一般的都高分的～燒3文魚頭 － 要讚丫，因為以為得個頭食，錯喇～除左個頭後面嫩滑的肉外，佢唔止個頭ga，仲有埋個鮫ga，所以好多肉食，又好滑所以抵食又開心～

來這間餐廳是被這個海膽飯吸引了，份量真係幾十足，海膽幾鮮甜，無腥味，不同款的海膽有不同味道和質感，口感頗豐富。因為不是特價時段來，收正價$238, 價錢算fair, 因為只是小碗裝。吃一個海膽飯當然不夠，還叫了個雞翼和幾片魚生。雞翼頗香口，漲卜卜，加上幾滴檸檬汁，香味更突出。魚生則不算太有鮮味，但因為厚切，口感也不錯。

作為海膽超級fans。之前睇到介紹期間限定$98蚊一碗海膽飯時一直好想試。不過聽講要排兩個鐘先食到仲要係宵夜時間真係搞唔惦。唯有等優惠完左先用正價試。正好朋友一個月一次約食飯。一個星期前book 左枱星期五晚飯7點半。開始以為一定會好多人。原來都唔算好爆（可能好多人都試過了熱潮過左）。兩人一坐低唔駛講野一人一碗三色海膽飯 。 其實本來抱住冇乜驚喜既心情黎食下海膽。因為呢個價錢估計唔會比靚野。估唔到個飯黎到既時候又真係同雜誌介紹既相差唔多WO。三種海膽。面有一隻月見鵪鶉蛋再加白飯水。個飯size ok。 作為一個算係大食既男仔都夠食（雖然食完冇幾耐都係有D餓）。女友人就唔係好食得曬D飯。先食火灼海膽，甜度ok 略帶甘味。跟住食馬糞海膽都幾creamy, 唔會腥，幾甜幾新鮮。 加拿大海膽就比較彈牙，不過唔係我杯茶。 三種海膽都試完就開始撈飯食。就好似平時食茶記窩蛋免冶牛飯咁食。因為海膽都算多,飯同海膽比例大概4：1，所以都食得幾過癮，不過就可能有D齋。唯一唔滿意係三塊跟飯既紫菜有D淋唔夠脆。本來諗住再叫多個小食。但我地兩個食完個飯都唔係好食得落其他野。不過總算達成我地黎既目的。都幾滿意。最

是咁的，今日同三五知己聚一聚，本身想食竹筒飯，但超多人等位，唯有轉去呢間日本野一試。星期六都有lunch set一坐低，先來一客沙拉消消暑。味道可以，不過內有西瓜，如果用番茄可以會好食d每個set 都送小食。刺身都幾好食，而雞翼都不過不失喇。壽司定食，價錢相宜，質素ok，起碼冇腥味，但談不上勁好食囉。沖繩豚肉飯，我個人好欣賞燒豚肉，好juicy，唔會乾，好味。可惜飯少了醬汁呢⋯至於呢個吉烈豬扒咖哩飯，d咖哩少少spicy ，大家應該接受到，overall ok，對女仔可能分量較多喇！總結：如果大家等唔到食竹筒點心，可以選擇一試，不是伏但要預左冇太大驚喜Ps:多謝K朋友，令我有返寫食評既動力

There is no better thing than having a generous bowl of uni don on a Friday night. We come to Naruto Japanese restaurant in Mong Kok, located at the place where many good food can be found here.Thick-cut salmon sashimi, live akagai and the palm-size fresh oysters, the sashimi are stunningly displayed on a bed of cold ice. The oysters are super fresh, tastes subtly salty and perfectly sweet.The crab meat stuffed tamagoyaki is grilled with an obvious taste of dashi stock, serve with a sprinkle of

三色海膽飯9/10😍滿滿的海膽，加上一隻生雞蛋，十分吸引。海膽甘味濃郁，鮮甜可口，甘甜味齒頰留香，有爆炸性的視覺和味覺享受。其他壽司都非常美味，尤其喜愛火焰壽司。刺身拼盤7/10⭐️魚生都算厚切，甜蝦新鮮，如果那舊Wasabi可以辣一點就更好。可能因為Wasabi已放了一段時間。