影片
和男朋友提早庆祝圣诞，我们去了尖沙咀亚士厘道的鸣Fusion食日式放题。上次去过觉得味道不错，款式又多，今晚再来一次。我们订了晚上七点，任饮任食两小时。坐下侍应递上餐牌，选择食物，写下食物号码和数量，然后入单。最值得一赞是落了几次单都没有漏单。先叫前菜，要了芝麻菠菜，蟹子沙律和中华沙律。芝麻菠菜毫不油腻，加上日式芝麻酱，令本来平平无奇的菠菜更添美味。日式放题当然少不了寿司和刺身，每款都叫了些，这里有花之恋寿司，肥美三文鱼厚切大大片，好好味。这里也有供应赤贝寿司，通常任饮任食都不会有赤贝这类高价货，赤贝虽不是很大片，但吃下去也很滋味。串烧类我最喜爱甜蕃薯，男友则说烧虾最好味。蕃薯个子小小，一口一个。烧过后有蜜汁流出，甜甜的很惹味。另外又叫了柠檬鸡翼和炸紫薯波波。最喜爱这里可以单点数量，可以只叫一件。因为男朋友不喜爱炸物，所以我可以只点一件，太好了。柠檬鸡翼和炸紫薯波波上枱时热辣辣，鸡翼烧得蜜甜香脆，而紫薯波波则烟韧可口。男友觉得不够，又点了饺子汤乌冬，吃完就觉得非常满足。今晚我俩吃得捧著肚子离开，其实很多款都想再番叫，无奈肚子容量有限实在吃不下。下次再过来吃吧。
继续阅读
见之前好多篇食评都系讲刺身今次著重讲熟食多啲~推介呢几样1. 炸物 鸡翼、天妇罗、芝士年糕炸得好酥脆好薄，食多左都唔油腻2. 蒜香茄子茄子变成横状，系面头加上蒜粒，再配上餐厅独有酱汁3. 青口好鲜味同干净，唔会有沙4. 烧菠萝恰到好处既甜，可以系放题食下水果5. 杂菜饼用红萝卜、薯仔、其他杂菜炸既，好特别，之前未试过甜品: 雪糕、牛牛乐好耐都冇食过牛牛乐雪条啦 我的童年回忆饮品: 都有11款饮品任君选择环境 楼上舖，地方唔算大，但餐厅间隔好，都可以容纳10枱以上
继续阅读
食物选择少，漏单，刺身冇冰又唔新鲜，真系好难食，甜虾完全吞唔落，上枱甩皮甩骨。乌东上枱个汤有D白色物体浮面，卖相好差，完全放不落口，第一次食放题食得咁唔满足，十级伏冇下次。
继续阅读
下课既钟声响起了，我又出动我既小云脚去揾位啦！前几日见到易拉架推介上楼日本菜，仲记得间餐厅我食过架tim！于是就推介d同事一齐去帮衬∼午市佢无做放题，全部食Set，我叫左个寿司拼乌冬餐，本来都知道乌冬不会是大碗的，唯有期望下寿司啦，寿司难食的精况是不能用笔墨黎形容。寿司d珍珠饭系硬架，系放入冰格冰过个种硬，咬落去真系牙都辛苦了！完全无味，无醋味，刺牙系完全感受到佢唔新鲜，同埋硬！三文鱼唔滑唔肥美，仲要可以无味架，食左一半已经唔想再食...乌冬最正常，超市无味乌冬无得输！野饮真系把鬼，吹三次都唔黎，最后埋单走话减两蚊比我地？想点呀？呢间...从此黑名单！
继续阅读
又系星期五⋯系时候发掘吓新嘢食👍一行八人踏上不归路🙈因为第一次试，我都系叫一啲稳阵啲既嘢食啦（我好容易肚仔痛），叫咗滑蛋吉列猪扒饭。真系好稳阵，因为佢起码啲𩠌系新鲜整既，食得到蛋系热既，但系完全无味🙈系一粒盐都无落𠮶只，啲饭食得出系隔咗夜既，食咗啲𩠌同少少饭我就放弃咗啦。俾起其他同事叫既⋯其实我都算好彩🙈有同事叫咗寿司拼乌东⋯目测寿司系过夜既，放咗好耐抽干晒水⋯另外一个同事叫咗刺身定食，佢真系黑仔，刺身既薄切程度可参考争新既三蚊寿司上面旧鱼生⋯饭又系一致过咗夜既⋯有同事话之前有黎过试晚市放题系OK质素，可能黑仔选咗午市黎试🙈仲有⋯如果你系食lunch时间得一个钟⋯可能会食唔切，人手得三四个⋯得一个妹妹由头到尾由佢帮我哋落单、送餐、跟未齐嘢食都佢一脚踢⋯见佢跑黎跑去好辛苦⋯茶水慢到一个点🙈张张枱都摧嘢饮。我哋呢啲赶头赶命返公司既打工仔⋯都系唔适合呢间餐厅既节奏😑
继续阅读