鴻仔記車仔麵 (禾輋邨)

营业中

休息中

車仔麵作為香港飲食文化代表之一，亦系香港最常見既民生小店。今次小編就帶大家黎到沙田，同大家介紹一間位於屋邨角落既車仔麵 一 鴻仔記車仔麵 @hungscartsnoodles小店既裝修好有舊式茶記既味道，位於屋邨入面，做既始終系街坊生意。🌟六餸車仔麵 $68自選六餸，有種車仔麵自由既感覺牛腩、豬皮、雞翼、魚蛋、貢丸、牛丸、腩汁、油麵🌟四餸車仔麵 $45蘿白、貢丸、雞翼、豬扒 (+$5)腩汁、油麵牛腩燘得夠淋、雞翼滷得幾入味，豬皮亦幾爽口🤤📍鴻仔記車仔麵 (禾輋邨)地址：德厚街3號禾輋邨厚和樓地下SU19-20號舖#沙田 #鴻仔記車仔麵 #鴻仔記 #車仔麵 #留港消費 #支持小店 #覓食沙田 #食在沙田 #良心小店💛 #為食關注組 #沙田食乜好 #香港美食地圖 #九十後行到邊食到邊 #HKIG #HKIGER#HONGKONGFOODIE

📌沙田車仔麵文化源於六十年代既香港，縱歷經時代變遷，風雨飄搖依然屹立不倒，作為香港古早味飲食文化之一，當然值得同大家介紹下。今次平民食堂就黎到沙田，想同大家介紹返一間平民車仔麵小店 一 鴻仔記車仔麵 @hungscartsnoodles小店入面無乜特別裝修，偏舊式茶記格局，一睇就知主打街坊生意🌟四餸麵 $45蘿白+貢丸+雞翼 +豬扒 (+$5)腩汁+油麵雖然OP上面好多負評，但系我又覺得未至於伏，水準正正常常，反而最有驚喜系油麵吾會太油膩📍鴻仔記車仔麵 (禾輋邨)地址：德厚街3號禾輋邨厚和樓地下SU19-20號舖#沙田 #鴻仔記車仔麵 #撐小店 #小店系列 #沙田揾食 #鴻仔記 #平民食堂 #平民美食 #良心小店💛 #星星和你食 #星星帶你食#foodie #hkfood #hkfoodie #foodiehk

**沙田區禾輋邨的高性價比車仔麵 - 鴻仔記車仔麵！** 📢🍜 **性價比超高**：雖然鴻仔記唔係啲咩大牌子，但係性價比真係無敵！三餸車仔麵只需$30，四餸都只係$38，真係平到笑！更加加餸都只需$45，抵到冇朋友！🐷 **豬紅大腸炸雲吞車仔麵**：呢個真係一絕！豬紅嫩滑，大腸脆口又有嚼勁，炸雲吞香脆可口，每一口都係享受！🍗 **柚子雞翼**：柚子雞翼嫩滑多汁，味道獨特，唔會太重口味但又好有層次，真係令人回味無窮！🦐 **蜆介鯪魚球**：蜆介鯪魚球非常有特色！蜆介鮮嫩，鯪魚球彈牙，每一口都充滿鮮味，仲只需$30左右就有交易，真係超抵食！🥢 **蒜泥白肉**：蒜泥白肉香氣撲鼻，肉片薄而滑溜，蒜泥嘅濃郁香味令人一試難忘，好滋味！📍 **店舖地址**：沙田區禾輋邨 厚和樓⏰ **營業時間**：十點半至凌晨十二點半📸快嚟熊仔記試下呢啲美味嘅車仔麵啦！#熊仔記車仔麵 #沙田美食 #車仔麵 #香港美食 #豬紅大腸 #炸雲吞 #柚子雞翼 #蜆介鯪魚球 #蒜泥白肉 #性價比之王 #抵食推介希望合你心意！🍜😊

食完一個鐘之後肚痛，立即肚瀉！！千祈唔好食！食完會後悔 ！！味道又唔係好食，個湯底明明叫沙嗲，但係無味道係清湯黎！d餸又求求其其咁！以後都唔會幫襯呢間嘢！！！！！

諗住做完運動喺附近食返d野 點知中伏 超級難食 係無一樣野放倒入口放入口果D希望夜晚唔會肚屙溏心蛋 有陣味 而且唔係溏心 仲衰過喺7-11買包裝好嘅果款同老世講 換過隻比我地 但都唔係溏心嘅 佢果款叫鹵水蛋而且係好難食嘅鹵水蛋叫左碟孜然雞翼 隻雞翼好明顯無冇醃過就咁拎去炸 仲要係唔知翻炸左幾多次 然後倒一堆孜然粉上去 呢個就係佢地嘅孜然雞翼車仔麵個湯 係清水黎嘅 完全無味 成碗野好似就咁掉落去用滾水淥熟就上枱 係咪痴左線 呢間野點解仲可以營運

呢間之前有食過幾次，食物ok, 今晚去買外賣，有個負責食物員工沒有戴口罩，black list! 無下次！係疫情既情況下，衛生做得咁差，唔怪得堂食無客啦，早執早著！！

食物比之前差好多，價錢又唔係平過人。依家唔知點解轉晒d後生仔收錢同執野，態度差，串串貢，不知所謂。以前d呀姐係到時不知態度幾好。鴻仔記無下次，禾輋仲有另一間車仔麵選擇。

員工態度不知所謂我入去食野，個阿姐同我講，我要做d 外賣，你等得就等啦！我問要等幾耐，佢話唔知！我問佢係咪唔做生意？佢話：唔係呀，咁我要包d外賣呀，你唔好嘈住我先啦！嘩，我真係火都黎，咩態度呀而家？我問佢地咩態度，佢仲趕我走，話唔做我生意，入面兩個阿姐都係咁呢間野完全不知所謂，唔洗再幫趁！其實佢之前d阿姐都唔係好架，都係晦氣，不過有時諗住食下腸粉燒賣，食完就走都無諗過要佢点樣好服務，但今日直頭一入去已經想我走咁,覺得我阻住佢做外賣，真係完全趕客囉佢地，呢間野個老細係咪唔休做？

首先本身係買一啲好簡單嘅食物！腸粉加燒賣入到去問腸粉點賣，佢話自己睇過牌，哦！$10-3條……$16-6條我就同佢講要九條，佢話$30！我問佢點解，佢話$10有3條，9條咪$30！我就話你都好有道理，我唔知你個腦諗乜嘢，我淨係睇住個餐牌嚟叫！佢睇完個餐牌之後冇嘢講！我話加多5粒燒賣，放埋一齊喺個外賣盒！返到屋企諗住享受腸粉燒賣，點知腸粉唔夠熱，燒賣直情係凍，我要攞去反蒸！如果你咁冇心機去做，覺得腸粉燒賣搵唔到錢，你就咪鬼去賣！食到我小朋友肚痛，我即刻去保食環署！不知所謂！

鴻仔記車仔麵我成日都幫襯，我都覺得啲食物都ok。但係近排間鋪啲員工就成日做錯野，例如近幾次去買車仔麵，我點嘅餸佢地全部攪錯哂，叫佢加啲沙嗲醬佢就比左麻辣醬😤咁嘅服務態度，求求其其，真係好似唔想做咁，仲要加埋價添 ，唔怪之得近排少咗人幫襯佢啦，希望佢哋會改善下啦，唔係我都唔敢再去幫襯囉😮‍💨

在沙田禾輩商場旁邊的角落，有一間不算起眼的店舖，寫著「鴻仔記車仔麵」。認真，如果不是OpenRice，村外人根本不會找到這地方。它在九龍和新界有其他分店，這間是沙田其中一間店舖。更曾因推出「$60車仔麵放題」而遠近馳名，成為熱話。和其他車仔麵店擠逼、背貼背的環境相比，這間店的環境非常舒適：店內空間感充足，不會因想做更多生意而故意放置更多座位，部分位置設有梳化卡位；光線柔和，令顧客雙眼感覺舒服；廚房旁更設有夾公仔機，供小朋友和大朋友玩樂，在寸金尺土的香港非常罕見；電視剛好播放港台電視31的「識多一點點」哲學節目，令整個環境充滿寧靜而帶點學術的氣息。整體來講；店舖的環境行少許懷舊簡約風，而且員工彬彬有禮彬彬有禮，未開始享用麵食已經令我留下深刻印象。這也是不少車仔麵店忽略的地方。今次點了河粉，配料是牛腩、蘿蔔、泰式魚餅、炸魚肉雲吞，配以辣菜脯、腩汁和蔥花。飲品點了百香果紅茶。河粉夾上手，已覺得非常幼細，而且晶凝剔透、香滑，口感一流。牛腩尚算入味，脂肪和肉的比例平均；泰式魚餅普普通通，如果有少少辣度會更惹味（例如提供泰式辣醬）；炸魚肉雲吞的皮頗爽脆，如果魚肉的比例多少少會更佳；令小雞覺得有驚喜

連鎖車仔麵店鴻仔記原來共有六間店，主要集中喺新界區。呢度嘅四餸麵 $39，可以揀一款貴餸三款平餸，貴餸我揀咗蠔皇花膠😍，花膠細細抽，一滑入口，半秒就已經 KO 咗，好滿足🤗，三十幾蚊個麵就有花膠食，實在不能要求更多啦😂。其餘三款餸我揀咗咖哩魚蛋，炸魚皮同蘿蔔，前兩者正常水準，至於蘿蔔呢🤔，比起孖寶車仔麵，呢度嘅蘿蔔顯得失色少少，雖然夠腍，但係甜味就弱咗啲啲。特別想講下呢度嘅醬汁，除咗常見嘅辣汁，咖哩汁，沙爹汁，腩汁之外，仲有比較少見嘅瑞士汁，頭三款醬汁仲有五個份量可以揀，我揀咗中量嘅沙嗲汁，上枱時有啲似一羹杰身嘅沙嗲醬，將一半撈落個清湯度，另一半點蘿蔔同炸魚皮食，滋味無窮😋，再叫多杯咸檸七，就係一餐豐富嘅晚餐😌。

正常車仔麵 唔算極好味 都重重哋味精不過貪可以openrice落單 去到即拎唔駛等買過十幾次外賣試過兩次俾漏餸雖然好少出錯但都應該小心留意下畢竟外賣冇得即時講 唔通即場檢查咩俾漏嘅仲要係特登再另加嘅咖喱魷魚 最鍾意嘅餸TTsosad

呢間車仔麵位於屋邨地下位置，感覺衞生程度唔太好，晚市時間亦只得兩三檯客人幫襯。🙈🙈.「四餸麵」自由配搭 隨你喜歡😆 $39我揀咗辣魷魚、豬紅、蘿蔔、魚蛋，幼麵，瑞士汁。🍽：首先要讚嘅係麵同餸嘅份量算多，但味道就真係一般，蘿蔔偏腍，辣魷魚唔辣，所以唔好期望太多。😂.「孜然雞中翼」$30🍽：雞翼外層灑上好多孜然粉，都好夠味，不過開頭唔知係炸雞翼，建議餐牌應該寫明係炸雞翼。💁🏻‍♀️雞翼內都仲可以保持肉汁，呢樣唔錯。

今日喺沙田做嘢 所以尋找下附近有啲咩美食由於食飯時間得好少所以要好急速咁搵嘢食喺禾輋邨地下近冬菇亭搵到一間車仔麵店於是就入去坐低啦入邊嘅裝修就好似普通茶餐廳咁冇乜特別睇完個餐牌就嗌咗個豬紅 牛筋 餐肉粗麵 加辣等嘅過程又唔係好耐嘅大概五至6分鐘到就到我食車仔麵慣咗飲湯先 因為湯底先係精華其實真係好普通 佢個辣湯底淨係加辣椒油喺底呢下有啲失望 啲餸都係普通貨色不值一提成碗份量都唔係好多啱女仔食如果你係當下午茶咁食都可以嘅試過一次就算唔會再試🥱