鴻圖樓茶餐廳

营业中

休息中

位於觀塘的中式酒樓，有點心、碟頭飯、午市套餐如中式飯、炒粉、蒸飯、炆米，還有炭燒燒味飯。餐牌還有下午茶特價推介，套餐還附送熱飲，價錢蠻實惠。外賣的份量也相當大盒且足料。午餐精選：咖喱牛腩飯這個可以配飯或是意粉，白飯塞得滿滿的，飯粒乾身、分明。咖哩牛腩炆得軟腍入味。有彈性；醬汁濃稠，帶椰香，微微滲出辣勁。港式香濃咖喱配白飯，開胃非常。雙併燒味飯套餐：炭燒脆皮燒肉併燒鵝飯餐廳有自家出品的炭燒明爐燒味，燒肉表層烤得脆脆硬硬，焦香，厚實。燒鵝皮帶油香，有光澤，肉汁蠻多。雙併的燒味飯盒價錢親民，質素不俗。

🍽鴻圖茶餐廳呢兩日個個都喺度搶糧，放工嘅時候街市同超市嘅餸都俾人買晒咁滯( ´▽｀)今晚我決定都係放工嘅時候順便買埋外賣返屋企食😹呢度嘅燒味雙拼飯大大盒又足料，都只係$50多啲，而且外賣仲有個好處就係食淨左可以即刻雪返入雪櫃留返第二日再食，啱晒我呢啲需要少食多餐嘅人👍我哋今晚叫咗：🍚叉燒燒鴨🍚燒肉油雞佢哋嘅叉燒好香蜜汁味，而且肥瘦適中，亦都唔會太乾爭爭。而燒肉亦都好值得推介，即使係外賣，行咗一段距離先返到屋企，但係個皮依然係脆嘅

🔸觀塘同牛頭角附近返工或者住嘅朋友都可以留意下，呢間茶記下午茶做緊$28起，講緊唔係茶餐而係真係成個飯😁中式飯有，燒味飯有，個時段係1:45pm - 5:30pm，所以食個late lunch又得，整返個early dinner又得👍🏻🔸今次食咗兩款燒味飯，佢地係自家製燒味，唔係外購返嚟，所以有質素保證，水準中上夠肥美👍🏻～而飲品都整得幾好，性價比十足！不過都要一提，佢始終係茶市碟頭飯，份量唔係午市果啲咁大份，如果女仔食應該都已經可以當晚餐夠飽，男士可能要加多小小嘢咁

臨近1800hrs代表咩？代表無得堂食！咁就唯有買外賣返屋企慢慢嘆！叉燒白切雞飯燒肉白切雞飯仲有例湯送！不得不先讚下燒肉！又點估到咁晏食都依然脆口！因為通常好多餐廳都係朝早整完就到尾所以好有理由相信係賣得好好賣完再整 所以先咁新鮮脆皮！叉燒有咬口得黎又好juicy！吾會好乾好柴已經好西利！白切雞，鮮嫩滑溜，雞皮又爽脆！係丫！爽脆！唔知你地有無試過。但爽脆黎形容真係最貼切！例湯，足料又夠濃，夠哂熱辣辣！40蚊一個飯一個湯燒肉仲係脆既 已經無野好挑剔！下次繼續食！

今日晏晝同表姐去開觀塘買防疫物資，行到攰攰地，搵吓附近有咩嘢食，見到依間鴻圖樓茶餐廳d燒味好似幾正，環境都好闊落同埋乾淨，就同表姐入去食返個tea。切雞油雞飯白切雞諗住冇咩特別，點知佢鹽味夠平均，肉質都夠嫩滑，再加上配埋薑蔥食，味道一流！至於油雞色水好吸引，食落果然夠入味，而且肉質嫩滑，唔多肥肉，整體都好好味！本身以為份量會好大份食唔晒，點知好味到一食就食得晒！😆😆乾炒牛河這碟乾炒牛河既河粉炒得乾爽，而且都條條分明。河粉、牛肉、芽菜都有火辣的鑊氣。即使落左好多油去炒，底部也不會油浸河粉，冇好油膩既感覺。仲有跟餐仲送兩杯嘢飲，分別係凍檸茶同熱阿華田，兩杯嘢飲都大大杯，啱晒好肚餓又好口渴嘅我哋！

今日要去觀塘買野，行到攰想食個tea休息下，經過見到間茶餐廳內部很闊落又有綠色美麗既牆壁，所以就入左去試試，下午茶時段3:30-5:30pm 只限$28，凍飲加$3，真係平到好難相信。雪菜煙鴨絲炆米雪菜火鴨絲炆米就食得多，煙鴨絲就第一次食，又幾特別喎，煙鴨絲份量都算幾多，米粉軟硬度適中，又吾會炒到碎曬咁，雪菜又吾會太咸，味道適中。菠蘿雞粒炒飯炒飯炒得夠乾身，粒粒分明，配料有雞粒、菠蘿、蛋絲同翠玉瓜粒，味道吾重口味。

鴻圖樓是OT恩物, 以前買返公司食, 而家冇堂食, 雖然都會自己煮, 但燒味真係要出去買!見到個外賣膠袋寫住早午茶市, 麻將耍樂, 喜慶酒席, 再對比而家條街冷冷清清就sad了😫叫左兩個雙拼飯, 盒每個加$1, 唔係發泡膠而係透明膠盒, 感覺比較好燒鵝醬同燒肉芥末都係小包裝, 幾方便燒味份量唔錯, 呢個地段五十幾蚊黎講都幾多盒中配左兩條菜同薑蓉燒肉叉燒 $54叉燒偏瘦, 唔太腍反而爽口! 蜜味夠重燒肉皮脆, 脂肉分明切雞燒鵝 $54切雞好滑! 配薑蓉好香燒鵝皮油香好重, 肉較腍身

疫情關係一係外賣一係自己煮餐餐都係老公煮又唔想佢咁辛苦於是今日呢想斬料減輕下佢嘅工作量嚟咗觀塘最出名嘅鴻圖樓茶餐廳選擇多，快靚正佢嘅燒味簡直係招牌揀咗叉燒燒肉反同燒鴨油雞飯佢嘅價錢非常之平民化遠遠見到有條龍證明佢真係抵食佢嘅飯粒粒分明雞肥瘦適中，而且非常滑叉燒半肥瘦， 夠香夠蜜汁燒肉調味適中， 骨唔多 ，皮脆肉嫩 鴨就更加出色炭燒香味，肉質嫩滑配埋甜酸醬簡直無敵 隔離仲有幾條菜心 包保大家飲食均衡，身體健康總括而言:平，靚，正

呢間茶餐廳燒味非常高質價錢亦都好親民依家疫情嚴峻晚市無得堂食😭買個燒味飯翻屋企食🏠🔸叉燒燒鴨飯 $54食燒味飯點可以唔食叉燒，呢間餐廳嘅叉燒燒得好靚，肥瘦好平均，色澤亦都好靚，食落好juicy。燒鴨皮好香口，肉質嫩滑，配埋甜豉油送飯一流👍🔸燒肉切雞飯 $54今次非常幸運！食到雞髀😍切雞髀肉非常嫩滑，食落有好香嘅雞味，配埋蔥溶真係無得彈。燒肉亦都係我最愛之一，佢嘅燒肉皮好脆，舊肉亦唔會太多肥膏，非常好味👍

早幾晚去觀塘行街,之後好想食燒味,路過見到呢間餐廳除左有燒味仲有三餸飯,抗疫期間夜晚外賣仲好抵45蚊炸。餐廳入面都幾闊落,而且樓高3層,地面果層係茶餐廳為主,有綠色植物既牆身設計,如果日頭黎食仲會有點心,小炒果D選擇。今次就買左雙拼燒味飯,一盒叉燒油雞飯,叉燒肥美又JUICE,叉燒燒得好香,好好味,油雞都幾嫩滑,而且飯盒黎計都算幾大盒,岩晒胃口大又大食既人,另一盒係燒肉燻蹄飯,燻蹄都幾多片,燒肉就用五花腩半肥瘦,仲有西洋菜豬骨例湯飲。

Already not knowing what to eat for dinner tonight, I walked past this roasted meat cafe and was attracted by their meat displayed on the window. Hung To Café was located at Hung To Road, several minutes walk from Ngau Tau Kok MTR.They offered a wide range of meat such as chicken, pork, duck, goose and ribs etc.Boiled soup was clear and sweet in taste, with no MSG tasted. There were alot of vegetables in it, which was crunchy and soft. Roasted duck and Chinese rose wine & soy sauce chicken with

好耐無食過燒味飯，突然好想食，係觀塘放工行過鴻圖道見到呢間茶餐廳有燒味飯賣，價錢又唔貴，解決左今日一餐☺️☺️🌟燒味飯 $54自選兩款燒味，要左燒肉同切雞，燒味個樣都幾靚仔，燒肉係半肥瘦，豬皮濃邊焦香，食落脆口😚，肉質唔會韌，咸香適中。切雞肉質嫰滑，相當肥美，配埋薑蓉，非常惹味😋🌟咖喱牛腩飯 $55外賣盒比出面既大盒，咖哩牛腩份量好多，牛腩軟淋，唔會韌，牛肉味濃郁，咖哩微辣，味道香濃！咖啡汁撈飯食真係一流🤤🤤以上餐套奉送熱飲一杯，凍飲加$3！咖啡、熱檸茶都係茶餐廳水準！👍🏻📍鴻圖樓茶餐廳 (觀塘)觀塘鴻圖道30號2至3樓

地址－鴻圖樓茶餐廳觀塘鴻圖道30號2至3樓係冇堂食的日子呢段時間，雖然多左D煮飯的機會，但煮得多都會進入”滑牙”的狀態，需要間中食下外賣黎帶一點新的衝擊，靈感 (一定係)，順便休息下XD，咁今次我就揀左燒味飯作為今日的主題。💋叉燒燒肉飯，今次D叉燒部位唔錯，唔會太肥之餘又幾有咬口，食落唔係瘦叉燒的痴牙感，加上有淡淡的蜜糖香味，配搭唔錯，而燒肉都幾值得欣賞，我拎回家都有一定的旅程，回家後準備開枱後至食都保持到塊皮都幾脆身，咬落去會發出聲音，而且我好怕佢D肉係好鹹，但呢度好彩唔算話太鹹，幾好。💋切雞燒鴨飯，佢D切雞咁岩又揀中我想要的位置(心心眼中)，所以食落皮爽肉嫩，啖啖肉咁，正，而佢燒鴨同燒肉一樣都做到皮脆肉厚，配埋酸梅醬一齊食，味道提升唔少呢！

鴻圖樓喺觀塘好出名ga哩度係好歡趟嘅餐廳&酒樓有兩到三層咁高之前成日同同事嚟飲茶而家喺G/F茶餐廳食😋😋入餐廳見到有好多卡位、圓檯 坐邊都確保你睇到電視！隨便揀隨便坐 地方闊落！（如果你冇打針 餐廳might reject 堂食嘎）我好鍾情佢哋燒味飯嘎次次睇住廚師切燒味再裝飯睇到口水都流⋯⋯今日嗌咗份E餐豉椒蒸排骨飯配老火湯分三個外賣盒裝 分別白飯/餸：排骨/湯首先飲啖老火湯先，打工仔想有啖湯其實好易😙搵啱餐廳就解決咗個問題，哩碗至少煲咗10個鐘頭，好濃味，材料足！👍另外個餸好香，加上好多汁撈住d白飯嚟一齊食好juicy！豉椒食落去有少少辣口嘎😉整體仍然滿意😃

今日想偷懶，唔想煮飯😂收工經過鴻圖樓茶餐廳見到啲燒味好似幾靚咁，買兩個雙拼燒味飯返屋企試吓先燒鴨切雞飯俾咗個燒鴨髀我，好開心呀燒鴨食落有少少炭香味，完全冇肥膏，塊皮仲有少少脆，啖啖肉真係好正！切雞肉質嫩滑，唔鞋身好想讚下佢個飯係一粒粒嘅，好食！燒肉切雞飯燒肉調味適中，唔會好咸，皮脆肥瘦均勻，而且有層次，食落好香，好食！切雞肉質嫩滑，唔鞋身，薑蔥撈埋飯食好正燒味飯嚟講真心好味職員仲好細心咁幫我將醬汁另上，返到屋企都唔使擔心令到啲飯淋咗