鴻星中菜 (已結業)

昨天跟家人叫了一個六人既叉燒魚套餐, 乳豬不錯, 第二道是魚翅, 我覺得無咩特別, 叉燒魚炸過, 麻麻地一始終都是蒸魚最好食, 炒雜菌是它的得獎名菜, 但吸引唔到我, 其他都係普普通通, 最值得一提是昨晚酒樓只有五六成滿, 但上菜的速度超快, 好似趕時間收工咁....食得唔舒服!

嘩~~咁都得！！！投訴【鴻星海鮮酒家】啦！因為你係早幾日之前，已經訂食大閘蟹套，佢冇預留大閘蟹比你，係佢做法不當。不如將不愉快經驗詳細告知〝飲食男女〞(投訴版)方法如下：1.電郵至etcac@nextmedia.com 2.連同聯絡電話傳真至2623 9302《飲食男女》會為你跟進

好離譜，早幾日訂座食大閘蟹套餐，食完第一道宗乳豬後足足等了45mins才來第一隻蟹，食完又等了半個鍾仲未來第二隻，幾經追問才說已經賣晒所有蟹，便說每人收少$18。每人收少$18？個大閘蟹套餐除開每人要$200，但無大閘蟹只扣$18！部長話係公司規矩，最後送了紅豆榚給我們算數。我地一檯十四人唔係walk in,係早幾日訂座來吃大閘蟹，無大閘蟹真係講唔過去！上菜慢，無責任感，味道麻麻...以後都唔想去食！