鴻發香港仔魚蛋粉

营业中

休息中

大明里裡面既野, 好多間都食到厭, 呢間鴻發香港仔魚蛋粉就第1次幫襯, 其實打住香港仔魚蛋粉既, 係咪都係同一個集團呢? 8點鐘左右, 冇乜人, 有好多張大圓枱, 但分佈得都几迫, 如果真係人多, 都坐得几唔自在... 我地叫左沙薑雞飯同埋什扒飯, 抵食夾大碟, $35 一個飯, 送咖啡或茶 (冷熱同價) , 賣相同味道都唔錯, 尤其鍾意既沙薑醬, 好惹味.... 碟頭飯, 對雞冇要求, 但肉質也不鞋身... 什扒飯有豬扒, 雞扒同埋一隻蛋加几條白恰菜心, 豬扒很不錯, 很鬆軟入味... 加上佢地煮過既甜豉油, 撈飯一流!

(815)大帽山城門郊野公園，環境保持天然，又是臥虎藏龍之地。這天烏雲密佈，從城門菠蘿霸出發，踏著虎蹤徑，中途入溯大城石澗，攀越一條龍瀑布，雖然途中灑了一場大雨，最後沿山徑...再經鉛礦坳來到大埔墟。大夥兒往酒樓去了，Johnny唔想飲茶，獨個兒在大埔墟內逛逛，在大明里附近，遇上這間新開香港仔魚蛋粉，便入內試試。拿起餐牌，就在考慮選擇食物之際，突然飄來陣陣牛雜的香味，所以沒有選擇招牌中的魚蛋粉，揀了五香牛雜河，另外要多碟生菜。牛雜河(23元)，牛雜有牛肚、牛腸、牛膀及牛肺，所有牛雜都炆得軟腍入味。牛肚採用的是金錢肚，咬感及味道都很好；牛膀口感味道獨特，可惜有點過腍了；牛腸充滿美味油香；也許是Johnny自少愛吃牛肺；今天的感覺...也是牛肺最好味，河粉質素就是一般的，不過黏滿美味濃湯的河粉，那有不好吃呢！生菜(8元)，普通的唐生菜，最佳助手也是蠔油，味道不是李錦記，生菜明顯的灼得過熟，口感沒有那樣爽，可幸得到蠔油幫助下，味道當然提升了。這裡是新店，雖然招牌是魚蛋粉，實在是多元化的茶餐廳，環境服務都是一般的，下午茶時間，基本上是座無虛席，光顧這裡的似乎都是街坊，店內非常熱鬧，不過有點吵耳