鴻興茶餐廳

营业中

休息中

鴻興茶餐廳一直係我兩口子的飯堂, 老火湯至正! 三十幾蚊有送有飯有湯最緊要係有個健康油棻, 以免多肉少棻營養失衡。 個人最愛釀瓜環、蝦仁炒蛋、魚香茄子煲。 釀瓜環不是每晚供應, 最好先致電查詢。

如題

呢餐都食左成兩個禮拜了,貪得意寫番個食評.鴻興前身係曲巴,曲巴次次響門口裝兩裝,一次都無食過.呢間望兩望覺得OK,睇過西環板都有人話過唔錯,決心一試.貴妃鷄 - 清清地,幾滑咖喱牛腩- 好林,好入味菜- 白恰菜,送的沒什麼要求另外,送車仔茶包+熱水,呢樣我幾鍾意,唔會有用大膠樽沖D膠味食完唔多覺口渴,又全場禁煙,做飯堂一流~其後又食多次土魷蒸肉餅+蒜蓉開邊蒸蝦,都係中上之選,唯送果碟菜打渣,不過送的,無所謂嚕.

湯好好味,足料,住家湯風味,冇味精冇雞粉(至少我食唔出),小菜也很住家Feel, 很少有這特色的茶餐廳, 晚市小菜套餐由30-35元, 有大碗湯,飯同一碟油菜,仲有杯陸羽茶包中國茶,抵食, 我兩公婆加個小朋友叫兩個餐都好飽下,只須65元, 老婆仲話以後可以多D偷懶唔煮反添.

沒有乜野期望之下去了新開張的鴻興, 晚餐是近期食的少味精之冠, 湯很好, 菜也少油, 有大電視, 白飯也可添, 家庭式--在零選擇的西區下, 佢係我的小飯堂!希望佢地可以keep住佢地的誠意啦!!