鴻仔記車仔麵 (晴朗商場)

营业中

休息中

要說香港的受歡迎的地道美食，車仔麵一定榜上有名！這間位於九龍城啟晴邨的《鴻仔記車仔麵》可算是一間隱世而又不錯的車仔麵店！平民街坊價，食物又多選擇，好抵食。今晚我買了3碗四餸麵與家人分享：1）墨魚卷、紅腸、雞腳及生菜米線2）牛舌、午餐肉、貢丸及咖喱魚蛋河粉3）冬菇、咖喱豬皮、豬紅及芝士腸營多撈麵三碗都非常好味，最喜歡鴻仔記獨有的辣汁及腩汁，令車仔麵味道提升，另外也有其他小食選擇，所以有不少街坊來幫襯！

平時都會過去啟晴邨買啲日常用品，邨入面有間車仔麵平時行過都幾多人幫襯，今晚餓餓去就入去試下，原來都幾抵食，基本$45有齊4個餸，醬汁都好多選擇添魚皮餃+泰式魚餅+墨魚丸+通菜 油麵（蔥花湯+沙嗲汁+鴻仔辣汁） $45魚皮餃口感彈牙煙韌，泰式魚餅微微辣味帶檸檬葉香，墨魚丸同樣彈牙，仲有粒粒墨魚肉，加上通菜都煮得啱啱好，唔會過硬或過淋另外醬汁選擇繁多，最開心嘅係見到無論招牌鴻仔辣汁、咖喱汁同沙嗲汁都可以揀唔同份量，啱晒接受唔同辣度嘅朋友鹹檸七 $10味道清爽，甜甜酸酸又帶啲啲咸味，消暑一流📌鴻仔記車仔麵 (晴朗商場) (九龍城)地址：九龍城沐虹街12號啟晴邨晴朗商場地下A030號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #鴻仔記車仔麵 #啟晴邨 #晴朗商場 #車

好抵食嘅車仔麵！四個餸都只係$45🌟 配料嘅選擇都唔少，又可以免費配唔同嘅汁✨但因為想食清啲，所以叫咗糖心蛋+魚肉+雞絲+菜心，配清湯❤️ ($45)首先配料嘅數量都唔少，尤其是魚肉同雞絲‼️😍魚肉好彈牙 鯪魚肉味好出 真材實料😋雞絲同菜心就正常發揮🙌🏻不過略顯糖心蛋唔太流心同少少鹹🥹粗麵比想像中彈牙 有咬口🤩可以加錢配飲品😙我就叫咗熱檸茶 ($8) 🍋 味道正常😌雖然呢間店唔係咩大品牌，但係性價比高🌟可以一次過食四個餸，質素又唔差👍🏻

啟晴邨的商場不大，我們想簡簡單單的一餐。老公想吃車仔麵，看到四餸麵也相當吸引。牛舌、牛腩、泰式魚餅、魚蛋配油麵、鴻仔辣汁、腩汁和沙嗲汁：油麵彈牙。牛舌鮮嫩，牛腩則軟糯，入味十足，湯汁吸收得恰到好處。泰式魚餅口感彈牙。鴻仔辣汁微辣，非常刺激味蕾，而腩汁則濃郁香醇，三種汁令整碗麵非常惹味。辣魷魚、墨魚丸、蟹柳、辣菜脯配粗麵、鴻仔辣汁和腩汁辣魷魚微辣，墨魚丸爽口彈牙。同樣配惹味的醬汁，湯底濃郁。兩碗簡單的港式車仔麵在口感和味道上均表現出色，配合惹味的醬汁，再看看價錢，實在抵食！

今日夜麻麻突然之間好想食車仔麵，打開外賣app就發現附近得呢一間車仔麵可以食，所以就叫咗佢嚟食啦今次叫咗幾個餸包括豬紅同埋雞翼尖仲有生根，豬紅嘅味道就唔係話非常出色，如果好怕有異味嘅朋友就可能會覺得呢個有少少重味，但我自己就接受到嘅，質地嘅話呢都係滿意嘅，另外嗰個雞翼尖就係幾好食嘅，但係就略嫌就唔係好多隻啦，如果佢比多幾隻就好啲，最後就係山根呢一個餸呢可能比較特別啲，但係我自己好鍾意食嘅，佢煮到好腍啦本身佢一個波嚟㗎嘛，但係佢煮完個質地幾好食，唔會話太硬掘掘，中間又可以吸啲湯汁都幾好食。

外賣平台 叫外賣 要湊數 叫埋蒜泥白肉 真係超難食所謂嘅蒜泥超大粒 見到有好多都係花生咁大粒 個汁得個酸味 啲腩肉幾厚下 口感幾差下平時見到餐廳有得叫蒜泥白肉好多時都會叫 呢間嘅係我成世人食過嘅蒜泥白肉最難食嘅仲要買成$38 但有八折 唔知堂食價至於主食嘅車仔麵 餸算少 我叫咗兩個三餸車仔麵 其中豬紅牛孖根同埋墨魚卷 都幾少 牛孖根同埋墨魚卷都係得一舊 牛孖根最離譜 貴啲仲要得一舊仔另外我個兜有兩條毛定頭髮總結 一定唔會再食 但係唔知係咪外賣嘅問題大家自己斟酌啦

啟德區真係冇啖好食，正正常常既野都可以衰過自己煮，因為根本唔憂做，想食車仔麵，諗住穩陣少少一定唔會難食得去邊，咁諗就錯喇，呢間就係抱住唔憂冇生意既心態，啲份量少左價錢又貴左，叫個外賣到左冇通知，你企得耐自然入去拎，絕對無下次

叫三餸車仔麵外賣，佢話如叫四餸收42。點知收錢嗰陣又話要49。回到家打開，啲魷魚同豬皮切到小小一條條，各得5，6條，砌埋只得一塊魷魚，一塊豬皮，魷魚是硬不是爽彈。魚角（魚旦）三嚿，食落硬硬地，完全唔係彈牙嗰隻，牛腩三嚿正常味，四餸有三餸唔得?仲要收49，超伏

叫左外賣，然後企係門口等，正常係外賣得左就會拎出黎門口比你，嗰時都得我一個買，唔多人。結果我等左半粒鐘都未拎得，反而有個客遲過我買，5分鐘就拎得，我頂唔順問佢，佢話原來你到等緊，得啦，先發現原來一早就整好，但佢完全冇講，就咁擺係到，我一直企係門口等成半粒鐘，然後得佢一句笑騎騎咁講唔好意思😃完全感覺唔到歉意。再者，我嗌走湯+瑞士汁，佢就俾咗個清湯走瑞士汁比我，想點呀宜家？呢世絕對唔會再去幫襯，睇你幾時執笠

💥車仔面係間唔中就會想食既野📍鴻仔記｜啟德📍埋單 $ 8 4｜人均消費 $ 4 2#CL啟德 #CL四圍食 #CL港式⚪️⚪️⚪️⚪️⚪️⚪️⚪️⚪️⚪️⚪️第一次嚟啟德站，好多大廈仲起緊，好在商場已經搞掂晒😂💟 4餸面 $ 4 2我哋兩個都嗌左4餸面只係揀咗唔同嘅餸🤣👧🏻通菜、金菇、牛筋、雞絲配腩汁同埋辣汁通菜金菇分量尚可接受🙉牛筋有三舊…雞絲就超小👦🏻豬耳、墨魚丸、大腸、魚皮配瑞士汁同埋辣汁魚皮另上要讚😆豬耳同大腸份量適中…細粒嘅墨魚丸得兩粒🤨老實講兩個湯底都唔係好食到有咩分別，辣汁辣得幾過癮即係平時嗰啲辣椒油🤣最推介魚皮🐠最不推介雞絲🐤🤟🏻不負責任點評好味道🌕🌕🌕🌗🌑性價比🌕🌕🌕🌑🌑回頭率🌕🌕🌘🌑🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

原來食客光顧位於「九龍城」公屋「啟晴邨」商場地下裡面的港式車仔麵食店「鴻仔記車仔麵」，「啟晴邨」固然不容易找，商場就更加不在話下。食客光顧「鴻仔記車仔麵」的時候，也可以選擇改為享用「車仔飯」，只是「白飯」的實際上登場方式，會比其他車仔麵店奇怪一點而已。因為「鴻仔記車仔麵」安排「白飯」以其他即用即棄塑膠膠碗作為餐具，跟「車仔餸」各自分開各自送到上檯，食客享用的「車仔飯」不會是「湯飯」，而是分別以外賣膠碗盛載湯餸跟白飯各自送上的「車仔客飯」而已。我雖然為「車仔麵」湯底沒有「腩汁」，所以我改為選擇「瑞士汁」作為湯底，但是「瑞士汁」湯底的實際味道比我預期來得更加鹹，而不是我個人比較喜歡的甜味「瑞士汁」或者「腩汁」湯底。至於其他「車仔餸」方面，我選擇了「四餸麵」，「麵底」以「白飯」代替，餸菜包括有「牛腩」、「雞絲」、「蘿蔔」還有「時菜」。不過「鴻仔記車仔麵」「時菜」裡面的「通菜」已經售罄，所以我到最後還是只能食到「菜心」而已，幸好「菜心」尚算新鮮，口尚算爽脆。「蘿蔔」鮮甜味道程度尚可，而已沒有夾雜太多筋和渣滓，「雞絲」口感跟「雞肉」不同，「雞絲」其實即是手撕雞肉，所以即使已經煮到熟透，「雞絲」實

呢條邨無乜嘢好食😅 無一間響經濟圈入面，一係藍店一係無表態店。唔講立場淨係講食物質素，其實都實在無乜邊間出得大場面呢間車仔麵響邨入面開咗兩三年，質素一直都係普普通通，無乜特別。不過佢有樣嘢好，就係抵食😅$38一個四餸麵，呢個價錢應該係佢地響呢度屹立不倒嘅原因。唯一一樣我每次食都會叫嘅餸，係糖心蛋，佢地整得幾好食，而且必定流心。其實佢地仲有好大進步空間，希望店主若果想更多生意，改善一下食物味道質量啦！

話說今日年初三，下晝諗住落去食個tea，呢度附近又得呢間車仔麵就試下啦😊好啦諗住叫魚肉，個姐姐話唔好意思要等耐d晏少少先有，咁我都幾想食魚肉就問下啦：「要等幾耐呀靚女😉？」姐姐：「最快都要等到聽日呀！」🙄...咁算啦魚片頭啦姐姐：「都冇wo！」ok fine...最後叫左碗外賣四餸麵🤗最燥個樣野嚟啦...我係門口等左十幾分鐘都未有得拎,咁我就行埋去問啦,姐姐係完全唔理我🤗之後望一望佢門口放外賣張枱,見到自己碗外賣係度,個下我真係O左嘴,原來呢兜野係我架？！喂大佬你外賣ready你都同個客講聲呀,乜都唔講就咁放係度鬼知份野係我架咩？個下我真係嬲到差d想同佢開年🤗Anyway,講番碗野,唔算難食但d油麵整到拉麵咁款係咩玩法？食落真係完全冇車仔麵feel😊如果想食車仔麵既話真心勸大家唔好試呢間野。