鵝皇館 (已結業)

·三寶飯(燒肉,油雞,鹹蛋) 🍛·HK$48 (午餐)好味指數：7.5/10油雞🐓味道恰好，雞肉唔會鞋口，師傅仲俾咗雞髀🍗位。燒肉皮脆熱辣辣，但小編略嫌鹹咗少少🤏🏽，鹹蛋🥚都好大隻，整碎撈飯一流。小編當日去到係午餐時間，跟餐仲可以有大大碗例湯🥣，或者可以選擇加錢轉凍飲。抵食指數極高。😆

净兩餸豬扒極少塊！去左呢度買净兩送,唔止一次,但一次比一次越來越少,有試過係正常份量,但今日目測得極少塊,佢話依家係比多左我😂個亞姐仲話有8大塊！無下次！ 態度又差！

今日我同老公駕車回家途中，想買外賣返屋企食，唔知食乜好。車路過旺角鵝皇館，好似幾好食，就停車去買。燒鹅好贵，第一次食唔知好唔好食，都是買其他燒味試下，平好多。我地買左2盒雙拼燒味飯，一盒是叉燒油雞飯，另一盒是燒肉排骨飯，每盒38元，不贵。每盒的燒味不少，但菜只有1條，太少啦，如果可以有幾條會好D。叉燒不錯，半肥瘦，味道不錯。油雞肉肥，也不錯。燒肉只是麻麻地，普普通通，比較乾。排骨似叉燒，但肉不夠厚，只是一般。

因工作經過，又想食燒鵝，見到隔離有間祺哥燒鵝，心大心細唔知入邊間，見佢叫自己做鵝皇館，好似自認整鵝好好食咁，便入黎幫襯。叫左個鵝瀨，一上枱好似幾靚，點知一咬啖鵝，犀利喇，全部硬過煲湯瘦肉，全部唔入得口，咁既環境下，叫過碟又唔係，唯有食唒啲皮就算。 個瀨粉連湯就算幾好，仲搭左條菜，係細份左啲。杯檸茶就沖得唔錯，而且個杯夠厚夠保温，食完野飲都仲夠熱。唔怪得間鋪做埋兩餸飯，只賣燒味佢應該做唔住。大家樂個鴨飯一定好過佢十條街。

燒味喺廣東人哋心目中，有根深蒂固的位置,雖然周街都有，但有時就係會冇啦想食。燒鵝瀨，呢個組合，真係千古永留，冇可取替，唔知點解，燒鵝配飯都好好食，燒鵝配米粉都好食，但係燒鵝配瀨粉，就係超級超級超級好食。去親食，好順口就會講出一句，燒鵝瀨粉啦唔該，次次都會諗，點解唔試吓其他嘢呀，不過當侍應攞到一碗燒鵝瀨粉黎嘅時候，就會急不及待咁食呀食呀食呀。食完，飲啖飲品，啊... 正呀！食10次，10次都唔會厭！這就是魔力！

公司樓下一帶已經冇晒茶餐廳，唯有試吓，燒鵝飯真係幾貴😁味道真係麻麻，不過酸莓醬就任你用，不過黃昏開始有三餸飯，都有幾多款式俾你揀，味道就麻麻..大角咀一帶做嘢就可以食下囉

今日去左鵝皇館食晚飯餐廳地方好大而且餐廳既枱都好多，好闊落裝修佈局係好傳統既，值得一讚既係燒味放正喺門口，行過係好吸引既，我就係被哩樣吸引左啦餐廳係主力食燒味既，仲有啲兩餸飯選擇添我當然係食燒味啦嗌左「乳豬飯」同「黃袍加身叉燒飯」「乳豬飯」既乳豬都幾多下，好抵食呀，乳豬皮好脆身，好香口，皮下面既脂肪都好厚鍾意香口食物既朋友應該會好鍾意，愈多肥膏就愈鐘意😋😋而且仲有嫩嫩既乳豬肉配埋絲苗米，啲飯煮得好好，要讚下「黃袍加身叉燒飯」就令人有所失望，因為主力嘅炒蛋太老身，而且份量唔多，有啲hea，做唔到黃袍加身既感覺不過叉燒係燒得唔錯既，半肥瘦而且都叫份量多飲品就嗌左熱同凍奶茶各一杯，奶茶好有茶味，奶既比例都唔錯，我唔太鍾意飲甜既，哩度既落糖分量係okay既，所以奶茶合格！如果鍾意食燒品既朋友可以試下佢地既鵝皇飯，我見好多其他顧客都差唔多必嗌

第二次幫襯,上次太匆忙無時間影相片,昨午可以做返其實舖頭唔算細,但客人都幾多今次兩點前(1:45pm)嚟到,無機會食下午茶餐,但都聽到收銀亞姐提醒客人遲少少可以平價啲中午時間叫咗兩個K餐(燒味三寶飯)賣相絕對OK燒腩肥瘦相間均勻,皮非常香脆,卜卜有聲肥雞啱啱分到下賍,原來雞脾位都細心到去埋骨嘅。師傅控制生熟情度恰到好處,入口滑溜。加上調味嘅薑蓉,非常享受出乎意料之外餐茶有驚喜,見有一個老師傅專門調較茶。茶色好靚入口香滑,有回甘。奶與茶嘅比例啱啱到位,好啱自己嘅口味。下次可能再嚟幫襯吓下午茶,睇吓水準又會係點呢?已經睇啱咗西多士嘞

今日要出地盤工作，昨日將髮型屋經營左20幾年結業的朋友退休了，想跟埋我出地盤，原因是想去不同的地方見識吓，中途我們要去大角咀，佢一聽到我話有發展商話「萬發燒鵝王」的燒鵝好食，係都要我行返轉頭試一試燒鵝瀨粉，點不知佢嗰碗唔知點解用白色碗裝，啲瀬粉多1/3，佢問侍應我個碗黑色碗的瀨粉和她那個價錢是否一樣，差啲笑死我！燒鵝瀨份的燒鵝皮脆肉香，脂肪也不會好像深井裕記的那麼厚，健康很多，亦有原支蘸燒鵝的冰梅醬，非常之專業，奈何味道太鹹。而湯粉的湯除咗鹹之外淡而無味，所以食六不會覺得想第日再encore！不過$52真係好抵！燒鵝好大碟！但係唔知點解兩碗粉會爭三分之一份量。

整體比較一般的燒鵝店吧，店面倒是挺明顯的，貌似也是連鎖店…中午人氣還是可以的，大多數是來吃午市套餐，當然你也可以不隨波逐流…😐😐😐 「金牌燒鵝飯」米飯🍚特別多，燒鵝分量ok,味道也就是ok的那種水平…不出眾…最後完全是配著梅子醬才吃下去的…配了凍檸茶🍋，他家的倒是蠻好喝的哈

炸雞髀餐+熱咖啡🍗$22 (下午茶）新店優惠，本來個餐係跟紅豆冰，不過今日有D凍，都係飲杯香滑熱咖啡仲正，仲舒服☕️新鮮炸雞髀，都幾好食，唔鞋亦唔乾爭爭😬下次試埋個西多士先，我見好多人都有叫😂

唔睇返Openrice都唔知呢個係新開既，可能都係剛剛轉左手啦。尋日公眾假期出開來旺角買野，行行下見落雨又有D餓就諗住入來食個下午茶。估唔到會多人多成咁，好彩有阿姐店員幫我地搵到兩個搭枱位。見到好多人食燒味粉麵，都應該唔差得去邊既。不過周圍見到都係大圓枱，如果想坐得舒服D就都係要去返大X樂個D。點左餐之後仲要畀阿姐又叫掉位，因為有一班人6個一齊黎想一齊坐。剛好個燒鴨燒肉瀨就黎啦。😋有D可惜叫左瀨粉但黎左米粉，不過女友話咪要求換啦，拿拿臨食完就算。但個燒味又真係唔錯，燒肉皮好香脆，又大舊、膏又夠甘香! 個燒鴨剛好佢畀左隻肶我地，有肉而且食落佢有陣煙燻味好香，應該唔係一段燒咁簡單! 唔怪得咁多人都叫燒味。我地除左叫左個燒味粉之外，仲叫左個雪山西多餐。連餐飲都係20蚊，相當經濟。而且佢上枱時炸得剛好，其實係一舊大多士切成4粒再炸，變左好似4塊迷你西多咁，容易切同食好多! 中間個花生餡都好食，而且D麵包炸起來都仲好鬆軟，好食!兩個餐加埋轉凍飲都係69蚊，抵就真係幾抵，係坐得迫少少，但味道係唔錯既! 下次有機會可以再試下燒味飯!

鵝皇館新開張便試下，由於當天下大雨關係，我們都要等左差不多20分鐘到先有位置坐下，需要與人搭枱坐。我們三人分別點了不同食物，分別叫常餐，燒鵝瀨粉及豉椒肉片河。常餐很大份，包括煎雞扒餐肉粒奄列及鮮茄肉碎湯出前一丁、雞扒及奄列正常，餐肉很大件，如果那一片方包可「干」埋就更正。燒鵝瀨粉正常。而豉椒肉片河，份量好大碟，配菜及肉片份量也ok唔錯。可能新開關係，落單系統有d混亂，連續上錯單。所以大家要留意返自己所叫的食物以便跟進。