影片
电话号码
25504914
营业时间
今日营业
07:00 - 20:00
星期一至六
07:00 - 20:00
星期日
07:30 - 20:00
公众假期
07:30 - 20:00
以上资料只供参考，请与餐厅确认详情
今日华富邨收工，入商场揾下嘢食先，丽丝餐厅，喺华富邨好有历史，佢嘅汉堡包炸鸡髀都好出名，不过我就钟情于佢嘅咖哩汁盐酥鸡饭，最紧要加只蛋，少少盐酥鸡汁嘅油，加埋咖哩汁，蛋汁，白饭嘅香，四合一天下无敌，冻奶茶不过不失，屋邨嘅价钱，屋邨嘅味道，屋邨嘅风味，读书嘅时候经常帮衬，而家就间唔中就过嚟帮衬，但系味道依然不变，呢度啲扒炉嘢好新鲜，厨房嘢都好够镬气，天气唔热嘅时候坐喺商场出面，休休闲闲饮过下午茶，望下啲人，发掘下身边的事物，相当写意
继续阅读
丽丝餐厅系华富二邨隐世小店见到有好多人帮衬特别系食饭时间 要等！店内位置唔多 好多都系叫外卖食今日叫咗一个茄汁牛扒饭😗打开得一块牛扒 不过都唔算细嘅饭量正正常常每次食 佢哋都会送汤今日嘅汤系南瓜红萝卜汤足料！好饮！
继续阅读
经外卖平台叫咗萝卜牛腩饭 & 虾球伊面。萝卜牛腩饭只有一嚿牛腩，其余全部都系牛筋。另外个虾球伊面，实质系滑蛋虾仁捞伊面，个面饼黐埋一旧，味道欠佳。我准时自取完拎埋上楼开嚟食只系5分钟内嘅事，都已经咁难食，个牛腩饭简直觉得被骗。由细喺度大，每年都会帮衬下，越来越认同佢所谓嘅老店情怀只系gimmick，因为实情系佢一离开华富邨就会生存唔到。第一次叫呢两个饭，之前都系叫炒嘢、快餐为主，都冇咁离谱，今次真系彻底失望，我唔会再帮衬了。
继续阅读
一间由细食到大嘅港式茶餐厅，因为华富邨都几年后会拆，佢哋都唔知仲做唔做，所以做一个食评纪念下😂。首先佢啲炒野真系好，有酒楼嘅镬气，重要过之而无不及….出名当然系佢𠮶啲茶餐啦，今次要左个炸髀粗薯条同冻奶茶餐外卖，完全符合港式风味，佢只鸡髀造咗几十年，虽然以我得知好似都转过老细同啲厨房，但完全冇退步，咁大只一样每次都唔会唔熟，同埋好好好味⋯⋯大过我块面🤣🤣🤣其余冇记错譬如出名牛脷饭啦白汁鸡丝饭啊干炒牛河豉椒牛河都非常好食。如果有时有机会嘅可以过嚟试吓，因为依啲港式茶餐厅真系越嚟越买少见少了…
继续阅读
平时起身都去食早餐，今日有少少转变，知道佢哋原来早餐时间都可以落单嗌鸡髀等咗大概15分钟左右都未见嗌号码，我就行埋去水吧位，阿姐冇出声，见我企喺度就拎咗只鸡髀比我，证明佢哋好留心客人呢只鸡髀又多汁又大只抵食，会再返嚟
继续阅读