麥當勞

营业中

休息中

今日食評有✍🏻 麥當勞@yoho mall 1試食指數⭐️⭐️⭐店舖衛生⭐️⭐⭐侍應態度⭐️⭐⭐⭐⭐((每項5⭐️為滿分)) ·我第二次家麥當勞食評😂每次都有新鮮元素俾我評下今日食元朗yoho mall 1的麥記「新豬肉」早餐😋·「新豬肉」扭扭粉早餐配薯餅同牛奶(+$3)扭扭粉係熟但偏硬·今日薯餅正常水準我食過一唔脆唔香口嘅薯餅所以食麥記都睇彩數·「新豬肉」係素肉肉食者唔好有期望口感質感似肉但味道一啲都唔似不過唔差·今次重點讚係店長佢見我🤰🏻即刻叫我坐低安排幫我送餐冇諗過快餐店有咁窩心的服務超讚👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今日食評有✍🏻 麥當勞@yoho mall 1試食指數⭐️⭐️⭐⭐店舖衛生⭐️⭐️侍應態度⭐️⭐⭐((每項5⭐️為滿分)) ·😂麥當勞都有食評🤭係呀每間出品都有不同㗎今日食元朗yoho mall 1的麥記早餐有n年冇食麥記早餐多咗好多選擇😋·我試咗深海鱈魚柳珍寶套餐🍽($44+3)精選同珍寶分別係後者有多兩塊熱香餅🥞套餐內容逐樣數✍🏻1️⃣鱈魚柳⭐️⭐️/5好燶皮好硬不過味道ok2️⃣包兩塊⭐️⭐️⭐/5味道一定冇特別😝俾3星係欣賞佢出品十年如一日😂沒進步也沒退步👌🏻3️⃣炒蛋⭐️⭐️⭐⭐/5味道賣相只值兩星我俾咁高評價係因少油😉👍🏻4️⃣熱香餅兩塊⭐️⭐️⭐⭐/5最有水準的🥞大厚香有少少咸味👍🏻5️⃣薯餅⭐️⭐/5有點退步🥲唔脆唔香只係夠熱6️⃣盒裝牛奶⭐️⭐️⭐⭐/5加$3健康之選·呢期有大大支沐浴露送🧴抵呀！·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

.經過屋企附近間麥當勞〽️見到McCafe全新推出沖繩黑糖珍珠系列✨好耐冇飲過珍珠奶茶 一於買來試吓啦！沖繩黑糖珍珠奶茶🥤選用沖繩黑糖 100%錫蘭茶葉我覺得甜度啱啱好 佢仲有濃厚泡沫😍食埋Q彈珍珠 好彈牙好好咬啊咁熱嘅天氣飲番杯真係好正呀⭐️大大杯都只係$22 價錢經濟實惠👍🏻非常超值 比起其他台式飲品店CP值超高啊🥰下次經過又買多杯先～

•我一向都好鍾意食炸雞😋 而麥當勞最近推出左蜜糖BBQ味麥炸雞🍗 所以今日就去試試先😼今次叫左蜜糖 BBQ麥炸雞分享桶🥡 桶入面有6件(原味，蜜糖BBQ味各3件) 份量都多 可以2,3個人一齊分享 蜜糖BBQ味甜甜地 肉質嫩滑而且又juicy 原味都唔錯 每舊雞都大大件 都幾抵食👍🏻

今日麥當勞大減價全城hi起來，而且更加出現10號餐，10號餐是什麼🤔正是萬眾期待的脆雞件，一個加大10號餐+2個翠」脆香雞翼，你估幾錢？簡直係平到一個點40一蚊咋，脆雞件=脆香雞翼味道，不過就淡淡肉，大家試吓無妨

元朗麥當勞重新有2.5元雪糕。宵夜時段總會有驚喜，上次黎麥當勞還有機會可以重溫童年的味道。奶油雪糕，一直是簡單又幸福的味道。藍莓的這個品種就差了一點點，不是新鮮的杯裝，而是這種感覺隨處可以買到的還好啦。2.5元雪糕🍦充滿所有回憶。

講到麥當勞，一定會諗起快靚正仲要平，由細食到大但係都唔厭，好耐冇食嘅話就會突然諗起佢啲薯條，出邊食嘅薯條同佢一定唔同，最鍾意新年出嘅招財牛堡，不過就淨係新年果段時間先有得食😋👏🏻

今日同朋友嚟到元朗，突然想食麥當勞。貪佢平靚正。作為精明消費者梗係食佢推出嘅平餐㗎啦。用餐方式：提供堂食 或 外賣自取。輪候時間：平時約5-10分鐘；食品方面：麥樂雞餐（$29）：窮人恩物，一分錢一分貨嘛！其實以呢個價錢又可以食到飽。以現時嘅物價來講真係算係唔錯。飲品方面我就揀咗可樂，都係一般水準。價錢唔貴，人均消費：30-60蚊左右。總括而言，呢個價錢可以食到餐午餐，仲要食得飽嘅真係唔多，淨係平呢樣野都值得讚嘅。

一大朝早10點幾，其實好多嘢都未開，除咗飲茶。隔離普通餐廳都要11點半先開，咁就唯有食麥當勞早餐。佢地嘅自助落單機已經用咗一排，仲會有啲港女（客觀觀察）㩒好耐先落到單，所以識搵條隊嚟排都好重要，如果唔係食快餐就變咗慢餐。落完單等睇號碼就有得食，基本上5分鐘內乜都整好。咁我就叫咗個雞通粉加3蚊轉凍咖啡。座位唔算多，但單丁就好易就到位。一坐低一定係食薯餅先，麥當勞薯餅真係冇得輸，而個通粉就不過不失，啡都算幾好飲。

麥當勞既麥樂雞又有新醬出啦！但係難食到一個點囉🙄一個字：伏！買18件麥樂雞就會有4款滋味醬，除左typical 既蜜糖芥末，另外有3款新醬：香草檸檬、南乳同鹹蛋黃醬。蜜糖芥末：最好食都係佢！香草檸檬：酸酸地似點fish & chips既醬不過係鹹版。南乳：味道好假，膠膠地咁，一啲都唔似南乳味，好奇怪！鹹蛋黃醬：一心諗住會似鹹蛋黃薯片個啲咁既味啦！點知一食落口又鹹又怪，好似過期月餅入面個「益」左既鹹蛋黃陣味.....加大試埋鐵板黑椒汁味shake shake 薯條粉，黑椒味係幾濃，似茶餐廳扒餐啲黑椒汁味，但係同薯條唔係太夾，薯條始終都係同茄汁最夾！珍珠奶茶個勢勁到連麥記都出，但係好難飲囉！得茶味冇奶味，茶味又唔濃，而且完全冇甜味，要擰糖水自己加！啲珍珠腍到呢.....仙跡岩都好過佢🤣係呢間分店沖得差？定係間間都係咁🤨

26/6 晴夜晚八點幾九點，揾人食飯又唔係，決定試試最近出嘅牛仔安格斯。個包有兩種唔同嘅芝士，牛肉，生菜同埋洋蔥圈，醬汁係燒烤醬但略厭太少，食落會比較乾身，另外如洋蔥圈換成薯餅，滿足感會大好多。

今日上早開左成朝會，下午仲要趕住去見客，時間咁倉猝，連坐低食個快餐都唔夠時間，所以就去左麥當勞外賣個快餐一路行一路食。由於太耐無食過麥當勞既關係，想試下新款包，今次我揀左芝士安格斯包餐，仲升級左個薯條做增量裝脆薯格，而餐飲方面，我就轉左熱帶菠蘿特飲。個包唔錯👍🏾幾好食！芝士既分量都幾多，唔會話得少少，而家個包都仲熱，啲芝士溶左落啲牛同個包，更加好味！而且個安格斯都幾大塊，啖啖肉！而個薯格方面，雖然個份量會比薯條少，但係我自己比較鍾意食薯格多過薯條，所以我覺得都唔錯。至於杯特飲，正正常常啦，類似梳打汽水咁，我都幾鍾意，而且杯嘢飲入面會有塊菠蘿，飲到最後可以食埋佢。

真係好耐都無食M記，如果唔係因為想換兒童餐個公仔，我都唔會特登幫襯。明知多人，呢間M記永世只開一個counter，排到人龍水蛇春咁長，個經理都唔開多個counter，個個趕返工返學。個餐二個字形容-難食，D熱餅好腍，倒埋D糖漿成pet野咁，唉! 豬柳咸到死，肉又散又蘇，難食，個包咁硬，難食! D蛋溝水太多，無蛋味又鞋又老，似阿婆塊面。杯奶茶咩料唔香又唔滑，又話濃滑奶茶，揾笨! 我問佢拎杯水，個收銀黑晒面，要杯水都要等，呢D係服務嗎? l am Not Lovin it!

等左咁耐我終於食到新個款shake shake 粉啦出前一丁麻油味Shake Shake粉仲好食過出前一丁黑蒜油Shake Shake♥️食落好香麻油味 好似真係食緊一丁另外仲試埋黑咖喱吉列豬扒漢堡同富士蘋果特飲蘋果有得揀少甜 啱晒我口味

香港的McDonald's今天出了新口味而我又怎會錯過呢 所以我就去買左試試了在早餐時間買只需加HKD$8就有一杯慳錢時間🤣🤣 過了早上1100就是正價·爆谷焦糖咖啡☕由於沒有太多時間點了外賣 賣相沒有堂食靚雖有我拍照拍得好一點吧🤭味道沒有太大的分別 不過口感豐富了很多店員還很甜心地分開裝爆谷 以防破壞口感