麥當勞

营业中

休息中

這間麥當勞的裝修很型格!多彩畫，燈光柔和，卡位林立, 私隱度高。位於太子港鐵C1出口轉左行1分鐘，交通方便。有咖啡部Mc Cafe提供。缺點是在地牢，無網絡，打電話亦不通，須行至樓梯口。美中不足是無甜品部，但行至茘枝角道1號只需6分鐘。現有龍蝦湯供應，有鮮味並濃郁。

一早要去出席一個活動，而我心知，這一個活動未必有野食，就算有，都是自助形式的你搶我搶，於是，比活動開始時間早到的我就在附近先輕食一個早餐。而《麥當勞》就是最方便之選。輕食，十幾蚊一個的醒神早餐最實惠，而是日我就要了火腿扒芝士漢堡。火腿扒芝士漢堡，是一個非常簡單的漢堡。一片極香口的火腿 (豬肉》扒，加一片芝士，配上一個包，比起牛肉漢堡更香口惹味。作為早餐，份量剛剛好，作為午餐，對我這一個大男生來說，就細份左少少，不過，對於很細食的女生，這是一個很好的選擇。《麥當勞》的濃滑奶茶，水準向來都不錯。茶香奶滑，永遠都合我的心意。吃好早餐，尤其是《麥當勞》的早餐，的確會令你精神爽利。

最近麥當勞同鬆弛熊crossover,呢日就買咗外賣返去食.招財牛堡,打開包裝紙嗰陣已傳嚟陣陣洋蔥粒香味,牛肉幾厚身,表面仲蘸滿黑胡椒醬. 招財雞堡,同樣係芝麻長麵包同黑胡椒醬,不過就換咗做板燒雞腿同生菜嘅配搭. 呢份雞堡嘅醬汁相對起嚟比牛堡嗰份少,不過都仲有黑胡椒嘅微辣,板燒雞腿亦冇煎得乾身,感覺惹味,如果黑胡椒醬再多一啲就好喇. 扭扭薯條. 外表上比一般嘅薯條金黃,食起嚟亦比較香口脆身,但真正係扭扭形嘅就只有一兩條,其他嘅都係C字形,份量亦只有個盒嘅四分三左右,參考圖純粹係視覺效果. 小龍蝦湯入面有兩粒小龍蝦肉,飲起嚟都幾鹹香. 紅豆批. 批皮都算脆卜卜,估計係啱啱炸起冇幾耐,食得出唔係放到硬身嗰種.中間嘅紅豆蓉偏向流質軟身,當中都有原粒紅豆,甜味啱啱好,以麥當勞曾經推出過嘅批類嚟講,呢款口味可以列為好食嘅!

I only tried the breakfast because it had the bago and the fact that you can order it all day, otherwise the bago costs more at McCafe.In the breakfast set you get a hash brown, bacon burger patty, scrambled egg and a bago.As usual the hash brown is oily, the  scrambled egg is tasteless and lacks a fragrant egg taste.The bago is chewy, hard and dry so I prefer my regular bago from Yo Bago in QB Thanks!I hate Margarine.

m記永遠都係放鬆既好地方，播住近排既流行曲，同朋友談天說地，輕輕鬆鬆又一日，見個個食朱古力批我又跟下風先😝 食落冇乜特別，純粹將餡轉做朱古力醬，不過勝在醬多而流心🍫 批皮夠脆，最滿意係個甜度岩岩好，唔會甜到腻另外叫左杯熱焦糖新地，一熱一個凍口感係幾正，不過新地我都係鐘意士多啤梨同朱古力多d，我覺得焦糖新地太甜喇，食完之後都痴牙，焦糖味重蓋過左奶味添下次同朋友相聚都吾知要等到幾時，大家要彼此珍惜，緣份得來不易哦～

係等爸媽期間，百無聊賴又有啲口渴，見附近有麥當勞，索性去McCafe買杯野飲坐係度hea等爸媽。其實都諗左好耐飲乜好，本身想飲薄荷朱古力咖啡，但冇凍飲，都係飲曲奇朱古力加cream~ 不過杯野朱古力味欠奉，開始飲既時候曲奇味較濃厚，不過隨後都漸漸變淡。cream滑溜感一般，但甜度適中。

今晚本來諗住簡簡單單食碗米線，點知樓下的米線店無開，唔想諗之下就去買麥記。個個都話新包好味一於試下！北海道三文魚堡，欣賞佢用紙半包住個包，靚靚圍住，手無洗的話，拎住紙個部份都可拎到個見食。包係用左似足球面的包整，都ok鬆軟。三文魚係炸左面的，魚唔會太熟，硬轟轟咁，又唔會軟到散咁，係適中。另外生菜分量都多，感覺健康啲！不過我就覺得多左啲醬， 唔鍾意沙律醬既朋友記得叫走醬/少醬呢！

因我不愛吃黑松露的，今次的shake shake 薯條新口味係黑松露味，我好奇心重又想買俾媽媽媽試，就買了一包試。 媽媽見到第一時間折左出來shake ,但佢一折開味粉包裝倒落去，好大陣媒氣味咁，好濃味，試食一下，食落口又唔係咁臭，仲有微微甜味。 不過由於佢開粉嗰下我都頂唔順了，所以下次都唔會再買的！

一向都好鍾意食粟米， 粟米湯， 牛油粟米粒， 原支粟米， 甚至係粟一燒都大愛。麥當勞再次推出粟米批， 當然唔會錯過啦。今次食粟米批唔使等， 一攞上手熱辣辣。 由於太熱， 粟米蓉好似熔岩咁喺批邊流出來， 未食第一啖就已經淥親個嘴。 講番味道， 粟米批本身偏甜， 但又有少少咸， 都唔知當佢係小食定甜品好。 不過由於對粟米情有獨鍾，我都會俾粟米批九十分。

麥當勞就是回憶，童年回憶、中學的回憶，還有和家人在一起的回憶。數數手指有多久沒吃麥當勞了，長大以後怕熱氣又要keep fit已經很少吃麥記。但作為牛油果狂熱者，冒着口氣沖天的危險也不能錯過。還好麥當勞好比便利店總有一間在身邊，這天下班就到樓下帶走了一個牛油果雞堡。其實早已聽過同事對於牛油果雞堡的差評，但我總不相信我最愛的牛油果能有多難吃包皮比平時的硬，牛油果粒很稀少而且很不新鮮，雞塊有點太乾，即使有沙律醬亦難以令包變得juice。大概我太久沒吃麥當勞，都不知道現在薯條量已經那麼少，我一個人都能吃完。雖然牛油果雞堡包裝好可愛，不過還是應該更注重食物味道吧！牛油果和雞的份量應該有個平衡，以免讓人有種只是在吃雞堡的感覺呢。

前排買左張hello kitty卡，經過想買啲野濕濕口。買左個新地樂（a),送杯大雪梨茶（b)！我飲雪梨茶，一飲口，我知你要溝水，都唔洗溝到咁淡架⋯加埋啲冰再溶，再淡啲⋯⋯飲一啖新地樂，再淡啲⋯⋯咁我不如買支水飲啦⋯

今晚我們去咗太子彌敦道嘅「麥當勞」買外賣自取返屋企食！我們買咗今期推出嘅菠蘿滋味蝦堡套餐、檸蜜鷄翼同菠蘿批！另外有傳統嘅魚柳包、板燒鷄腿包套餐、豬柳蛋漢堡套餐、脆香鷄翼同蘋果批！菠蘿滋味蝦堡係用一塊清甜嘅大菠蘿，生菜沙律醬同蝦堡組合而成，蝦堡炸得都幾香脆，肉質都幾爽口彈牙，包質就相當香滑軟熟！檸蜜鷄翼嘅肉質好軟滑，香甜嘅檸蜜令到味道更加惹味！菠蘿批炸得好酥脆，入面有粒粒菠蘿果肉，菠蘿果醬嘅味道超級甜，比蘋果批更加甜！魚柳包嘅魚柳炸得好金黃香脆，肉質相當嫩滑！板燒鷄腿包嘅肉質好軟滑，包質亦好鬆軟！脆香鷄翼炸得相當香脆，肉質好嫩滑！

由於吸收左教訓，知道基榮隔離個間夜晚時份會多露宿者會訓哂係度，所以只好行10分鐘來到呢一間M記估唔到只係相差10分鐘既路程，呢一間既環境就好得多，冇乜露宿者訓哂係度，而食客既比例亦都比較多今次我嗌左脆香雞翼餐($34)食評：其實係M記嗌炸野真係好睇運，有時係會拎D炸左一段時間既比你(特別係凌晨時份)，有時就新鮮炸，今次我食到既呢間係新鮮炸起既，食落脆皮多汁，不知不覺就食哂成個餐！！正

呢期M記出新包, 梗係要試下佢, 佢比起以前d黑椒包黎講, 賣相好好多, 吾算太一PAT野, 但說好的手撕雞呢? 完全係少到爆, 中間有塊洋蔥既野, 而且d雞好鬼硬. 反而芋頭批, 係正既, 好香芋頭味, 食得蘋果批多可以轉下口味.

自己很喜歡紫薯~~自從M記甜品出左紫薯系列行過都會買過Cone/新地食~今次就揀紫薯扭紋麥旋風~上面有8粒蛋白脆糖~沒有想像中的甜~入口即溶~而雪糕的紫薯味香,而且軟滑,加埋oreo 口感又脆又滑~~因為沒有新地的醬反而不會太甜,,食完都唔會太膩(個人認為XDD)以十幾蚊大大杯雪糕黎講~性價比很高了~~