麥當勞

营业中

休息中

買套餐加$8試呢杯限定嘅麥提莎朱古力咖啡 ☕️ 其實只係一杯普普通通嘅mocha再加送一包細麥提莎比你 加麥提沙落去飲 融咗mocha到會有啲太甜 整體黎講唔錯 雖然好似overexpected會特別啲哈哈 送咗張聖誕卡係幾甜心 🎄

見到咁平，$27安格斯只限七天至十月尾當然去食啦，除了這款仲有另外二款三十四元，最後就叫了芝士安格斯套餐再加了二隻香辣雞翼，飲大熱檸檬茶，好快就可以取，睇落都十分吸引，薯條份量都不少，但竟然食落去是凍而且十分軟身，香辣雞翼帶點微溫，有泰式辣醬依然好味道，包一咬包都幾軟熟，但是中間的料是凍的，好彩是牛肉不太鞋仲可接受，配料比心目中少好似好少醬，芝士都因為凍沒有溶的感覺，檸檬茶的茶底太苦，點加糖應該都沒用，不過這份量四十元的確抵食而且這間都幾乾淨，希望下次食到新鮮的漢堡。

今朝一早就要去尖沙咀整嘢，平時好少食麥當勞早餐，不過見到佢嘅炒雙蛋系列返咗嚟，而我係雞蛋控，所以都要嚟會一會佢。結果就揀咗去星光行食麥當勞。今次我就試哂2款：炒雙蛋牛堡同埋炒雙蛋火腿堡。牛堡係用平時芝士漢堡嘅牛扒，火腿堡就係用早餐先有嘅火腿扒，而蛋就係早晨全餐入面嗰份炒蛋。而我就覺得食落去火腿扒同炒蛋夾啲😂其實麥當勞之前都出過呢個系列，過一段時間就會下架。所以想試嘅朋友就要快，因為供應期有限😉

返完通宵，諗住去m記食個靚早餐。叫咗個豬柳蛋扭扭粉，特登要豬骨湯底因為之前食過幾次都好濃好好飲。點知今次個湯好稀，冇乜味，好淡。我食完塊豬柳同蛋就無食了，個湯無飲過。成個餐最好食就係個薯餅！

見麥當勞有新出嘅蕃茄蛋豬扒包，就去試一試，因為本身我都好鍾意食焗豬扒飯！一個餐唔加大唔要shake shake薯條要三十九蚊，比起啲二十五蚊餐偏貴，除咗蕃茄蛋豬扒包外，原來仲有個新嘅黑糯米批😍仲有童年回憶嘅雲呢拿奶昔🤤一於全部試晒佢！阿張點餐👦🏻 $39 蕃茄蛋豬扒包餐 +$2.5 雲呢拿奶昔評分（10分滿分）：7️⃣食評💬：個包嘅包裝盒幾靚，不過個包嘅賣相就同廣告相差好遠！好彩味道算唔錯，豬扒係厚切，蕃茄洋蔥汁都算夠，唔好太乾。而奶昔就飲返兒時嘅味道，好似飲緊個雲呢拿雪糕咁，偏甜。$8 黑糯米批評分（10分滿分）：7️⃣食評💬：黑糯米好足料，好有咬口，醬汁略嫌不夠，有少少乾，不過都好食。

西尾抹茶雪糕，佢嘅抹茶味好香濃，又唔會話好苦，而且唔會好甜，平時出面食嗰啲抹茶雪糕，一係就好淡完全冇抹茶味，一係就有好濃抹茶味，但係好苦，佢宜個雪糕嘅抹茶味係好適中，唔會好甜，又唔會好淡，亦唔會好苦，不過佢嘅抹茶朱古力醬同埋下面嘅朱古力醬就好甜

識我嘅人都知道我係一個抹茶控🤪勢要試曬所有抹茶甜品💚💚呢次當然唔可以錯過m記嘅西尾抹茶新地系列啦✨我試咗西尾抺茶新地大窩夫筒加朱古力脆皮同埋西尾抺茶新地筒🍦味道有驚喜🤯食落抹茶味都幾出，有d甘甘地嘅後勁，唔會話淨係得個甜字🤭比想像中出色😆😆個西尾抹茶新地大窩夫筒加咗朱古力脆皮，同抹茶都幾夾唔會撞，個筒超級脆👍🏻👍🏻如果鍾意埋食朱古力嘅朋友，佢就可以一次過滿足到你兩個願望啦🙈

今天因為午餐時間不是很充足，所以有機會幫襯麥記，吃一個安格斯牛肉漢堡套餐，「重磅優惠，只限七天」，安格斯漢堡包適逢特價發售$34。我一個漢堡包要走兩片芝士，不知道會否影響整個漢堡包口感呢？！但我對片裝芝士的確很抗拒。上層相信是炸洋葱圈，配合沙律醬，可以減少油膩感覺。下層約有6分厚的安格斯牛肉，頗有肉味，肉質不算滑，配合醬汁也是可口。這個經典的紅色盒子，以往盛載是大份量炸薯條，眼前份量明顯是減少不少，對我而言，又是剛剛好。加了糖的熱檸水，味道都是苦澀。

原來最近麥當勞出咗抹茶朱古力雪糕， 聽個名都幾吸引，所以買咗一杯有朱古力脆皮嘅抹茶雪糕試吓，(☆_☆)估唔到味道都幾好，ʕ •ᴥ•ʔ抹茶同埋朱古力脆皮都幾夾！！！！不過唯一唔好嘅就係全部太快溶，不過我都幾滿意依種味道，因為抹茶嘅味道幾濃，加埋朱古力脆皮一齊食，口感同埋層次都幾正，呢個價錢都幾抵食，值得一試㗎，不過如果改善買雪糕好快溶嘅問題咁就好啦，因為味道我已經好鍾意啦！我幾滿意㗎！！！(*^◯^*)

🐰💬即出即試🤪快d 同你個fd陪你一齊試啦！抹茶脆皮有種抹茶kitcat但冇咁甜嘅感覺👻 抹茶味都幾濃 雖然比唔上日本🇯🇵但咁嘅價錢 我會再encore❤️😎注意⚠️：好易溶 請準備定紙巾🧻-The matcha flavoured shell tastes like matcha kitcat but it is not as sweet as kitcat👻. The Nishio Matcha Sundae is rich in matcha fragrance and creamy. As it is affordable, those who like matcha icecream can have a try!❤️🥴Reminder⚠️：bring enough tissue as it melts quickly-價錢price：$5.5(西尾抹茶新地筒Nishio Matcha Sundae Cone)$9(西尾抹茶新地Nishio Matcha Sundae)$12(西尾抹茶新地大窩夫筒Nishio Matcha Sundae Jumbo Waffle Cone) 加朱古力

M記大家就食得多，但何謂一間好嘅M記呢？就係有辦法令你相信手上食嘅包就係全港最好食嘅包，即使佢同任何一個M記包都無分別。既然食M記，咁當然唔少得要食魚柳包啦。魚柳包係體積越嚟越少，價錢越嚟越貴嘅情況，味道咁多年都維持不變，實在相當難得。如果周圍望下，會發現好多公公婆婆同你食緊一樣嘅包，分別係佢哋手上多咗一本奶茶。係只此一家嘅奶茶。見到佢哋飲得咁開心，我都忍唔住叫返杯試下。奶同茶嘅比例非常有性格，配搭魚柳包一齊食，簡直好似用十幾蚊嘅價錢食咗餐放題咁。

其實都出咗一段時間但都沒機會試，難得今日落去見到仲有得飲而且仲有我未食過的牛角包就買來試試，價錢$49.5左右，價錢都抵但整體一般。西尾抹茶 x #虎紋紅豆 講真熱飲大杯份量十足，但入面的虎紋堅少而且 #紅豆 味勁甜，幸好抹茶味道夠濃同幾香，混左一齊帶點淡淡的紅豆味整體可以，但如果再買只會買抹茶拿鐵。小龍蝦蛋牛角包，牛角包微溫但冇牛油味，入面材料都吾少還好，但小龍蝦沒有味道而蛋味道只屬一般，如果飲品加$17就可食，價錢接受到，但如果原價就絕對失望。

是日來到尖沙咀工作，忙碌了整個上午，到了下午1時終於有時間休息，便到彌敦道附近看看有沒有平價食店🤗🤗走了接近半小時，沒有收獲，回頭之際看到遠處既麥當勞🍔，頓時回心微笑了一下，而且甘岩麥當勞推出全新優惠：Double 雙重巨無霸，套餐只售$35，便認不住試試🥰🥰麥記水準向來有保證，無他，世界級既食物管理質素，配合全球性材料訂購，確實不會令人失望🥰🥰雙重漢堡相對乾身了一點，而薯角則非常好食，$35來說真的超值😉😉

#中意嘅請分享請點讚🍻----------😋香芋批 $8McDonald's嘅香芋批終於又有得食喇，我對香芋批情有獨鍾，蘋果批都好小食，但一出香芋批就會係咁買黎食🤤。香芋批入面係熱辣辣粒粒芋頭，外層炸到好脆好香，如果係芋頭控就要試下。--------🔎各大M記有售

呂宋芒x榴槤雪糕之前見到榴槤味雪糕，但係都未有時間去食😪點知榴槤味雪糕冇咗變咗呂宋芒crossover發榴槤雪糕🤦🏻‍♀️呂宋芒味當然就係好假㗎啦🤷🏻‍♀️但係佢放咗榴槤蓉落去令到我肯食晒成杯雪糕😂我覺得呂宋芒嘅味道太強蓋過左榴槤味，兩件事唔係好夾😅寧願佢比原味雪糕我再加榴槤蓉落去仲好😂..📍：Mcdonalds