麥當勞

营业中

休息中

其實麥樂雞真係唔畀炸雞店差香脆的外皮外脆內軟真是十分吸引香滑雞肉還有雞汁 而且他還是雞胸肉所以肉質不會很硬 真是令喜歡吃雞的人想不斷在吃 而且他還有醬料可以邊吃邊點 而最出名的醬料便是甜酸醬 酸酸甜甜的 加上香脆的雞塊 真是十分好吃

今早起身女朋友無啦啦話想去食minion 版麥當奴一個陪你去食老麥的女朋友當然碌入屯門啦下午2:00 左右黎左屯門時代廣場果間人山人海好多內地遊客黎購物去點餐show 埋個手機問果個小姐有冇得改minion的芒果特飲佢話要mc cafe果邊排隊排左一陣終於可以係cafe點餐佢話而家無芒果特飲咁又排番正常果條隊去點餐幾經波折點左兩個餐安格斯牛肉漢堡+ 芥末雞包為左食minion果個薯餅個薯餅又凍又淋唔講都唔知係薯仔芥末雞包好似打完風咁裡面d 煙肉甩哂出黎最正常係個安格斯牛肉漢堡第一次試味道可以P.S 附近兩枱都係內地遊客食完走果時順手把餐盤送到垃圾桶幾好手尾真係唔錯

今日黎揾個朋友食飯，跟住為左揾個地方好好坐低傾下偈，就費事周圍揾，一上openrice就見到呢邊有多間食野嘅舖頭，於是就去左簡下有邊間好食，行行下見到呢間bar&restaurant想醫肚嘅我地，就簡左呢度開飯喇。薯條入口都算已經令人滿足嘅。不過味道就真係太一般喇，雖然唔算貴，但點都應該整好啲俾人食喇，又咸又燶底，雖然有陣熱，但大佬真係咸左啲喎，都唔明點解咁多笑，餐廳比起一般舖頭都有好多位應該做得更好更加到位，但係有小小失望囉希望有機會會再黎

將軍漢堡，也是麥當勞歸去來兮系列之一，這個「期間限定」包包，誕生於1992年，少說也有廿多年歷史了。不少人對將軍漢堡有份情意結，明明是個受歡迎的包包，卻從未加入恆常餐牌當中。求之不得總是令人輾轉反側，以「萬眾期待」來形容確是有點誇張，擁有一群死忠卻是鐵一般的事實。玉子將軍漢堡餐($32)褪去了重重的和風包裝後，就是長相平凡的將軍漢堡，汁醬淋漓的，吃得狼狽是意料中事吧！包包似乎是縮小了，最明顯的分別是豬柳變得薄薄的，口味自然差了一截，令厚身玉子更有存在價值。香甜的日式燒汁帶微微薑香，再加上蛋黃醬，不能說味道如昔，但確是比別的包包高了一班。沒有玉子的將軍漢堡($18)感覺失色多了，薄薄的豬柳夾雜少得可憐的菜絲，即使醬汁再甜美可人也是徒然。脆薯皇是連皮的薯角，也不是甚麼新事了，還是幼身薯條更得我心。白桃特飲就是糖漿加梳打，再加上雜果的桃味汽水吧！紅豆批有點像紅豆樂雪條，但不是我喜歡的口味。到了今天，這將軍漢堡仍可跟其他包類爭一日之長短，但不是好吃得令人「求之不得，輾轉反側」的層次了。

踏入雞年，離農曆新年時間不多，麥當勞又推出新款限定招財福堡套餐。知道今次換領的是可愛鬆弛熊款式Rilakkuma，已大半年沒吃過套餐的我就此破戒一下。招財福堡系列有四款，雞堡及牛堡，另外的只是在一向的招財雞/牛堡上加多了一層薯餅。叫了黃金脆薯雞堡套餐，紙盒上的設計幾得意，係幾有新年氣氛既。但外表只是來看，真正吃下去的是裝在裡面。雞堡包滿佈黑椒汁醬汁，雞扒也算大塊，而薯餅則整塊夾在雞扒之上。黑椒汁太多關係，味道都被其濃郁醬汁所掩蓋。整個包咬來吃的話，真的吃不出有薯餅的味道。薯餅夾在包內，實在太淋了，整體不太夾，薯餅還是單獨吃的較好。脆脆薯圈份量還好，熱騰騰情況下最好食，滋味脆口。就是為了這個熊噹噹，才吃麥當勞，其實買任何食品就可加$30換領一隻。招財福堡套餐再額外送得意利是封，拿去給媽媽封利是也不錯。

好耐無去食一個餐了，是日附近快餐排長龍，不想等太久，就選擇了新包餐。。。。瑞士芝味餐38包包食到脆爽生菜，炒過的洋蔥，但無乜菇可言，算是做差了，而包亦來愈細，牛肉今日吃到的更是有點干，大不如初出前。由薯條free轉的粟米，今天顏色ok，賣相刺是新翻貨，記住問佢拎牛油先會提味嫁，嘻。。。。

麥當勞的粟米批回歸了，雖然明知已不是小時候愛吃的鹹版粟米批，但依然也想吃吃. 午市時段購買，可惜粟米批熱度仍是不足. 外層幾香脆，內裡的粟米蓉是帶甜的，也不知當它是主食還是甜品好了. 仍然懷念當年的鹹版粟米批，何時才再推出呢?

麥當奴出左新包梗係要試下啦!今日試左安格斯系列既瑞士芝味!望落去塊牛好似好乾咁~不過食落都幾juicy ... 但味道都係一般~因為個牛肉可能唔夠熱~塊芝士唔係好溶~ 如果芝士溶溶地配落蘑菇到應該會好味好多~呢個新款包無咩驚喜~ 試一次夠了!

睇廣告見麥當勞出左新包。。。經過就買左黎試試個包基本上同至尊漢堡好似塊漢堡扒都幾厚！同埋肉味都幾濃郁最唔同的地方就係加左蘋果粒沙律漢堡入面有好多蘋果食起上黎剛好中調左食肉好漏的感覺好fresh另外仲加左個粟米忌廉湯個味唔會太咸仲有好多粟米在裡面

一年一度的阿華田雪糕又再度回歸麥當勞了，這次更是全新阿華田改良版口味 。選的是阿華田新地($8.5)，軟雪糕較易溶化，奶香濃郁，阿華田味比上一代更濃厚，加上大量阿華田脆脆，香濃甜美。才不過十元的雪糕新地，表現已令人相當滿意。雖然阿華田雪糕已不是新事，但每每還是期待它的重臨呢!

平常較早時段早餐質素一向不懂欣賞~試過熱香餅硬、焦或苦~故有一段時間沒有再吃~今天心血來潮~結果後悔了.....熱香餅可變到煎得不成餅型.....賣相反感…….味道怪怪，豬柳咸…… 幸好附近多間餐廳選擇，為了有good morning, 相信不會再有下次了。

本人喜愛牛油果，貪其營養價值高。喜見麥記推出牛油果雞堡，驚喜於其包裝，十分可愛。想不到此店店員會把材料放得如此整齊！熱辣辣的炸雞十分脆身。牛油果醬偏凍，如果切片口感可能更好。

麥當勞已經推出醒神早餐好耐，絕對適合我呢種唔食薯餅的人，價錢比套餐平，又可以試到套餐無的包，例如是麥芝蛋包，同最近勁賣廣告的芝士魚堡、芝士雞堡芝士雞堡，凍新鮮檸檬茶 $21好開心麥當勞出返新鮮檸檬茶，我好鐘意飲，但停售左好耐而家早餐加$3可以轉，我當然唔會錯過！其實芝士雞堡係老公推介我食，一試就愛上佢同11:00am開始提供的麥香雞包好似，不過個包用左硬身鬆餅白包，多左塊芝士，少左生菜，但塊雞一樣好好食，配埋芝士同沙律醬真係好夾，唔怪得麥當勞最近勁賣廣告啦凍新鮮檸檬茶我習慣走甜，因為可以飲到茶香，不過今次茶底比較混濁，可能比左隔夜茶我，好彩味道無大問題，檸檬有3片，所以都夠檸味，OK食呢個餐既飽肚，又可以唔洗浪費薯餅，very good

因為喺大會堂有活動嘅關係，午餐只能喺呢度衝衝忙忙食尐嘢就算，叫左個雙層芝士孖寶餐，薯條轉左薄薯脆。薄薯脆用一個折起嘅紙杯裝住，滿滿的一杯，而且同個名好附合，一塊嘢切得好薄，食落有尐食薯片嘅感覺，真係好脆，但又唔會好似袋裝薯片咁咸，好聽尐就似即炸嘅薯片。但就好碎。題外話，小妹去到時，正好係佢地嘅繁忙時間，唔知係唔係忙得有尐攰，所以將小妹話堂食撳左外賣。而執餐嘅姨姨，將小妹杯可樂執左杯雪碧，小妹共叫左兩個超值餐同一個小童餐，其中一個超值餐要轉粟米，但依然俾左薯條我

有留意嘅人都知道今次出嘅抹茶新地已經唔係第一次登場，只係之前對佢好感唔大所以冇試過。今日同小朋友去屯門公園放完電，想買個雪糕氹下自己同時又氹下小朋友咁，平平地就中左入麥當勞。最愛嘅紫薯新地已落左畫，可惜之餘買左2個新地筒同小朋友一人一個，我個係抹茶新地筒，因為覺得紫薯新地味道如此另人念念不忘，抹茶都應該唔會差得去邊。新地筒一拎到手已經有好感，新地明顯夠凍，所以成個形都好靚，唔會話有啲溶左咁。一入口果然有好濃厚嘅抹茶味，加埋新地本嘅奶味,感覺好清新，之後仲有少少真係飲左杯抹茶後嘅回甘。但第二第三啖食落去時就會發現妹仔大過主人婆，奶味搶過左抹茶味個頭。所以呢個抹茶新地應該都係試過就算，唔會好似紫薯新地咁令小妹一再回味