麥當勞

营业中

休息中

琴日終於有機會試吓麥記嘅麻辣板燒豬柳飽餐, 之不過... 咬落去一d都唔麻辣嘅, 連一d汁都見唔到喎, 塊豬柳係乾憎憎咁, 係咪俾錯包我先?但睇番個盒又真係麻辣板燒豬柳飽喎之但係食落同板燒豬柳飽冇咩分別係咪唔記得落d麻辣汁先? 定係個包真係咁架?結果有d瘀咁問番個senior D 嘅 staff, 問個包係咪有汁, 佢話有, 我就隊個包俾佢睇一d汁都冇, 佢一睇又真係冇汁, 同番廚房個staff 講個飽冇落汁, 同我講唔好意思, 俾個新嘅我.我攞咗個飽, 第一時間睇吓有冇汁先...有少少囉, 係張包裝紙度, 塊豬柳都係冇汁...真係有d無奈...我諗我唔會再去尼間麥記食嘢囉.

最近常常在想，我是不是就要和麥當當拼上了主要是以前沒吃過麥旋風啊跟大陸的味道其實差不多~不過差不多其實就很難得了，總比kfc難吃那么多要好~

本來麥記唔想多講,一嚟大家都知咩味道,二嚟嚟嚟去去都係包,但係今次新出既黑椒牛扒包我食過真係幾好食,所以一視同仁都要讚吓叫包梗係跟餐,加大餐廿五蚊,佢好食既原因係因為個黑椒汁做得好好,好有黑椒味,仲有d似喺花園餐廳叫個黑椒牛扒餐既感覺,.正!另外麥記既漢堡扒其實都有番咁上下多d出d好野,唔好好似之前既rice burger咁難食,大家都會支持吓!

麥記賀年出新野，第一時間去試！其實只係板燒雞腿包加辣板！廿四個八一個餐！仲可以加埋扭扭薯條加兩蚊！個包好辣，辣到我要飲可樂都解唔到辣，今次既雞肉無正常板咁滑，而且較乾身！都係食番普通既板燒雞腿包．．

聽聞牛肉不夠ＪＵＩＣＹ，不過總要一試。一口咬下去，令人喜出望外啊！汁都夠丫！配菜醬汁的多少和味道都配合得宜，好！

25 November 2006 (Sat) - 晚飯又係睇戲食飯既時候，今次食老麥，第一次試下呢個黑椒漢堡餐，有人話好乾，但係我食嗰個都好OK，唔太乾，但亦唔係話非常好食，只係一般，不過黑椒味都幾重，所以補返數，都係佢啲正常餐好食啲，其實我都唔係太鍾意食老麥，又唔健康又唔好食．．．少吃為妙~~

終於天試左兩款夏日甜品喇!首先係芒果新地,有好多芒果醬,味道唔錯,但係我覺得太甜,甜味可以輕少少,咁就可以出番多些果味,同埋呢隻口味雖然貴左一蚊,但竟然無花生喎,又會咁既?但係都算ok啦!另一款係意式新地杯,個英文名有tiramisu呢個字,等我仲以為有tiramisu,點知唔係個回事,其實係雪糕加類似咖啡/朱古力味焦糖醬(同朱古力新地個d唔同),然後灑上好多(真係好多,啖啖都有都食到食唔晒咁滯)朱古力曲奇碎,再加一支咖啡味呢拿外層脆脆棒,講真味道麻麻,得個甜字,十蚊真係唔抵!兩者比較芒果新地比意式新地杯佳!連咖啡朱古力奶昔都好味過意式新地杯呢!

今朝早餐食左個麵包覺得差少少, 唔係好夠飽, 行過旺角o既西洋菜南街o既McCafe就諗住買杯咖啡飲. 本來打算照舊要cappuccino, 但排隊時前面兩位都要mochaccino, 咁就試下新野.大o既mochaccino $22, 比cappuccino貴$2, 其實係後者加多左朱古力粉. 男店員沖咖啡時好似"姐手姐腳"咁, 本來有d擔心杯野會好難飲, 出乎意料之外, 杯mochaccino幾好飲, 奶泡打得幾挺, 奶味同咖啡味適中, 由於加左朱古力粉, 咖啡已夠甜, 唔駛再加糖. 飲得過!

手上有幾張McCafe o既coupon, $22有一個鬆餅/丹麥酥/brownie + 中杯裝咖啡(可選cappuccino). 尋日放假, 就過左西洋菜南街o既McCafe. 揀左一個合桃香蕉鬆餅加cappuccino. 鬆餅係嘉頓貨, 好大陣香蕉香精味, 可幸加熱後面層焦脆, 味道略遜時口感搭夠. 咖啡以前係用維記牛奶o既, 而家竟然用no-frills 保鮮奶?!!!唔通減價後要將貨就價?! 唔知係因為奶質素差定係女店員唔識沖, 杯cappuccino好難飲好苦!

I believe that most of the people love to go to MC Donald because they are effective. Last night (16 Feb 2005) I went to MC Donald for dinner and order a "Big MC" Meal set. I am so surprise that the staff told me that there is no more Big Mc left and I need to wait for couple minutes. The staff told me that he will bring me the Big Mc when ready. So, I grab a seat with the french fries and milk tea to wait for the Big Mc. After 10 minutes I have finish reading 5 pages of my book and finishe

今日落住毛毛雨, 覺有d凍, 就入左黎呢間McCafe外賣左杯cappuccino. 見個沖咖啡o既後生仔打奶泡o既手勢都幾pro, d泡都打得幾幼細. 可惜個espresso 底唔掂, 好水, 同尋日o係銅鑼灣McCafe o個杯差唔多, 唔係好掂.p.s. 而家愈來愈多麥記都設有McCafe, 佢地咖啡價錢較相宜, 而且堂飲個湯碗杯又好靚, 所以自己都多左幫趁!

麥當勞又有新野出,想講的是蜜桃藍莓乳酪,故名思義,蜜桃藍莓乳酪即是蜜桃+藍莓+ 乳酪.製作非常簡單,就是將三樣野放入杯裡面.另外可選擇加入燕麥.涼涼地,甜甜酸酸,幾開胃,但10蚊尼講,太細杯了.

呢間麥當勞係我全港至正既一間, 正係正在係佢既service 上!上次我拎左果set 未到位, 唔小心將氣水跌左落地, 搞到一地都係! STAFF 即上前叫人拎返杯比我, 仲help 我將果盤夜好! !好到不得了!