麥當勞 (沙角商場)

营业中

休息中

呢間麥當勞位置幾方便，一出沙田圍站，上天橋沿住直行就到。裡面仲有洗手機同埋自助冷熱水機。叫咗一個開心樂園餐，麥芝蛋包&細薯條&熱朱古力&玩具 $28雖然坐得好近出餐區但都叫咗送餐服務試下好快就送咗上黎，Staff仲幾有禮貌！有親子會會員卡，但要買夠$30先用到。所以順便試埋新出嘅焙茶Oreo麥旋風$17.5。親子會真係好抵食！夠$30可以揀要細薯條、中汽水、熱朱古力任何一款。自從做咗親子會會員，食麥當勞嘅次數大增😂。最後我揀咗細薯條，一個人食有兩包細薯條咩都夠飽。個焙茶Oreo麥旋風雖然賣相差咗啲，但茶味都濃，感覺上無一般嘅麥旋風咁甜叫得開心樂園餐，梗係貪佢個玩具啦唔想要玩具仲可以換圖書，都幾有教育性。唔難砌，細細個攞返Office做擺設啱啱好。

🍔麥當勞的The Signature Collection芝士安格斯又回來啦。呢個系列是標榜用100%安格斯牛🐂，而且賣點是最經典的美式漢堡包。🍔今次是食芝士安格斯漢堡套餐，有兩片不同芝士，其中一片是特選香濃紐西蘭切片白芝士，再加上酸黃瓜，洋蔥和番茄醬，配上澳洲或紐西蘭等地的安格斯牛製成特厚漢堡，食落這漢堡夠juicy又唔柴，以上配搭嘅經典又絕配。🍔套餐加上中薯條🍟及一杯熱飲☕都只需要39蚊，性價比很高。

每次去親日本我都會揀其中一日嘅早餐走去McDonald食佢嘅McGriddle，佢由一個比熱香餅厚少嘅皮夾住芝士、蛋、豬柳而成，口感咸咸甜甜咁都幾過癮。據說當年日本人發明McGriddle係為左方便打工仔趕返工嘅同時，又或者揸緊車嘅同時都可以單手食哂個早餐全餐，同時唔需要俾熱香餅嘅糖獎流到成手都係，呢個就係香港取名嘅楓糖。最近，香港都終於推廣呢一個McGriddle，第一日發售就去試一試，或者可能員工都係第一次整，又或者太多order啦，入口就比較濕少少，相比喺日本食嘅口感差左少少，但味道都依然不錯，睇返包裝紙都係日文，相信係同日本同一貨源同製法吧。

好耐都冇食m記，好掛住個早餐炒蛋，叫左個外賣。翻到去打開勁失落，漏左我最想食既野😭講真 早餐好難打開黎check...其他餐就話姐最後打咗去分店講，經理態度好好，極快處理，服務唔錯！最緊要呢件事上面，餐廳可以處理到客戶問題，我食唔到都冇所謂啦，當減少脂肪😂据哂～做得稱職妥當 係要讚下嘅👍🏻

最近麥當勞推出全新Oreo 曲奇忌廉批 平時作為Oreo粉絲嘅我一定要試吓！佢外表吸引 係可可味脆皮 但係咬咗一啖後 裏面嘅雲呢拿曲奇餡料令我有點失望 感覺吾太似oreo 味 反而有啲似芋頭味

今日在麥記來一客高熱量又輕盈的午餐，意大利泡沫咖啡（ 中杯）$26，士多啤梨味層層疊蛋糕$18。中杯的意大利泡沫咖啡，份量都算不少，不太濃郁的咖啡味道比較啱我，杯面的一層泡沫和圖案，令視覺和口感上冇咁單調，是一杯適合大部份香港人的咖啡。$18的士多啤梨味層層疊蛋糕不算貴，層層疊的造型，有手工蛋糕的感覺，又不會甜到漏，味道不錯，可以一試。凡惠顧有張積分咭送，不過沒有吸引力，不如省卻印刷積分咭，在價錢上直接優惠更實際！

呢間真係月尾一定會嚟幫襯嘅麥當勞！平時放親假都會自己一個行過嚟沙角度食呢間麥當勞！因為其實喺沙田搵間coffee shop啲咖啡又好飲係唔容易嘅，有覺得呢間麥當勞mc cafe咖啡係沖得好飲！今次叫咗謝霆鋒漢堡包！其實即係洋蔥豬扒漢堡包，原來洋蔥豬扒真係只係配飯先好味難怪咁耐以來都冇人將佢配落個包到啦，可一不可再，不過呢一間一定會再嚟幫襯

食完晚餐，想去商場買點東西，旁邊有間麥當勞。之前想吃脆皮朱古力筒全城斷貨，既然經過開就一定要試啦。跟食朱古力雪糕一樣，加上脆皮朱古力，咬落去脆卜卜，好甜，好好味，是一個好好的飯後甜品，只要6蚊，真係好抵食。

無看錯，張劵真係咁寫：＜麥芝蛋飽＞。麵包的<包>是名詞，食物之一。而<飽>是形容食了很多肚子很滿足，是餓的相反詞。這是招收2018會員之時，餐廳所贈送的美食劵。為了看清楚所贈送的食物，才發現這個＜麥芝蛋飽＞。上機印大貨前，唔校稿，求求其其。不過，這快餐店價廉物美，是大眾的恩物，就不能要求太多了！　　今晚來到沙角村，為求快快完成晚餐，目標就鎖定這家漢堡包專門店。這屋村的分店，不算太繁忙，但卻有很多座位已被使用。終於在內堂角落找到座位，可以享用這個麥芝蛋＜飽＞。熱辣辣的麥芝蛋＜飽＞，包殼很鬆軟，雞蛋的熱力使芝士軟化。先來一口，包殼真的很鬆軟，是剛烘熱的。最美味是內裡的醬料：鹹酸的蕃茄醬和肥膩的沙律醬。二款醬料味道都很濃，配味道較淡的雞蛋和包彀，很和諧。如果中間的圓形水蛋是流心蛋黃，應該會更美味。不過一口一口品嚐時，包內的醬料都＜必＞出來，差點弄污嘴邊的粧容。所以要大口大口豪邁地享受漢堡包，還是留在放假（没化粧）的日子吧！　　本身不喜歡汽水，特意走冰，另要求只裝七成滿。不過汽水走冰後，真係好甜，早知就要求多加點CO2水。

別人總愛說，甜品有另一個胃。從小到大我都異於常人..對甜品的需求近乎0...例外之一或者是麥當勞的熱香餅加豬柳。小時候，麥當勞是奢侈品，間中一次早餐可以到麥當勞吃早餐必然會點熱香餅加豬柳..當然，重點還是我最愛的脆薯餅。打開盒蓋，金黃色的熱香餅映入眼簾，塗上牛油和糖漿，入口甘甜而鬆軟...咳...一個熱香餅精選... 這天早上，本想食個甜甜的早餐好讓自己精神過來。 一如以往將熱香餅逐塊攤開，塗上牛油和糖漿，放入口一嘗..鬆軟的口感消失了，換來的是一塊塊沒有口感的粉團+泡打粉的苦澀...很不容易消滅了粉團終於食到我最愛的薯餅....今天這個薯餅沒有脆口不特止，咬下去是散開的薯仔粒物價漲 快餐維持「低價」，僅有的質素卻不住下降至新低點

三文魚牛堡餐加大三文魚牛堡包： 個醬係ok ge, 但係啲醬吱哂喺個邊度， 食到成隻手成塊面都係醬， 中間位置就乾淨淨。 炸魚太乾個皮太厚啲魚太薄。 牛肉同以前一樣既質素毋須多講。薯條： 薯條炸得太耐過左火， 濃濃地樣。黑松露粉： 一啲黑松露味都無， 包粉既成份表示左黑松露既成份最低。 成份最多既係麥芽糊精， 糖同鹽， 造成好強味精味， 過咸。 連埋薯條一齊食， 一路食就覺得好味精好熱氣。成個餐加大要$37， 有啲貴， 都係食返特價餐實際啲。服務：收銀既服務員好讚。 有笑容， 有耐性， 最重要係佢好清楚每一樣既收費。 加大要加$4， 唔加大但要黑松露粉加$2.5。 餐加大淨係加大飲品同薯條， 但熱飲無得加大， 加大鮮榨橙汁要另外加錢。 讚！

終於試到麥當勞新出嘅黑松露味shake shake 薯條，麥當勞次次一出shake shake就會衝去食。真正嘅黑松露就未食過，不過呢個黑松露粉就咸左啲。都係老土紫菜味好食啲，好彩今次麥當勞都有出姐

雖然紫薯雪糕已是年初的出品，但到今天，我依舊懷念它的美味!這個紫薯雪糕只有新地筒款式，盛惠$5.5！比起其他品牌來說，價錢非常貼地！雖然價錢平，但品質絶對不差的。食下第一口後，便發覺紫薯味非常突出，而且味道一點也不假，芬香濃郁，實在是令人驚訝！另外甜度也恰度好處，甜而不膩；吃完，那紫薯味還停留在口腔好一陣子哩！

這天又回來麥當勞, 為的是吃雪糕. 這次吃的就是可口可樂新地樂.可口可樂新地樂: 8分, 其實即是麥當勞版本的黑牛, 但就變成由軟雪糕加上可口可樂. 香滑的軟雪糕, 配上可口可樂, 效果匹配, 解渴一流.吃著的時候, 想起小時候也很喜歡吃黑牛, 時間過得真快, 快要跟小吉去吃雪糕了.