麥當勞

营业中

休息中

見廣告賣將軍漢堡又返左黎，仲要係廿二蚊餐，咁抵，梗係要黎食！新年，麥當勞特別多人，連平時唔多人嘅海聯分店都排成半個鐘先買到，得兩個counter，人排由中間排到出門邊，超誇張！將軍漢堡餐 ($22)，呢個價錢真係抵食，麵包舖買個包都要十蚊個啦。醬勁多，漏哂出黎，甜甜地嘅燒汁真係幾好味，豬柳有點過淋，生菜新鮮，整體好食。另外同事叫左煙燻香辣雞翼餐轉扭扭薯條 ($34.5)雞翼脆辣好食，但同普通嘅香辣雞翼無乜分別，但要貴兩蚊，我覺得可以叫番平時個隻辣雞翼餐就算。

今日下午去完圖書館，感覺得有少許肚餓，又不想吃太飽，所以決定到麥記，吃了一個”豬柳蛋漢堡”，一進來，Ｄ職員都自動自覺說：「歡迎光臨」，令我覺得不錯。我只叫了豬柳蛋漢堡，並沒有叫套餐，因為我不太愛吃炸薯條，（受父親的病影響），個包好好吃，（我沒有帶相機，所以沒有拍照），而豬柳及雞蛋都好好味，Ｄ蛋好滑呀！走後，佢地都會主動跟你說再見及替你開門。好滿意這兒啊！

呢日真係唔多好彩，話說唔知食乜好。就好求其地入左黎呢間野到，點知黑仔既事就發生啦。正路，等個餐都唔係等太耐既。不過唔知點解呢次等左幾耐，人小係咁既。人多真係唔知你地做唔做得黎？雙層芝士漢堡個包出面好多茄汁，食落去仲得人驚。牛肉係幾鹹，比自已灑鹽落自已口到還要鹹。但當我見到果pat紅色既醬，就已經覺得好恐怖。定係我前世做左違背自已良心既野。總之，見到個包就覺得有可能發生命案....唉。薯條無乜特別好寫，又係鹹到呀媽都唔認得。唔通而家鹽仲平過米，真係落得幾豪爽。以後唔再黎食啦，真係太恐怖啦。

若只論食物,我相信間間m記都係一樣但係論服務,哩間真係唔係咁好第一,d counter成日聽錯野第二,無論經理定係普通員工都成日做做下野傾計而且薯條既數量應該係北區最少大薯條=中薯條,中薯條=細薯條總之就是不行

掛起九號風球, 非常可怕。幾乎所有食肆都休息, 好正常的現象吧唯獨是麥記依然開門大吉, 上班一族實在感激。M記新推出的Colours of summer一直沒機會嘗試, 其中美祿麥旋風成為小妹目標, 真的沒想過在橫風橫雨的情況下品嚐啊。美祿麥旋風：縮了水的麥旋風, 感覺上跟新地份量差不多。雪糕口感當然比新地的軟雪糕挺身一點, 加上美祿粉攪拌在一起而已, 但是兩者攪拌得好不專業, 各據一方, 沒甚賣相可言。預期會有美祿朱古力粒粒tim, 估計錯誤 至於味道尚算不錯, 不過售價$9.8就貴左d 啦。平日在circle k買$6.9的美祿杯抵食好多。相比美祿和oreo麥旋風, 個人較喜歡後者。近日看太多關於漢堡包的食評, 令人食指大動,。純粹過下口癮, 就order了一個原始漢堡包。m記的漢堡包一直不受好評, 事實上它的確不太爭氣, 主要是漢堡扖吧, 外內都好乾爭爭, 沒有肉汁是它的特點, 包只是暖的, 幸好有茄汁和酸瓜作拌先冇咁dry。有些食物越普通就越難弄得出色, 但如果連最basic的都弄得不好, 那就不要怪人家不支持了。推出了1+2+3開心樂園餐, 打正旗號提倡飲食均衡......嗯

唔抵得BURGERKING收我三十幾蚊OFFER個平平冇奇既小華堡比我‧返歸去M記食至尊漢堡($25.X)‧至尊漢堡：有七層餡料，醬汁幾特別，似係加左料自製的千島醬, 有兩大片番茄，牛肉唔可以講多汁，但厚度足夠，加埋的醬汁配菜，成個包都幾好食，我覺得巨無霸太多肉了呢個好的‧薯條：朋友仔推介下要左法式蒜香味粉，有的點點蔥，用左調味粉唔使茄汁都夠味LU，但食完隔好耐仲有好大腍蒜味係口，EXTRA同AIRWAVES都幫唔到我=.=同場加映：雞扒沙律($22)可自選一種醬汁(個FRIEND點既，要左千島醬)我試左佢\的車厘茄，好味，超冰凍超FRESH~比街市賣5,6蚊果的好唔同，正!!佢\話的雞扒醃得咸得滯，其他都ok~但比我一定唔夠食la，無緣ar

招財牛肉漢堡︰唔掂，塊牛肉太淋太厚……同埋黑椒汁好杰，口感同食味都唔合格。薯圈︰呢個好在夠熱，ok，不過始終覺得Hardee's好d~橙汁特飲︰俾佢過關，感覺都算清新。

有冇搞錯，麥記都要人評，係人都知麥記..