麥當勞

营业中

休息中

見到麥當當出左個新包好似幾吸引，仲要只係$11，所以落堂即刻去買返個黎試下🥑一心抱有些少期望，點知.............🤦🏻‍♀️😭👁‍🗨 牛油果蓉雞堡 💲11一開頭攞個包上手見到張紙寫住芝士雞堡以為自己攞錯包，但係開黎睇睇又真係有層薄過面膜嘅牛油果蓉喎🥑其實份量少到咁一睇就知唔會有咩味🙄結果如我所料，食落去真係完全冇牛油果味，得微辣既雞味同埋芝士味🐥🧀整體黎講就好似食緊豬柳芝士漢堡但係中間塊豬柳換咗麥香雞入面塊雞咁，點會唔失望呢🤤🔛 整體評分（6/10）

今日天氣很熱 ，很想去麥當勞食雪糕涼爽一下， 發現而家出咗一款綠茶 新地筒 雪糕， 外表 綠色嘅顏色很有 新鮮感， 每杯只賣六蚊。仲可以選擇 綠茶味加原味 或者 淨綠茶味兩款。 外表 綠色 嘅顏色 ， 給人感覺 旣新鮮又特別。我買咗一杯 嚐一嚐 ，果然有綠茶味，而且食完之後 ， 感到涼快。

m記一直都好敢試新野 年中都出唔少唔同既新包比大家去選擇 今次出既第一日 18號我就放工狗沖去食 不過相信有睇廣告就知呢個包兩個醬都係辣 好似連個雞都係辣 我真係完全唔食得辣 所以我就走晒兩款醬 加2杯野飲 好彩最尾都唔算太辣 我都叫食到既，而且個包，你睇下塊雞！！你睇下個包 雞勁大勁厚，中間勁足料 可能第一日整得靚啲 idk 希望唔係，不過真係幾抵食 味道都唔錯，唔太辣 到左芝士薯條方面就有少少失望 你睇下啲芝士，少到呢。。。。。。 見佢擠幾下就算。。。 如果好似之前比一包芝士你自己擠就好 反而煙肉比想像中多 可惜芝士先係重點 not 煙肉 ( ‾ʖ̫‾) 不過呢個包無以前三文魚同傻蛋飽咁好食 無嗰種令人想狂食再食再狂食既衝動 係有少少可惜 ( ͡ʘ ͜ʖ ͡ʘ) 希望佢地既新包可以再做好啲 同埋 比返傻蛋包我比返傻蛋包我比返傻蛋包我 ！！ 重要的事情說3次( ✧≖ ͜ʖ≖)

萬眾期待的點Jack又返來啦! 我地琴日即係要試了～今次的四款dip dip醬包括有韓式辛辣醬、蜜糖芥末，另外仲有新出的檸檬香草醬同埋韓式烤肉醬。四款醬全部都係永粉色包裝好靚，而幾款之中我地最鍾意的都仍然係韓式辛辣醬，覺得係最夾麥樂雞的，至於新出的韓式烤肉醬都幾特別，但食落有d似茶記快餐的洋蔥汁，至於其餘兩款都不不同同不過不失吧～另外同期仲有呢個東京之夜tokyo night的新包，係芝麻墨汁包夾注炸雞、雞蛋、芝士同蛋黃醬等材料，味道都不錯的～最後當然唔少得香芋批，趁佢仲有得買一定要食啦～

如果唔係將軍漢堡，睇怕都唔會幫襯老麥，而且我唔係老麥粉絲，唔多食老麥。叫咗個將軍漢堡同玉子將軍之餘，心多多叫咗個雞翼拼盤，唉... 一望埋去，d雞翼細得可憐，相信d雞翼細隻到連小朋友都話細，燒雞翼處理得過左火少少，乾身左d。幾時老麥先入番d大隻size嘅雞翼呀？

行開紅磡，又見到無咩人排隊，貪過引試下佢地隻紫薯雪糕。由於怕齋紫薯味太甜，所以叫左紐紋紫薯，希望味道唔會太甜！唉！果然批中左！結果真係甜左少少，期待佢地下次出新產品！

下午時段去食d小食，又嘴痕想食麥當勞叫左豬柳蛋漢堡同埋又出現返既粟米批！！！豬柳蛋漢堡好好，新鮮整熱辣辣熱既好味好多。粟米批好creamy又多粟米，好開心又有得食haha。太餓無影相

今早突然想食麥當勞，見廣告賣得咁行，今早去試了麥當勞新出的豬柳炒蛋包，賣相ok，蛋也炒得算滑，但包太硬了，而且味道一般，我始終中意平時d包多d，未必會再試薯餅和豆漿沒有甚麼特別，同平時食一樣'

香港人食麥記好平常，今次食物效果就麻麻，明顯薯條反炸過，非常硬同缩咗水，無平時飽滿爽脆，食咗幾條已放棄，好彩麥樂雞水準持平，每塊雞塊都外脆内嫩，配上傳统的甜醬，令雞塊更加好味。

一直好期待麥當勞推出適合素食既包包....終於等到了! "脆香素菇包" 今日午飯時即刻跑去麥當勞.買了"脆香素菇包餐+栗米批""脆香素菇包餐"夠香脆,但係味道就偏咸."粟米批"批脆邊好正,裡面係啖啖粟米濃湯....yummy!! 但係食完之後會勁口乾.....

麥當奴推出黑白主題的漢堡和甜品, 令人頗有衝動一試. 先試一下甜品:黑白珍珠奶茶($15.5)- 所謂黑白, 即是珍珠(粉圓)+沒有餡的小湯圓, 配上奶茶, 感覺搭配, 珍珠口感煙韌, 小湯圓口感軟糯, 它們沒有結成一縷, 已經是合格之上. 至於奶茶, 一如既往的奶多過茶, 一如既往的用奶精, 一如既往的感覺soso, 黑白珍珠焦糖新地($7)- 在小妹的眼中, 焦糖新地的回歸, 反而是最eye-catching的item!!!在三種口味的新地當中, 個人最愛甜絲絲的焦糖口味, 卻在多年前無聲無色地消失了! 如今再度回歸, 令我再有動力再幫襯麥記了! 焦糖醬一如以往的甜得可愛, 這份甜美在牙縫間痴纏, 是一種幸福的回憶. 軟雪糕忌廉味滿滿, 甜得來不過份, 是一個天衣無縫的配搭. 今次還添加黑白珍珠, 為柔美的雪糕増加咬口.

今天不太餓, 跟3位朋友要在附近工作, 來了人流稀疏的漁人碼頭. 食店並不多, 最大型應該是麥當勞. 香脆雞翼其實我很喜歡吃雞, 幸好是每人一件.買回來即食, 雞皮已經油油, 而且唔脆. 脆皮好鬆散.雞味都有, 所以最後起皮先食. 魚柳包這個不錯, 沙律醬爆多, 魚柳都大塊.而且$21有交易, 但最後都吃不完~ 麥樂雞吃了一粒, 感覺皮與肉已分開了.即是放了很久才賣那種不新鮮本身已沒什麼賣相, 味道也沒有, 差! 薯條同樣是外皮已涼了, 而且跟裡面薯蓉分開了, 好似入面空空的.薯條已淋, 軟身, 所以剩了一包左右.此店唯一的好, 是人流好少, 可以靜靜聊天.

路紅紅磡海逸，這個人煙單薄的商場，兩間店對到正，麥記和UCC, 十倍之差的價錢，考量過，都係選擇平價貨，唔買五蚊雞一件蘋果批，反而要了較貴的 Taro pie, 唔太滿意呀， 唔夠熱囉， 咖啡無問題，如常啦

豬柳蛋漢堡塊豬柳鹹到喊！塊蛋好似蒸蛋咁，怪怪哋。中薯條又熱又脆，好味道！

要上紅磡辦事, 搞完都係5點, 為食的豬豬女友及我看到麥記, 口痕之下, 入了去食薯條.但女友豬看到有魚柳, 又叫了!食條薯條, 味道係永遠都咁正的但之前上網見到麥記薯條擺6年都真的不變, 又驚又喜呢...女友最初係每次攞一條薯條, 之後加速到一手兩條三條, 不出幾分鐘便吃光了!炸魚略硬; 不及魚柳包好味. 肯定不會再食.都不重要了, 最緊要女友開心便行