麥當勞

营业中

休息中

足三両 -- single 足三両的牛肉厚左少少, 肉質好似鬆軟些, 肉汁好像多了少少 不過若果唔為意, 以為只係食緊普通的芝士漢堡其實都係為左杯雪糕而來, 晚間六至九買套餐 + $1就有杯新地, 好鍾意食淋在雪糕面的朱古力醬

一直都鍾意食開心樂園餐 -- 早餐:選兩件熱香餅, 一件薯餅, 熱朱古力:--麥記熱香餅熱辣辣, 令牛油好快溶及滲入餅中, 配埋糖漿, 正! 好多茶餐廳及連鎖快餐店都做唔到咁好食--開心樂園餐的優點係只有兩件熱香餅, 其他早餐set規定左三件熱香餅, 一次過食三件實在太多, 而且三件亦只俾兩舊牛油, 根本唔夠. 所以開心樂園兩件餅兩舊牛油係最佳的份量! 仲可以揀薯餅. 若早餐set就迫住食豬柳. --因個餐包埋公仔, 價錢會貴左少少. 不過今天還會額外送多個"指定"玩具, 比平時多一個. 即磨咖啡--上個星期飲, 係當日報紙coupon送的, 好似比以前好飲, 咖啡香濃得來唔會苦, 仲好細滑, 唔加糖都好飲

今晚同幾個朋友上黎睇下改左24小時後,馮星期四晚有冇雪糕食,發現原來係有架!好!以後唔駛再怕如果係星期四就黎唔到呢度食野啦~~因為有時食宵夜唔想去茶餐廳之類食咁多野,反而黎麥記可以就咁叫杯雪糕或一個包咁頂下肚嘛~

呢個麥記其實已經幫襯過無數次,就連呢度一部份職員都認得我地,點解?事原係我地好多時都係十一點幾黎食宵夜,多數會叫雪糕食,但初初黎唔知道,原來呢間舖係馮星期四晚十點就洗雪糕機架喇!!搞到我地次次一心黎食雪糕都冇得食,大佬呀!點諗到話收十二點,但十點會冇雪糕架!有次仲慶到即時走左...!之後我地都記住星期四就唔好去麥記食宵夜。但最近聽住係呢度附近既朋友講話改左開24小時,希望唔好又係十點後話要洗機,搞到好多野冇得食啦!如果係冇野食畀人揀既,開到咁夜做乜?!不過呢度地方都幾大幾好坐,同埋職員既服務都幾好既!但個至尊漢堡就麻麻地!

前幾日因為一些特別原因去呢間麥記~入到去見到D STAFF笑笑口咁招呼你~對老人家或者小朋友都好好招待服務的確係好D既~至於嘢食.....叫咗個煙蛋餐~可能服務好D嘢食都OK D^^

原本只想叫一份炸蝦(單叫$14) 試試, 但店員介紹所有超值套餐只需$15 另加炸蝦$7. 那就叫了一個餐加炸蝦炸蝦六條, 肉有大概兩吋半, 食落口有少少蝦味, 調味方面普普通通. 脆皮有些少"林", 應該是因為放了一段時間. 整體而言, 食落口算有些驚喜, 新款食物來講算不錯.