麥當勞

营业中

休息中

今日係銅鑼灣行行下，突然好想食香口野，就入麥當勞食個下午茶。呢間麥當勞好大有兩層，啲位都幾多下，所以都比較容易搵位，同唔算太迫坐得算舒服。今次就要咗麥樂雞餐，扭扭薯條唔係成日都有所以個餐再轉扭扭薯條。個扭扭薯條都算多，味道都幾好幾香口，食落個口感同薯條好唔同，有少少咬口，不過唔知點解舊舊都咁大餅，有少少難處理。個人鐘意食扭扭薯條多過普通薯條，如果長期都有就好啦。而個麥樂雞就一般啦，個皮唔係好夠脆。

好開心呀!!又一日收工既MOMENT~~緊係走唔甩甜品啦!點樣食得黎又可以慳錢? 我諗都走唔出M記啦(利申..)我係一個超級無敵朱古力控,,所有朱古力都唔會逃得過我掌心:sbtw 介紹返今次呢2個分別係m記新出既阿華田脆脆新地同埋朱古力脆皮士多啤梨新地筒一如以往啦!脆皮筒都係沾滿哂成個雪糕 純粹係裡面由雲呢拿味變左做士多啤梨味既底,但呢間個staff整到個外形扣哂分..一d都唔吸引  算啦唔緊要 味道係返到就得啦另外阿華田脆脆都唔錯!幾好味!不過朱古力都係跑嬴dd 

人人都有食過麥記，漢堡包，魚柳包，巨無霸等等全部都成日食，哈哈，估吾到會寫。都係因為𩃀蜂𠴱廣告，加上同事話好食，就叫咗𠴱最新嘅安格斯煎蛋肉醬包，再加個菠蘿特飲。食落個包，第一個感覺是食緊普通漢堡包冇分別。真係好奇怪，見裏面明明有吾同料，重有蛋，真係吾知點解。分開食，發覺肉醬原來幾好食，可惜太少肉醬，啲味出吾到，所以同食普通漢堡包冇分別。廣告就算，同同事講有落差。😔菠蘿特飲走冰是必然，如果吾係應該半杯都係冰。不過係好飲嘅。

最近麥當勞推出限定d24榴櫣麥旋風雪糕😋😋😋前兩天第一次去試！佢有分三個價$的，而我就買了最貴嘅價$55一杯,佢原本雪糕𥚃已有榴槤肉，但重量級會有另外一個榴櫣肉可加落雪糕上 好濃郁超正!

迎合世界盃, 老麥今日出新野, 即管試下啦﹗德國辣雞堡: 一D都唔辣, 內有芝士, 沒有醬汁, 感覺幾dry薯皇保持水準, 唔加茄汁一樣好食﹗憑餐+$5.5換新出既珍珠奶茶，無奶味, 唔夠凍, 得珍珠幾好﹗可以不試﹗反而最想買球迷珍寶桶, 但16件, 2個人都未必食得完, 唯有下次再試﹗

提起麥當勞，本人要求都唔算高！但真係不得不提呢間銅鑼灣麥當勞，我係佢附近返工，有時早餐唔知去邊度食又或者口痕都會行去呢間麥當勞買下野食本來呢間麥當勞未裝修前已經好多時排長龍架啦！我已經對呢間野無咩好感！裝修完之後等拎餐嘅時間仲耐過以前！😡😡仲有啲野食，今日陪同事食個lunch , 等拎餐已經耐，仲要啲薯條唔熱架😡都已經咁多人order架啦，又唔熱又淋，都唔知搞咩架所以好多時都係預多小小時間先會去呢間麥當勞買野食

今朝一早百無聊賴，去左同麥當勞叔叔拜個年。眼見有個醒神早餐只需十八蚊，我諗都唔諗就買左豬柳蛋漢堡+熱奶茶。今時今日百物騰貴的年頭，十八蚊想食份好一點的早餐係幾乎無可能。但係麥當勞叔叔就做到了！奶茶夠濃夠滑，一解我每日都要飲奶茶的癮。至於豬柳蛋漢堡就唔洗講，好食到不得了，我去襯探麥當勞叔叔都差不多次次到要落 order 要件食。可能由於麥當勞叔叔由細睇到我大，佢啲手勢都無令我失望，保持到一定水準，無論我早餐買定晚餐食豬柳蛋漢堡都好好味，令我多番回味。

都唔知乜電腦外買唔跟編號，買四個包等左個幾鐘都未有，又冇得跟Number check幾時有，不知所謂。現今世代都唔知乜嘢電腦嚟嘅！個個客對住個櫃檯電腦版O晒嘴發晒！就嚟餓到死咗血糖又低！再等落去就要call白車！

I have been visiting this restaurant for over 30 years, and I would say the new setup is the worse ever! It takes so much more time to Q up and ordering food. How would you guys only have two cashier in such a big restaurants? And you expect everyone will able to use the electric order machine?

見到McCafe出左抹茶系列作為抹茶控即刻勁有興趣去試試1️⃣Oreo紅豆抹茶撻🍵店員會焗返熱個抹茶撻先比客人所以一咬開係流心架😍抹茶撻餅底脆口更驚喜地抹茶味都幾濃仲有d紅豆粒係中間口感豐富，味道幾唔錯2️⃣Oreo抹茶朱古力(熱)🍫Oreo x 抹茶 x 朱古力加埋都幾夾既加左抹茶之後無平時既熱朱古力咁甜甚至覺得有少少太淡

呢晚同朋友食完晚飯，大家都意猶未盡，於是我提議不如去食甜品丫！但我又唔想去食糖水，又想平平地，唔會俾人趕，可以慢慢傾朋友就提議不如去McCafe試下佢個抹茶蛋糕丫！於是就黎左呢一間喇！朋友點左抹茶紅豆千層蛋糕 同埋 抹茶豆奶咖啡我就點左個芒果千層蛋糕 同埋 阿華田脆脆 明明岩岩先食完飯，點解仲食得落咁多野？🤦🏻‍♀️朋友作為一個抹茶控，佢覺得兩樣都好好食而我作為芒果控，就覺得呢個千層蛋糕嘅芒果味唔夠濃。另外最頂塊皮略嫌硬左少少，可能因為已經雪左成日卦但杯阿華田脆脆真係呢⋯⋯完全喚起小學返學前，媽咪沖好一杯阿華田做早餐嘅感覺呀！好warm呀！

大家都知麥當勞每隔一段時間就會番兜一次舊有菜式紫薯完左之後，呢期又輪到抹茶系列呢晚食完晚飯又口痕，想食d甜野，麥當勞無疑係廉價之選。呢期抹茶係主角，好順理成章地叫左個抹茶新地做宵夜。抹茶朱古力新地（$8）首先要讚下雪糕妹妹唧得好靚，仲比左好多花生粒。好可惜雪糕完全沒有抹茶味呢回事，個味只能說係人工做出嚟，還不如食回原味。朱古力醬可以蓋過人工抹茶味，所以如果有多d朱古力醬就好了 出過咁多隻味，草根認為阿華田比較可取幾時再出啊？！

老實講m記係一間快餐人人都知但係由落單到拎野食足足要廿五分鐘睇到d員工做到亂晒先後又錯晒問佢地等幾耐仲要黑面大佬食個餐都唔駛廿分鐘啦等你個餐仲慢過食個餐有冇搞錯呀

星期二晚上約好7點和一隊人去行夜山，一個人6點半左右在銅鑼灣Sogo附近，講到平靚正，仲要快，當然不外乎這間位於怡和街的麥記。這間麥記因為地點好，近地鐵、巴士站，每逢周六日一定有大量外籍傭工進駐。這天是平日放工時間，依然是人山人海，不過大部分是本地打工仔。一樓是賣雪糕新地的櫃檯，必須行上二樓才可以購買食物，三樓會有更多座位。最近麥記餐牌新添一款泰式洋蔥安格斯，號稱用了100%特厚安格斯牛肉，配上煎蛋和洋蔥，是蠻創新的配搭，既然待會兒要作5小時的運動，我就趁此機會嘗試這個新品種，補充一下蛋白質。用紙盒盛載的漢堡，上面寫著A Taste of Thailand, 我期待著泰式酸辣醬的風味。揭蓋後，從側面看能看到一層帶有芝士的煎蛋和一塊厚厚的牛肉，醬汁不是很多，我嚐不出什麼泰式風味，倒是牛肉是出奇的多汁和柔軟，肉質和口感都和餐廳供應的牛肉不相伯仲，那濃厚的肉味和豐盛的口感，再配上煎蛋和蔬菜絲，每一口都讓人心滿意足，至今為止是麥記供應的最優秀漢堡。唯一的缺點是太過heavy，為我後來行山增添了重量和煩惱，建議大家盡量不要晚上吃，不易消化，如果中午吃，飯後最好不要馬上坐下或工作。水準倒是一流的！

我是一個Oreo控,知道麥當勞推出了Oreo飲品以及甜品, 估計Oreo應該伏都有底線🤔我點了一杯iced Oeroccino,一路想着應該很有朱古力奶味,誰不知連oreo味也沒有,只有普通鮮奶味,感覺像只是把餅乾插在那忌廉上當裝飾😕相當失望另外我們點了個安格斯牛肉漢堡,不過不失吧,沒有太大驚喜,只能說牛肉比較厚,但別忘記價錢也比一般漢堡包貴,不過值得一讚是烘熱的漢堡包相當好味,外脆內鬆軟,這是有驚喜的🤗