麥當勞

营业中

休息中

陪你著長大📍香港麥當勞 我喺香港長大由細到大都最鐘意食麥當勞🍔🍟記得細個考試默書100分，媽媽帶我買麥當勞作為獎勵🎁 😆原來香港麥當勞陪伴我整個童年🫶🏻諗返起獎勵既感覺💞係開心既！香港同國內嘅麥當勞餐牌係有分別架，早餐我最鐘意呢個~珍寶套餐~ 香港先有，國內無！食得豐富啲： 有熱香餅、炒蛋、漢堡扒、薯餅、提子醬麵包 🥯 好味架！長大左都成日食，我貪佢：平、靚、正！方便😆順便黎買我想珍藏既香港限定，香港麥當勞Vick玩具模型套裝，上次睇完展所以好想帶佢返屋企玩！佢係麥當勞同日本平面人氣藝術家Verdy合作推出既一套聯名玩具，一套有4個不同造型和表情既vick❤️好鐘意#香港麥當勞 #麥當勞 #麥當勞新品 #

好耐冇喺麥當勞食早餐。今次叫咗熱香餅精選套餐加薯餅🥞熱香餅我揀咗個新口味，阿華田脆脆配甜奶。成個套餐連杯細橙汁$37。阿華田脆脆配甜奶呢個新口味，我覺得甜咗啲。 我個人都係比較喜歡原本嗰一個味道嘅熱香餅。今次我去左元朗青山公路，貿易中心地下嗰間麥當勞食早餐。呢一間麥當勞都算大，佢有兩層。

心心念念咗好耐嘅阿華田新地終於返嚟啦🥰阿華田雪糕雖然比較甜，不過加埋面頭啲阿華田脆脆真係世一🤤🤤阿華田新地$8，阿華田新地筒$7，新地杯就大杯好多，我諗冇人會揀新地筒啦🤣

🍽新吞拿蛋沙律意式包 🥪 新吞拿🐟配蛋沙律同chesse 🧀，味道好夾‼️個包🍞外面烘得熱脆跪♨️，餡料好多❗☕Hot Latte可免費轉脫脂，職員話個拉花唔夠靚，但我話已令我開心用餐啦🥰＄40有找，CP 值高🤗揀左望向街景坐，視覺舒服過望室內/手機 😆

貿易廣場呢間雖然有啲麻煩 要行樓梯上一層先買到餐 有時旺起上嚟 要上多一、兩層先有位坐但勝在效率高、出餐快 又有McCafe👍🏻除此之外 呢間又可以有特別安排走醬全無問題個別有啲分店唔肯做 仲要話公司指引即使有特別要求呢間都可以五分鐘內出到餐依然係一間名符其實平靚正的快餐店仲講求顧客服務 Like👍🏻

又到宵夜時間，宜加咁嘅世道10點後咩都關門，都吾知可以去邊到食飯好，麥記就係最好嘅選擇，加上可以單點野食，吾怕叫一大份又貴又食吾晒同親故叫左兩件新出嘅孜然麥烤雞，用app coupon 10蚊件再加9蚊有士多啤梨新地，有咸有甜，好complete 估吾到咁有驚喜，因為真心好食，好juicy 好脆口，孜然味岩岩好，吾會好濃無晒雞味，香口野同孜然味真係好夾，土匪Feel 出晒泥，加上有手掌咁大件，大飽足今晚10點後可以去邊？可以Hea 土匪炸雞

天文台宣佈晚上7:10掛8號風球，趕及於掛波前落好及收到麥當勞外賣。平時食漢堡包快餐我通常係幫襯另外一間，不過打風就無唔理得咁多。家人叫咗板燒雞腿包，粟米杯，凍柯華田脆脆雞腿包的雞肉算係夠嫩，粟米淡而無味，凍華田OK我叫咗磨菇安格斯，炸薯條磨菇安格斯算係麥當勞裏我最鍾意的包，牛肉味較濃，磨菇及洋蔥條配搭好。細條的炸薯條就算係熱的時候，始終都唔及食粗薯條咁好味。我地另外叫咗啲小食，脆香雞翼整體夠脆，而肉質夠嫩。麥樂雞就一般OK。

估唔到普普通通食個早餐，都有野寫，我今日叫咗份珍寶早餐，其實我成日都係食呢份set，都無乜特別，但今次真係好特別，特別之處是勁勁勁多油，薯餅有油都正常，豬柳漢堡啲油多到要用餐紙索吓啲油先稍為好啲，就連炒蛋都係油浸咁，總之食完之後覺得成個口都係油，唔知係今日個員工重手咗，還是係呢間店既特色呢！用餐紙索油後稍為好啲…

鐘意食黑糖珍珠奶茶既我，無可能唔試麥當勞呢杯限定既雪糕新地！$8.5就已經有黑糖珍珠奶茶既享受。賣相非常吸引，我仲叫左多醬多珍珠，啖啖都有黑糖既味道，個感覺好似真係飲緊黑糖珍珠奶茶！雪糕味道有茶味，唔算太搶，口感都係幼滑，絕對可以encore!

難得假日一早起身，食返個靚早餐先。今日就去近近地嘅麥當勞叫返兩個早餐食。原來一早已經好多人，等咗一陣先搵咗兩個位。有選擇困難症有好貪心唔知食咩好，就揀咗個珍寶套餐。難得有MC Cafe就揀埋龍蝦意大利包。珍寶套餐好大份好飽食麥當勞早餐嘅重點就係薯餅，今次揸得新鮮熱辣非常脆口🥰🥰超級鍾意呀熱香餅揀咗花生醬同埋煉奶，好似食奶醬多咁😍😍醬既份量非常之足夠😚超好炒蛋加埋黑椒同埋鹽就一流啦今次仲揀咗豆乳抹茶🍵，唔使次次飲熱朱古力🍫

見麥當勞app有優惠，食個下午茶啦！三個人消費within $50 ok呀不過因為限聚令，好少座位，無得坐，唯有站著食啦，比人趕走有少少唔開心。雞髀$10，juicy 好食的；呂宋芒果雪糕$5，抵食的，香芒果味，原來可以mix 芒果同原味。

上個月去咗麥當勞🍔，因為好耐冇食啦突然口痕想食啲煎炸野，依時去咗元朗是但一間嘅麥當勞佢食超值套餐^_^。買咗個最貴嘅漢堡包蘑菇安格斯，非常非常之好食，牛扒都好厚！之後就買左朱古力脆皮甜筒🍦，又係一樣非常之好食😋！

用外賣apps, 嗌左蘋果批同麥炸雞筒餐，半個鐘內送到！真係又快又方便！送到上黎仲熱辣辣！食炸雞一定要熱先好食，如果已經凍左真係會扣哂分，屋企又冇氣炸鍋整返熱。雞肉好Juicy, 口感一流。

今日喺寫字樓返工做到攰攰地，想買杯咖啡飲下，就諗起麥當勞嘅McCafe，順便幫同事買埋，叫咗三杯飲品分別係忌廉抹茶豆奶，濃黑咖啡及泡沫咖啡，依家麥當勞做緊濃黑咖啡同埋泡沫咖啡嘅優惠，中杯嘅價錢只係$18 ，絕對值得大家去試吓

食完經過麥當勞，敵唔住誘惑終於試到新出既鋒味奶茶麥旋風。本身以為伏伏地，但之前有朋友試過話好食，覺得值得期待一試。雖然要排隊但好快就整左出黎，但佢一整出黎既份量已經特別少。好彩係佢畀得少，因為食落去太甜。由其係食到d曲奇既時候好似每啖都食到砂糖咁。雪榚畀得少之餘又唔係好食，最重要係一杯要成15蚊。真心認為佢呢個唔洗試都得。難怪一直生存到既淨係得個幾款麥旋風。滿心期待新口味既麥旋風最尾只帶黎失望，以後都係食曲奇麥旋風好了。