麥當勞

营业中

休息中

服務質素超級差， 從下單到取貨全程黑面，買三個蜂蜜豬柳餐外賣，三個餐放在一個紙袋內，只有兩公分空位叫我怎樣拿，而且下雨，只好付了$1膠袋費，到最後2個飲品都是錯的，兩個朱古力變了一個檸檬茶，一個奶茶，真的無語.🤦‍♂️

咁啱嚟到梅窩呢度，見到附近都冇乜好嘅選擇，佢仲喺附近食啲快嘅嘢，冇乜選擇所以食麥當勞餐廳位置都算幾大，而且可能有啲偏遠嘅原因，所以都唔係太多人，我哋就叫做一個脆辣雞腿包餐，一份薯條，再加一個熱檸茶，薯條嚟講都熱辣辣唔算係好林，我覺得質素都正常，而且加埋shake shake 紫菜粉真係幾好食, 個包都係熱辣辣，整體質素我覺得都幾好，最後加多杯熱檸茶，我就覺得不過不失，熱檸茶冇乜特別，下次會試吓其他唔同飲品

梅窩餐廳唔多，選擇亦真係比較少，快餐店就更加係寥寥可數，呢間麥當勞真係幾受梅窩人歡迎㗎😄首先講講個環境啦，店舖唔大，座位亦唔算多，但勝在有個海景，夠晒悠閑🙃

由11月20日起，第二輪新野「鋒味洋蔥吉列豬扒飽」同「鋒味避風塘炒蟹味調味粉」同步推出，作為死忠當然要試下。*老實講本身試左第一個肉醬包根本普通到覺得浪費錢了，唔會再有咩期望，不過我同事話諗唔到食咩決定買M記，我先簡新出既「鋒味洋蔥吉列豬扒飽」。 估佢唔到外層金黃酥脆、內裡肉質鮮嫩的吉列豬扒取代普通豬扒，結合炸洋蔥碎和香炒洋葱的雙重口感，加上微融的芝士、酸甜開胃的沙律醬和鬆軟麵包，口感豐富，讓你一吃上癮！明明本身冇期望都變左好大期望。一吃上癮只要購買任何加大超值套餐，Shake Shake薯條可選配「鋒味避風塘炒蟹味調味粉」，微微辛辣香口刺激，平時唔食辣既我都食下，不過老實講好咸呀!!!!想點呀? 雖然都知自己食緊味精嫁啦，不過沒有蟹味，沒有避風塘味既粉都第一次食呀! 下次都係會食番紫菜味算了。「鋒味避風塘炒蟹味調味粉」根本係伏!

全新麥樂雞滋味醬及Shake Shake薯條番番黎啦。１８隻麥樂雞真係食曬既話會飽到上天靈蓋。川式甜酸燒汁醬、四川宮保風味醬、及星洲咖喱醬全部都係垃圾。蜜糖芥末醬算正常同最好味。和風紫菜調味粉先係最正，一食再食。

明明話系煙內芝士抄蛋漢堡。點解個蛋吾系抄蛋黎既。根同同11蚊包冇分別。明明就只系轉左塊煙肉。有冇搞錯。甘我洗乜買呢個包。買廣告買到甘熱。點知個包甘既。好失望。希望只系個人問題。

復活節入左梅窩渡假, 夜晚諗住搵下的甜品/糖水食, 但原來係冇的.............最終係入左去M記食雪糕.............由於已經九點幾十點, 入面得幾個人客, 收銀只得男經理, 唔知係咪佢唔慣開夜, 我地入到去都唔係點理我地, 咁都冇所謂, 可以靜靜地睇下食乜, 但到我地行埋去買野的時候, 個經理繼續做佢自己野, 唔理我地, 叫左幾聲先至有D反應.................我地叫左1個double新地+1個新地筒...........新地筒的份量同平時差不多, 好似三圈半咁上下, 但double新地份量應該係普通新地的兩倍, 因為double新地個杯係比普通新地高3-4cm左右, 但果晚個經理裝得唔多, 感覺上我地杯double新地只係個杯高左, 同埋多左一層朱古力醬, 因為我地杯雪糕最後一圈的結尾位只剛剛到杯頂, 全杯雪糕我估只有5圈左右腿下層2圈半+上層2圈半, 由於我地未食過, 所以唔知應該係幾大杯, 雖然感覺上係細杯左, 而且比佢燈箱上的display係少好多, 不過我地都算, 因為你知d餐廳成日都話"圖片只供參考", 我地唯有坐低一邊慢慢嘆, 但當我地

八月十六日, 今日返咗梅窩, 夜晚返出嚟時, 由於未有船, 所以走咗去碼頭間麥記買咗個想試好耐既雙層芒果朱古力新地試吓! 以麥記嚟講, $10.5 呢個價錢其實唔算貴, 但好可惜, 食落口............ 啲芒果汁超甜! 真係甜到離晒譜!! 啲果肉既口感又唔好, 好似梅梅哋咁,芒果汁唔似芒果汁, 芒果肉又唔似芒果肉咁, 總之一句「好唔掂!!」我諗再買嚟食, 都係兩層要晒朱古力好過! 更詳細資料及圖片請看 : http://hk.myblog.yahoo.com/joycewai616/article?mid=10172

平時係梅窩游水..肚餓就會買個m記食...今次要左雞腿包餐...真係可以即填飽個肚...可惜m記愈來愈貴(缺點)

晚餐不餓,買左個雙層芝士漢堡食.個包都幾熱辣辣,呢個晚餐剛剛好.

想到m 記買外賣, 不過又冇帶coupon. 幸好入到去, 有一大疊coupon 係cashier.. =)店員的服務態度好好, 我們問他給我們多兩條叉, 多幾包茄汁也很樂意提供. 而個豬柳蛋漢堡的蛋是我喜歡的半生熟蛋. 實在唔錯唔錯..

呢間雖然好似好細間咁,但服務質素都唔差架!食物亦都做到一定水平,最鍾意等車、等船時係度買杯雪糕食。不過最唔好係個洗手間,話晒都係旅遊區丫~只得一格,仲要個洗手間都幾污糟下...