影片
电话号码
23051384
附加资料
自助點餐機
营业时间
今日营业
06:00 - 00:00
星期一至日
06:00 - 00:00
以上资料只供参考，请与餐厅确认详情
招牌菜
香港人最近都愛上食McGriddles，Zaza都趕上熱潮，食返個 #班戟漢堡🥞#麥當勞 新推出嘅McGriddles有2款口味，楓糖班戟豬柳漢堡，同楓糖班戟豬柳蛋漢堡，我就揀咗後者🥰#楓糖班戟豬柳蛋漢堡 比平日嘅漢堡包大，一打開包裝紙，就滿滿楓糖pancake香味😗 至於口感同味道方面，班戟口感唔似熱香餅，係鬆軟濕潤，有啲疏乎厘嘅感覺，味道甜甜嘅🍬所以配搭鹹鹹嘅豬柳蛋，味道充滿層次感，好豐富，效果好特別🥰
继续阅读
其實麥當勞就冇乜嘢好講 全部都同一個貨源，只不過係啲薯條新鮮炸起 定係擺咗好耐 我本身都係住附近 可能屋村區 堂食經常有位坐 冷氣充足 唔錯唔錯 拎餐嗰陣如果發現薯條唔夠熱，可以要求佢炸過新既 仲可以同佢講少鹽 啲包呢就唔會係嗰啲壓到扁晒啊，變晒型呀 啲包既包裝紙都唔會差唔多同個包黐實咁滯嗰啲 整體服務都唔錯 唯獨係一個肥肥哋嘅經理級就窄窄地啦 全程冇笑容，好似爭佢錢咁 最基本嘅多謝都冇聲 所以我覺得呢間麥當勞好好 殘疾人士都請👍🏻店呀
继续阅读
金拱門開始6點後你得堂食，要食記要食外賣啦！不過唔明點解又會多左人排隊喎！今次我食脆辣雞腿包餐！無錯！人氣高企嘅佢熱辣辣脆卜卜真係抵佢咁多年都咁受歡迎！呢間m記唔知係咪轉左班人做呢，效率高左，薯條炸得夠透夠熱夠脆！有進步吖！因為呢間金拱門次前成日炸到啲薯條唔夠熱又試過，油浸薯條咁款又試過！真心難頂！ 今次係幾好嘅體驗👍🏻
继续阅读
星期六想叫麥當勞外賣，網上訂餐兼比錢，1930訂餐聲稱2000送到2030網上查詢，得到了「送遞中」2100再查，得到了「已送達」，但食物就唔見，唔知係唔係送錯咗地方，打21382138訂餐電話，就一直都等待，等一陣錄音就話「極繁忙」叫客人網上訂購，然後自動斷線，想問都無得問2110一個黑口黑面嘅制服送餐人叩門送餐！真心好嬲，嬲係因為遲之外，想查詢又無門無方法！好洩氣！一份要90分鐘有多先送到嘅餐，水準已變得好失望玉子將軍漢堡餐（$61）玉子將軍漢堡：包已凍，醬汁已凝結漿口，麵包已被水氣弄濕，已唔好味中薯條：壓在袋底，又淋咗凍咗！唔好味麥樂雞：配芥末醬，皮淋咗凍咗！唔好味，芥末醬好濃好香解檸零系可口可樂：唯一無變味嘅食品！鮮檸清香！好味！肥髀食：芝士安格斯餐（$66）芝士安格斯漢堡：大薯條：配明太子味粉蘋果批：美粒果橙汁：食物送遞要90分鐘，薯條都淋晒，包都凍咗！食物都唔好味！好失望
继续阅读
放工後好肚餓，要搵野食都唔易，好彩一個24小時都開的M記。去M記有樣好係自己落單，唔使受樓面白眼，可以慢慢揀。我買左香烤雞翼4件$22.5，炸雞翼4件$19.5，麥樂雞9件$22.5，麥樂雞要左星洲咖哩醬和甜酸醬。我覺得香烤雞翼最好食，夠乾身夠香口，炸雞翼呢就比較油，麥樂雞羅返到去食時有少少淋。醬料方面我最喜歡雞翼自帶的泰式醬，又清新又惹味，小8星洲咖哩醬我覺得麻麻，甜酸醬我覺得好味但無泰式醬好。
继续阅读