麥當勞

营业中

休息中

本身糾結緊今日應該食新推出嘅美褖麥旋風，定默默加左價嘅Oreo麥旋風。試過美祿之後覺得，口感上都係Oreo味更勝一籌。呢間分店嘅Oreo真係好碎，口感上有剛點小失望

外賣精選早餐，取食物到返屋企唔洗5分鐘，一打開個盒，見到都覺得擺放左好耐。。。。。果然d蛋凍嘅，都算了，因為都食得到。但個包係想食都食唔到！好似石化左咁，咬都咬唔入。我唔知係外賣所以先咁差質素，駁你唔去換？定係一向都咁差呢？！以前細個有做麥當勞暑期工，當時好講服務及食物質素，個包擺放超過10分鐘就下架，根本唔會去到客人手上。係counter講野都唔會大聲，點會好似而家咁講粗口，玩到癲都唔理個客，等你玩完再來take order ...

十分十分十分失望麥當勞有可能縮減營運成本，導致食物質素下降。最近兩次叫外賣，發現珍寶套餐塊豬肉質素下降，肉質感覺很不一樣，死咸沒有肉味。從小到大食這個套餐，現在實在令人失望。購買兩次外賣情況一樣，這樣倒不如幫襯茶餐廳了。熱香餅及炒蛋質素正常，唯一可取的是即磨咖啡，若不是這杯咖啡，怎值這毎價錢。如果大家有印象，多年前吃脆辣雞腿包，你就會明白麥當勞為了慳皮，是怎樣把食物質素下降至如此地步。漢堡包越來越細，雞肉越來越薄。

近期出咗個新款嘅早餐麵包🤪就係雙蛋雞堡，其實之前麥當勞都有出過雙蛋牛堡同埋雙蛋火腿扒堡，呢兩個都係我超級鍾意食嘅，所以今次唔例外，一定要試埋個雙蛋雞堡🤤成個餐咁嗌，薯餅一定冇得輸㗎啦，因為都係急凍嘅再拎去咋，工場式嘅做法，未到每一間麥當勞都會一樣🤣嘢飲就一樣叫左熱朱古力，之前麥當勞係有豆漿飲嘅，明明好健康，而家又cut咗，搞到我又要飲返熱朱古力，不過我都好鍾意嘅，但係男朋友就話係死甜，我就分唔出啦🙈飲得開心就得啦🤷🏻‍♀️到個雙蛋雞堡，個人來講有啲失望，個雞顯得有啲乾，同埋有啲薄，同牛堡仲有火腿扒堡比起來，真係差咗少少嘅

每到新年佢哋都會出新野，今次就一於試吓，今次係角落生物做主題，所有套餐都印有佢地個樣，仲送咗利是封，超得意我叫左招財分享盒，有4隻麥樂雞、兩隻脆香雞翼、兩隻燒雞翼，$32蚊單嗌，叫做咩都可以試下，味道普普通通，同平時食開嘅冇咩特別男友就叫左黃金脆薯雞堡，佢似普通雞腿包加多塊薯餅，冇咩特別，亦都唔係特別好食，塊生菜都睇落唔新鮮，大大杯熱情果梳打，真係夠晒大杯，2個人岩岩好，個底有唔少水果增量裝扭扭薯條🍟 呢個要讚，因為佢鮮炸，幾香幾好食，份量都算多脆皮朱古力新地筒，好濃朱古力味，就算食晒層外殼，入邊嘅雪糕都好龍尾，$6.5幾抵食

呢間麥當勞算係新開，起光輝圍呢頭有麥當勞又真係幾好，仲要係24小時，夜晚肚餓都可以食。不過呢區就比較污糟，所以麥當勞嘅地下門口有時都會見倒有啲小強屍體，但在餐廳內部暫時我都未見過有小昆蟲，所以都唔影響食野嘅體驗。今次係晨早就黎到，嗌咗個超值選，係豬柳蛋漢堡配細橙汁，盛惠$18。其實平時就咁買豬柳蛋都係$12蚊，咁樣等於加$6多杯橙汁。其實唔算好抵，但係都算啦早餐嘅豬柳蛋一向都係貴過平時。打開個包，賣相係一貫的隨心，朝早食個快包，仲要求啲咩。

從來未試過咁清新、脫俗既感覺，麥樂雞既鮮、脆香雞翼既甜，食落口既味道，居然比巨無霸有過之而無不及，甚至比我既初戀更加詩情畫意，所謂「舉頭望明月，低頭思故鄉」，好詩、好詩。

鋒味漢堡竟然出第二彈，上次個款鋒味安格斯煎蛋肉醬包食過覺得唔錯，所以今次見佢再出第二款，於是即刻再黎試試佢。今次個盒係同上一款係一樣的。第二款鋒味系列係叫鋒味洋蔥吉列豬扒飽，打開個盒，好明顯見到配上既係沙律醬，其實都好正路，但個賣相就無上一款肉醬包來得開胃。個包食落好普通，幾乾下，做唔到上一款既效果，所以我有d 失望。今次配上避風塘炒蟹shake shake 粉，好惹味🤤再加上新出既菠蘿特飲，極普通，得個甜字。

今日黎試下以謝霆鋒先生為主題既 "鋒味安格斯煎蛋肉醬漢堡"呢間麥當勞已經同其他分店一樣，有曬自助點餐機，亦都可以用app 預先預定。 當日無人排隊，咁我就用最傳統方式order 左個"鋒味安格斯煎蛋肉醬漢堡" 另外加左杯鋒味提子特飲，但今次就無試佢個鋒味shake shake 粉啦。拎左個餐個包裝盒都幾有型，幾附合謝生形象打開個盒，入面都幾多料都見到好大塊菜，同好多汁，塊牛亦都好厚。食落去其實幾juicy, 唔似其他包咁乾，但味道唔算太有驚喜，但都算係誠意之作。另外呢杯野，飲落似藥水味...

如上題 滿心期待 試新出包 田園烤雞睇圖永遠是吸引的 睇廣告又是深深吸引 ～今日買黎試下食 本來就係板雞包既粉絲 點知m記唔再出佢 是之取代是也～原本睇個樣都唔錯 有所謂m記市場推出高價既路線 ～最慘係高不成 低不就呢味道方面，簡直是伏字黎形容個包皮太干太硬 係走西式風格 法包嗎？只怪我唔識欣賞囉 件雞咸到一個點 說好的清新田園呢 清新何在話說個牛油果醬都係另一期待既重點之一點知少到一個點食唔出咁制so sad真心 呢個包可一不可再 最好一也不必一試好掛住板雞太唔開心啦 睇黎有排先再有勇氣試其他二個新包

麥當勞成日都有唔同嘅新搞作，今次又出咗個叫做招財牛堡嘅食物，比起同人餐貴＄10左右，不過比起出面食譚仔或者傷心密密粉其實都係差唔多價錢姐，試一試新野都無妨啊，就好似之前個紫薯雪糕又幾好味，不過今次食完真係好失望呀。今次呢個個牛肉好乾，個包亦都好乾，真係好無聊啊。可以稱得上係越食越無聊，食食下，食到一半已經有啲唔想食。另外嗰個薯圈買到返去都仲有少少徐徐地嘅感覺，呢度都算係幾唔錯，不過食食吓覺得佢比原本薯條更加熱氣，仲有少少沉悶嘅感覺，沉悶嘅感覺即係已經有少少唔想食囉，好難食！！！下次都係寧願買番一啲比較正常嘅餐就算啦，費事搞咁多野。                        

M記之前既食油驚魂新聞，似乎唔太樂觀，去食開心樂園餐，轉左個粟米杯，雖則食左咁多年薯條，但這樣的醜聞，給我感覺不太良好，免得有罪惡感漢堡包細細件，好岩下午墊肚拎黎食，不過比較多醬，少一點醬會較好，幾好食粟米好熱，似係岩岩出爐水份充足熱朱古力飲品質素都ok，比可樂個D更健康打開蓋，見到面頭有D泡沫，似模似樣其他食個開心樂園餐都係為左隻公仔

之前唔得閑寫食評，依家有時間就寫返夠本，打發下時間，搵返之前有一張係麥記新出推出嘅焦糖麥旋風，麥記成日啲餐牌都轉來轉去，如果計一直以來最好味嘅應該係紫薯雪糕。呢個焦糖麥旋風好鬼甜，食落去就係一種好甜嘅甜味，冇咩太特別，食食吓因為太甜就唔會想再食落去，不過表面嘅Oreo曲奇都幾好味，兩者就唔算太匹配。