麥當勞

营业中

休息中

本人於2024年11月29號星期五晚上大約18:45到美居中心購買外賣食品，當我和小朋友一起拿取幾（大約4個）個紙杯的時候，有一名清潔女工從後用極不禮貌、極大聲的語氣，罵我和小朋友不可以取紙杯，我當時沒有和這位清潔女工理論，也放下了紙杯，但這位女工仍然不停駡我們。當晚我的小朋友因為這樣的員工這樣大聲說話嚇怕而哭，不明白為何取了幾個小紙杯而被人駡。我還要安撫我小朋友嘅心理！請問麥當勞的員工是這樣對待人客嗎？我亦有email 反映，但竟然8天後才有回覆，當然內容都是「會改進服務態度」之類的官腔回覆！實在不能忍受這個以小朋友作招徠的餐廳，可以有如此的服務態度！！

今日專登去麥當勞試下佢個期間限定d24榴槤新地，結果有驚喜，榴槤超新鮮好有d24榴槤嘅榴槤味，d24榴槤配去雲呢拿雪糕個味道超配合，真係超好味，經過去麥當勞可以試下

本身唔想食麥當勞但係見佢今期出嘅公仔好得意😎， 純粹叫個麥樂雞餐嚟打下卡😂麥當勞嘅味道10年如一😀所以都唔使點介紹， 但係有啲分店會好食啲因為熱辣辣有啲就冇咁多人， 如果我想食熱嘅薯條通常都會去啲較多人嘅麥當勞🍔

出餐超慢，員工態度極之差。員工和顧客對話如下: 顧客男: 有茄汁嘛？員工女: 薯條有鹽味，不嬲都無俾。要嘅你咪問囉顧客男 : (即火咗) 而家咪問你拎囉。。。旁人無言。。。。無諗過麥當勞會咁同客人講。另外，本人order 黃金脆薯牛堡俾依個價錢。( 但俾左招財牛堡) 當時淨係check 左麥樂雞有無醬 ( 只見到少咗) 亦已問返，佢拎返態度都好差。。講到呃佢個醬咁，都係唔第一次俾少。每次都要check 清楚。又俾錯。。。。。唔係下次諗住上一次俾錯係三個月前，今次見近近地買多次點知又係咁，仲見到小情景。唉。。。係以後都唔會再去依一間美居麥當勞。。。。

呢間啲嘢夠新鮮，因為繁忙：薯條新鮮炸，蘑菇安格斯漢堡超好食。早餐豬柳蛋漢堡會有啲肥膩。而家啲咖啡全部都係McCafe無左即磨咖啡了。我去附近西餐廳食個安格斯漢堡包，都冇呢度咁好。

基本唔知食乜嘢嘅時候就m記嘅我電話入邊必有麥當勞嘅App，食之前睇睇app入邊有無套餐推薦。仲時不時會有JUST FOR YOU嘅優惠添，今次係28蚊有蜜糖BBQ麥炸雞兩件➕飲料🥤。➕個魚柳飽就搞掂一餐啦。手機落完單，然後再落樓攞，慳翻排隊點餐同等候時間。來到就已經準備好，一拎即走。快手高效👍外賣返屋企打開仲新鮮滾熱辣，大大啖炸雞🍗真係好香口啊啊啊啊，嫩滑又入味，超正。再飲啖凍可樂，夠曬滿足哈哈😄

收工收夜咗,一個人又唔知食乜,最好就叫M記外賣😋●蘑菇安格斯漢堡🍔麵包亦算軟熟,裡面夾住半溶芝士、番茄、生菜、安格斯牛肉扒雖然唔算多肉汁,但牛味幾香濃,同蘑菇幾夾,可惜蘑菇份量太少,唔夠突出蘑菇嘅香味😋跟餐配一個薯條🍟同飲品🥤薯條炸得唔夠香脆有少D淋！另外叫咗兩件脆香雞翼🍗反而欣賞脆香雞翼炸得幾香脆,肉亦夠嫩滑！要求唔高,肚餓時都算一個不錯嘅選擇,簡簡單單又一餐😅

長沙灣嘅麥當勞已經開咗好一段嘅歷史，今日到訪佢哋分店食早餐，水準超高，出賽嘅食物夠熱，份量亦都冇縮水，服務態度良好，錯位環境舒適，客流量都唔算高，搵位亦都好快有位

🥢 M記不嬲都係食漢堡包，例如雙層巨無霸、安格斯漢堡、脆辣雞腿包，但係你有冇試過喺M記食炸雞呢？而佢哋出品嘅炸雞竟然比漢堡包更出色、令人垂涎三尺🐓 ⏳ 即order即刻識得喺廚房炸俾你食，仲有一個靚靚雞桶俾你裝住🐔 ✨ M記出品嘅炸雞有唔同味道，今次試咗佢哋嘅蜜糖味炸雞，如果你想試其他唔同嘅味道亦都可以混合咁樣叫，價錢都係一樣㗎！炸雞上到嚟嗰陣熱辣辣，外皮十分之鬆脆，查皮厚度適中，加埋炸皮上面鋪滿蜜糖嘅味道，甜得來好過癮

突然好想食炸雞🍗，呢排又見到McDonald’s 啲廣告🪧，又見到美食多賣平台有promotion。咁就叫咗嚟食啦😆😆😆- 麥炸雞二人餐 $128我揀咗3款味：原味x2、BBQ味x2、鹽酥雞味(新推出)x2 配BBQ味shake shake 薯條🍟、粟米杯、凍梨味紅茶、熱朱古力原味嘅口感同味道都正常，外脆有汁，仲帶啲辣。BBQ味啱晒唔食得辣嘅朋友，蜜糖BBQ味，甜甜地。最後，新推出嘅鹽酥雞味。佢鹹得來又辣，我覺得辣過原味，味道偏重口味，但入面雞肉仲嫩滑有汁嘅。

【 My Melody 招財福堡 】🐰作為My Melody的fans，見到麥當勞推出左兩款新包招財牛堡和黃金脆薯牛堡，仲有好可愛的My Melody包裝，當然要買黎試下啦！🍟今次食咗黃金脆薯牛堡，但黑椒味太勁，蓋過左薯餅的味道，加上醬汁令薯餅變得唔脆，所以下次都係叫招財牛堡就夠。另外加$8即可升級大大啖組合，有白桃梳打和shake shake薯條，白桃梳打好清新好好飲。🧧買套餐仲送一套四款利是封，都幾特別。

最近試咗這個吉米套餐，幾十蚊夠晒兩個人做晚餐份量！套餐可以揀黃金牛堡，估唔到份量夠大而且好味！牛肉夠嫩滑，而且夠多汁，食落好惹味！套餐仲可以揀我最鍾意食嘅圈圈薯條，特別香脆，仲配搭埋又甜又好味嘅紅豆批！

踏入2021年，招財牛堡又出現啦！一年一次的牛堡回歸，絕對要捧場。難得生日，只吃日本和牛當午餐當然不夠盡興，下午茶時段也要繼續吃，於是特意駛經久違的麥當勞，外賣了一個招財牛堡在車上吃，牛堡單買有點貴，要$23一個，不過只有一年一次，很難得。一打開包裝就聞到香噴噴的黑椒味，即買即食，所以還是熱辣辣的，鬆軟的麵包、富口感和帶點牛味的厚身牛肉漢堡扒，配上份量特多的惹味黑椒醬汁，是一個美味的配搭呢！雖然醬汁真的有點辣，但在寒冬下，這個又熱又辣的牛堡確實很暖胃，不消5分鐘就被吃光了！果然沒令人失望哦！服務方面，我要求多醬汁 (因為試過吃乾巴巴的出品，實在太難食)，店員們也樂意配合，看著她特意給我的牛肉漢堡來回多沾兩次醬汁，不錯呢！已開始期待下次再會招財牛堡了！

知道配有脆薯角的巨無霸餐再次回來後，吸引到我下班約同事一起去麥當勞品嚐一番， 一睹巨無霸的風采，哈哈。巨無霸我比較細食，點了一個普通 巨無霸餐，同事比較大食，點了一個雙層巨無霸餐。雙層巨無霸真的非常誇張，上層2 塊豬柳，下層又2 塊豬柳，食完應該會增肥幾磅。脆薯角炸得金黃香脆的脆薯角比普通薯條美味得多，炸得金黃香脆，而且分量不少，很讚。配上可樂，完成了不健康卻又美味簡單的一餐。

夏天又係食🍦嘅時間🤤朋友話麥當勞甜品站推出左全新期間限定呂宋芒果新地筒 ，仲有得加香蕉味脆皮 或者 朱古力味脆皮 😎兩樣嘢都鍾意嘅我就梗係要去食下個人比較鍾意食香蕉味脆皮😝加埋芒果味雪糕食落去好夾😍朱古力味脆皮都好好味